قصة جديدة مختلفة عن جميع القصص لي قريتوها
بطلتنا بنت عاشت حياتها في المغرب بين ناس كانت كتضنهم عائلتها و لكن طلع العكس موصفاتها جميلة جمال خارق و الصور أكبر دليل
بطلنا كيفانش تاتليتوغ و من لا يعرفه المعروف بمهند
أحداث قصتنا أغلبها غادي يكونو في تر...
فدار صغيرة فنواحي الدار البيضاء كانت بطلتنا جالسة شادة تيليفونها كتفرج في المسلسل لي كتحماق عليه العشق الممنوع جالسة و كتبكي حيت مهند باس نهال محملاتوش يبوسها واخة عارفة بلي تمثيل و لكن كتغير عليه . جات عندها مها و قالت ليها : وا ديك سلعة تركيا نوضي قضي شي شغل الى عندك بقاي مقابلة مهند حتى يسطيك قالت ليها هزار : غادي يجي النهار و غنتزوج بيه هاني قلتها ليك الأم سهام: انوضي قالك تزوجي بيه ناضت هازار بعدما سلات الحلقة جمعات الدنيا لبسات حوايجها و مشات للمدرسة اللغات كتقري تما اللغة التركية دخلات للحصة قراتهم و رجعات فحالها للدار نسيت مقلتش ليكم البطلة يلاه عندها 21 سنة المهم رجعات لدارهم لقات الجوقة في الباب و شي طوموبيلات بحال ديال عثمان كوزان دخلات للدار لقات مها كتهضر مع شي مرأة و راجلها من وجهم باينة ماشي عرب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جات عندهم هزار قالت ليهم السلام قالت ليها المرأة بالتركية : هزار هادي نتي مامتيقاش عينيا و أخيرا رجعتي ليا أبنتي هزار جاوباتها بالتركية : أشمن بنت و كيفاش رجعتي مفهمت والو ...قالت لماماها شرحي ليا شنو واقع قالت ليها : بنتي مكاين مانخبي عليك نتي ماشي بنتي نتي ماشي مغربية أصلا نتي كنتي صغيرة عندك شي عاماين جيتي مع واليديك للمغرب و لكن شائت الأقدار و تلفتي ليهم مني كنتي كتلعبي عياو ميقلبو ملقاوكش لقيتك أنا و عرفتك تركية من هضرتك سولتك قولتي ليا أنا هزار ديتك معايا للدار علمت البوليس باش يلقاو واليديك و لكن بدون نتيجة واحد النهار كنت كنقلب بين حوايجك القدام لقيت واحد النمرة و عيطت ليها و عرفت بأنهم واليديك و قلت ليهم يجيو وهما جاو باش يديوكو معاهم حيت نتي بنتهم البكر و الوحيدة قالت بالتركية: أنا كنت عارفة راسي ماشي مغربية كنت عارفة راسي تركية الحمد للهغنمشي لتركيا نشوف مهند ديالي الأم سهام: راه قلت ليكم غتفرح و نتوما خايفين على مشاعرها هي بالفرحات عليها تشوف داك كيفاش و لا معرت أش قالت هزار : سميتو كيفانش تاتليتوغ تاتليتوغ قهرتيني بتعواج السمية الأب شتاي : كيفانش نتي كتعرفيه قالت ليه: اه راه ممثل كبير راه هاداك بينيم أشكم ( هاداك العشق ديالي ) قاليها : اه مزيان المهم عنقات واليديها قالو ليها دابا نقادو ليك وراقيك باش نرجعو لتركيا دازو يوماين و توادعات مع مها و مشات مع واليديها شتاي و فيروز وصلو لمطار إسطنبول استقبلهم السائق الخاص داهم للفيلا ديالهم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(المهم من دابا غادي نهضر من وجهة نضر البطلة) دخلت لهاد الفيلا لي ماغريباش عليا ولاهيلا هي الفيلا ديال عدنان زياكيل مستحيل واش صورو المسلسل هنا واو مامتيقاش غادي ناخد الغرفة ديال نهال و لا ديال مهند هههه بابا قال : عجباتك دارك الجديدة قلت ليه: هاد الدار حافضاها قنت بقنت شفتها في العشق الممنوع قاليا : داك المسلسل لي مثل فيه ولد عمك قلت ليه : صبر بلاتي أشمن ولد عمي شكون متقولش ليا نهاد هههه الهربة قالي : لا كيفانش زعما مهند عند العرب قلت : أويلي على كيفانش ولد عمي بغيتيني نتسطى بقيت ساكتة كنفكر فهاد النعمة لي طاحت عليا من السماء هههه خاصني نطيحو المهم دخلت وراتني ماما البيت لي باقي في ديكور بيت نهال أخر ديكور طرت بالفرحة عرفت بلي مهند بيتو نيت بحال كيف المسلسل متيقتش بلي ساكن معانا واو . المهم مشيت رتاحيت بدلت حوايجي لملابس أنيقة و مريحة هبطت حيت وصل وقت العشاء جلسنا على المائدة تاحاجة متبدلات الدار بحالها بحال الفيلم شوية تم جاي داخل مهند خازندار بشحمه و لحمه جا سلم علينا و قالو ليه عليا ابتاسم ليا و عنقني و قالي بالهمس هادي شحال و أنا كنتسناك أنا تصدمت بزاف ماشي ساهلة مهند يقوليك هاد الهضرة ستوووووب سالينا اليوم غدا الإثنين نكتب بارت جديد
