قصه زوز بنات هربوا من حوش اهلهم
بس شن سبب الهروب؟؟؟
كل وحده عندها قصه مختلفه والزوز مفيش اي صله قرابه بينهم بس حتجمعهم الضروف
يترا شن هيا الصدفه الي حتجمعهم وهل مشاكلهم تستاهل يهربوا من اهلهم
وهل بيعيشوا بسعاده زي منشوفوا فالمسلسلات ولى بيتعدبوا فحياتهم
وفيه هلبا قصص غير الهروب حتكون فروايتنى زي قصة حب متلاً ❤
وهل اسم الروايه الي حطيته حيكون بسبب هروب البنتين هادو ولى فيه سبب اخر
حنعرفوا كل شي بس شويه شويه
_________________________________
واقفه بعيد ونشوف في عمامي وخوتي كيف يعيطواا ومتعصبين وكل حد منهم يتحلف انه بيقتلهى ويصفي العار
حتى ولاد عمامي الي سمعتهم زي الزفت توا قعدوا يحكوا علينا ويستفزوا في خوتي لان رفضوهم يوم جو وطلبونا منهم رفضوهم لان معندهمش شرف توا يتشمتوا فيهم عالعار الي دراته اختهم
نشوفلهم ومش مستوعبه الي صار قاعده تحت الصدمه كيف قدرت ادير فينا شي زي هكي مفكرتش انه فيه عيله وراها بيحكوا عليهم الناس مفكرتش شن حيصير فيها عند العيله الي مشتلها كيف حيعاملوها ويدلوها 💔
مفكرتش في امها الي ضحت بي حياتها عخاطرنا امها الي تموت عخاطر ولادها يعيشوا حياة كويسه مفكرتش فيا كيف بيحكوا الناس عشرفي 💔
سعاد:بنتي مستحيل أدير هكي علاش تتبلو عليهااا 😭
كريمه:بنتك هربت استوعبييي منتبلوش عليها علاش بنتبلو عليها بنتك ليها اسبوع هاربه وانتي متبيش تصدقي
سعاد:انا عندي تقه فبنتي اكيد مهربتش مستحيل تهرب فيه شي غلط مستحيل بنتي مديرش هكي انا نعرف بنتي مستحيل تهرب
كريمه:تنهدت على حال اختها وناضت...ريم بنتي
ريم:شافتلها وعيونها دموع.....نعم خالتي
كريمه:جيبي حبه الضغط لي امك انا بنطلع برا شويه
ريم:حاضر ومشت للمطبخ
______________________________________
فمكان تاني
كانت الصاله زحمه كل الحاضربن فرحانين بالبيان ويستنوا فالعروسه تخش لصاله ومتشوقين يشوفها اهل العريس ❤
لين طلع صوت عياط خلى كل المعازيم ينوضوا من الخلعه وفجاءه سكت الصوت وقعدوا الحاضرين يتسألو عالصوت بس مفيش حد جاوبهم شغلو الاغاني ويرقصوا وكانه مصار شي
سوزان:غبارتتى السوده كيف بنديروا يا امي شن بنقولو لناس الي تستنى فالعرووس برا فهميني
سميه:صكري فمك وخليني نفككككر انا بروحي مش فاهمه شن نديييير
رقيه:تشرب فالعصير.....عادي جدا اطلعو لناس وقوللهم واللهي بنتي غيرت رايها معش تبي تاخد ولدكم الي راسه زي حبة الكيوي لان عندها فوبيه من الكيوي وتمت القصه
سميه:قامت المزهريه الي جنبها وحدفتها عليها بس قدرت رقيه تتخطاها وتطلع من الدار بسرعه......حقققيره تحسابني ناقصتهاااا 😡
سوزان:امي الناس برا قاعدين يتسألو عسبب العيااااط
سميه:كله منك متقدريش تتحكمي فروحك نضتي تعيطييي شن بندييير لغبااائك
سوزان:ولو معيطتش كييبف بتخفييي انه بنتك هربببت فيوم تلبيستها وبيانهاااااا قوليلي شن بتبرري لناس
سميه:خوك بيرجعها مستحيل يخلوها تهرب
سوزان:شكلك متعرفيش بنتك تقتل روحها ومترجعش للمزبله الي عايشين فيها انتي وولادك
سميه:ضمييي ففففمممك سوزااان مش ناقصتتتك
سوزان:شافت لي امها بغللل.... وطلعت
