بعد يومين :
الساعه 12 الصبح
سوزان:راقده عالسرير وضامه لمخده لصدرها وتفكر
هل الكلام الي سمعته صح بس حتى لو مش صح انا شفت بعيوني منقدرش نكدب
رقيه:سوزان ندوي معاك انا
سوزان:شافت لي اختها.....اها اي نسمع فيك
رقيه:كل مندكر منضر امي يوم البيان نموت ضحك
ناضت من مكانها وقعدت تقلد في امها..... سامحونى يناس انا بنتي تراجعت عن الخطوبه والزواج هدا فيكم تتفضلو تروحوا وااااك الموقف محرجح لصققف😂
هيا امي بس تستاهل هيا السبب فالي صار كان ربت مفرخها راه مش هك
سوزان:فنصت فيها.....قعمزي فمكانك وبلاش قلة ادب
رقيه:ننننننن مديريش روحك مؤدبه توا نعرفك متحبيهاش حتى انتي
سوزان:اممممك يحقييره امك هادي
رقيه:حاجه والله بلوكه 🙂
____________________________________
يقين:مالك
مالك:يلعب بالتلفون.....عيونه ❤
يقين:قعمزت مقابلته عالسرير.....انت توا تشوف فيا بنت مش كويسه لان هربت معاك الكلام الي قالاته امك صح
مالك:حط التلفون وشد ايديها......انا عارف ضروفك وعارف ليش تخليتي على اهلك وانا واتق فيك مهما يصير متفكريش فحجات تافهه زي هكي انا معاك ومش مسيبك كان تطبق السماء عالوطاء واهلك هما السبب لو مرفضوش راه توا لبعض بالحلال وبدون شوشرة
يقين:شافتله وعيونها دموع.....نحبك ❤
مالك:باسها بين عيونها.....فكينا من الدراما توا وامسحي دموعك
يقين:ضرباته عكتفه.....دراما فعينك
مالك:ضحك.....شن رايك نطلعو نتغدوا برا
يقين:خافت......لالالاااا منبيش ممكن نتلاقوا مع خوتي وتصير مشكله لا منبيش شفت كلام عمي يوم الفاتحه قالي انه خوتي مش باردين بكل لين يقتلوني
مالك: الراجل فيهم يقرب عليك وانا معاك وانتي مش واتقه فيا اني بنحميك ولى كيف
يقين:لو مش واتقه فيك مكنتش هربت معاك بس خايفه انه يديرولك شي
مالك:ضحك.....خوتك يديرولي شي
يقين:شافتله بستغراب......خيرك تضحك؟؟؟
مالك:شاد ضحكته.....خوتك الي يخافوا من ضلهم بيخوفني اني
يقين:مالك متهزاش عليهم خوتي ونعرفهم الشيطان متربع فراسهم
مالك:تمام توا نخاف منهم 😂
يقين:مااااالك
مالك:تي خلاص الزفت فهمت توا ناخد احتياطي ونوضي البسي هي
يقين:خدت نفس وناضت
_________________________________
جوري:مؤيد
مؤيد:نعم
جوري:ريم
مؤيد:شافلها بخلعه.....خيرها شن فيها شن دارت حتى هيا
جوري:اهدى مفيها شي بس لو تمشي تحكي معاها شويه زي قبل يعني اخ لي اخته لان نفسيتها تعبانه واجد وخايفه منكم مش قادر تطلع وتشوف لوجهكم
مالك:وهيا علاش خايفه منا ؟
جوري:مش معروف شن ردة فعلك لو شفتها ممكن تعاملها مش كويس لهدا خايفه المهم انت احكي معاها
مؤيد:يشوفلها بستغراب......تمام توا نكلمها مع انه مفيش داعي
_________________________________
رغد:إيهاب
إيهاب:ها
رغد:وين بتمشي من الصبح ؟
إيهاب:شن دخللك
رغد:تمام متعصبش مقلت شي
إيهاب:وين ماشي ومن وين جاي فوتيني منهم الاسئله هادو وهدا اخر تنبيه يرغد ملكش علاقه وين نمشي صبح فجر متدخليش
رغد:تمام اسفه 🥺
إيهاب:لبس كندرته وطلع
رغد:قعمزت عالكرسي وقعدت تبكي ....شن درت فروحي
