تاني يوم الصبح :
سوزان فتحت عيونها على صوت عياااط ناضت مخلوعه طلعت من الدار
سوزان:شن فيه شن صااير ؟؟؟؟
رقيه ناضت وراها وتمسح فعيونها.....خيركم االنم متخلوش الواحد يتمرقد
سميه:تبكي وتخبط على رجليها.....خوك معاد مفقووود معتش لقوووه خطفوووه وووووه علياااا وليديييي ووووه
رقيه:شافت لسوزان وتستنى فيها تحكي لي امها عالي داروه خوتها وتقوللها من الي خطفه
سوزان:جبدت رقيه من يدها ودخلتها لدار.....منبيش نسمع ولى حرف منك امك تعرفيها شهداره تطلع توا قدام الناس وتقعد تفتفت وتدوي عالبنت وتحكي على شرفها فخلي فمك مصكر لين يتم الي بنديره
رقيه:به شن بديري؟؟؟وليش متقوليش حتى لي يقين؟؟
سوزان:منبيهاش تقعد تنكد عالراجل من بدايتها
رقيه:اوووف لي امتى هالوضع لي امتى بنقعدوا نتحملو في اخطاء التيووس الي جابتهم امي لي امتى قوليلي انا مش قادرة اكتر من هكي خلاص مرارتي فاضت النننم
سوزان:صكري فمك خلاص اهو بيتعاقبوا وربي ياخد منهم الحق
رقيه:انشاء يقتلوهم ونفتكوا منهم
_______________________________________
كريمه:قصدك الي جت امس اختهم 😭
ابتهال:علاش تبكي يا ماما واللنبي ياسر مش قادرة نتحمل دموعك
كريمه:دمرولك حياتك يبنتي حسبي الله فييهم حسبي الله يلقوه فخواتهم
ابتهال:استغفري ربك امي شن يلقوه فخواتهم حرام عليك البنات مليهمش دنب
كريمه:قلبي محروق عليييك
ابتهال:عارفه بس متدعيش عالبنات هما الي تحملوه من خوتهم وامهم سادهم مش ناقصين دعائك عليهم
كريمه:حسبي الله ونعم الوكيل فيهم حسبي ونعم الوكيل 😭
ابتهال:ماما ارجوك معتش تبكي والله قلبي محروق متزيديش عليا
_____________________________________
ريم:تحط فالفطور عالطاوله.......بالي مشغول على رغد متصلتش ابداا
جوري:حتى انا حاسه فيه شي غريب صاير تلفونها مقفل وحولوا من الحوش الي ساكنين فيه فيه شي مش مزبوط
ريم:يالله كون معاها
جوري:عمتي سعااد
سعاد:نعم يبنتي
جوري:الفطور جاهز تعالي كولي عشان تاخدي دواك
سعاد:ناضت من مكانها بتعب وقعمزت عالطاوله...جيبيلي الدواء
ريم:كولي قبل يا امي بعدين خودي دواء ميصيرش تقعدي تاخدي فيه على بطن فاضيه بيوجعك
سعاد:هزة راسها وهيا ساكته كانت حالتها تاعبه هلبا
___________________________________
اسراء:مدام ممكن نسألك سؤال
سلوى:لاهيه فالتلفون....أسالي
اسراء:كم خادمه جبتوا قبلي عشان حسيت انه خدمتي مش عاجبتك
سلوى:ممكن خمسه او اربعه منعرفش بالضبط
اسراء:اها به ليش مشو
سلوى:مش فاهمه الي تجي تقعد اسبوع هكي وبعدها نلقى رساله انها معتش تبي تخدم وتعبت ويروحوا حتى منغير منشوفهم ولى نخلصهم فرخات يتسهوكوا واني مش عارفه حتى وين يمشوا وهما معندهمش اهل
بعدين انتي شن دخلك فيهم امشي لي شغلك ومعتش تدخلي حسستيني صاحبتك تهدرزي معاي
اسراء:بلعت ريقها بخوف وخشت تجري للمطبخ
