هاي غايز رجعت ليك ببارت جديد بأحداث جديدة و مشوقة
مني قاليا ديك الهضرة تصدمت المهم مابينتش مبغيتش نبين ليه بلي فان ديالو لا يقول هادي كتبغيني ندير بيها مابغيت
المهم جلسنا تعشينا و كنهضرو بابا قاليه : كيفانش كيداير مع شي خدمة كاين شي جديد
قاليه : مزيانة غنكمل العشق الممنوع و غنصور مسلسل أخر مي باقي ملقيتش شي بطلة تناسبني و مبقيتش باغي نخدم مع بيرين سات و هزال كايا لي كنا مفاهمين كتصور مسلسل أخر
قلت ليه : أصلا بيرين محملتهاش... قاليا علاه كتعرفيها ... قال ليه بابا : النهار كامل و هي حاضية المسلسل ديالكم ... قاليا : شكون أكثر ممثل تركي كيعجبك ... جلست كنفكر في الممثلين لي كنعرف مزيان شكون يا سيدي ربي شكون قلت : اه كيعجبني كرم بورسين . قالي: زعما مكنعجبكش أنا
بديت كنتمتم : ها شنو نتا اش كتقول .. قاليه بابا خليها راه كتحشم .
تزنغت و حماريت مشيت كنجري لبيتي بقيت كنطل من الشرجم وقلت مع راسي : ايه يا نهال شحال طليتي على مهند من هاد الشرجم .. شفت في الباب : و شحال دق عليك مهند هنا و دخل و شحال دابزتو فهاد البيت و شحال بكيتي فهاد الناموسية ( المهم هادشي قلتو بالدارجة تفاديا لأي إحراج)
جا دق عليا كيفانش ولا مهند ( المهم غنبقا نقوليه مهند حيت سميتو طويلة و لكن البطلة غتعيط ليه كيفانش ) قاليا : هزار ممكن ندخل .. قلت ليه: اه طبعا تفضل قاليا : شفتك جلستي فبيت نهال . قلت ليه اه كيعجبني هاد البيت حيت كتعجبني نهال بزاف قالي : اه مزيان و مكيعجبكش بهلول قلت ليه شكون بهلول اه زعما مهند لا كيعجبني شخصية زوينة و خا غدر عمو . قاليا : واش سميت الشخصية ديال بهلول مهند و العالم العربي . قلت ليه : تقريبا جميعا الشخصيات لي لعبتي سميتهم مهند حيت أصلا كلشي كيعرفك غير بمهند قليل لي كيعرف سميتك غير الفانز .. قاليا : اممم مزيان المهم تبغي تفرجي فتصوير غدا
قلت ليه : أنا غنجي نحضر للكواليس و نشوف الممثلين بغيت نشوف هزال كايا كنحماق عليها مي التصوير مغنحضروش باش منحرقش الأحداث و نعرف شنو واقع و نصدق مامكملاش المسلسل واخا أنا أصلا عارفة أش غايطرا في الحلقة الأخيرة باينة سمر زعما بيهتار غتنتحر (ردو البال راه الهضرة كلها بالتركية ) قاليا : ميمكنش كي درتي عرفتيها
قلت ليه : هادشي مخافيش عليا راه سنين و أنا نتفرج في الدراما التركية و عندي خبرة في التمثيل إذن عندي تفكير درامي و كنعرف الأحداث الجاية بسهولة حيت داكش عندكم بحال بحال شي مشاهد غير كيتعاودو قاليا : تبغي تمثلي معايا مسلسلي الجديد قلت ليه : شنو أنا قاليا : علاش لا ندير ليك كاستينغ دابا و نصوروه و نوريه للمنتج و الا عجبو تمثيلك غتكوني البطلة قلت واخا قالي :صافي غنختار شي مشهد من العشق الممنوع و نمثلوه مع بعضياتنا قلت ليه بشرط ديال نهال أنا بيهتار مكنحملهاش قالي واخا نتي لي بغيتي دايا تشوفي اينا مشهد غنعطيك
المهم ختارينا هاد المشهد
قاليا : غير شفت فيك وجه الله و مدرتش المشهد الأصلي لي فيه القبلة
المهم أدينا المشهد و أديتو باحترافية حسن من نهال
صيفط المشهد للمنتج عجبو تمثيلي و عطاوني دور البطولة هو و المخرج و سميت المسلسل نور
مشا مهند و أنا لبس بيجامتي و نعست الغد ليه فقت الصباح بكري لقيت صحاب التصوير جاو بدلت حوايجي و خرجت لأن نهال عندها مشهد هنا صورات و طبعا أنا هبطت للكوزينة باش منشوفش المشهد واخا الطاقم عياو معايا نبقا و قلت ليهم مبغيتش نحرق عليا أحداث المسلسل فرحو مني عرفوني كنتفرج فيه مشيت تفرجت فأخر حلقة تلاحت مدبلجة حيت واخا كنعرف للتركية كيعجبني صوت المدبلجين المهم سالات هزال المشهد و عيط ليا مهند نجي باش نتعرف على الممثلين مشيت و تلاقيت مع هزال كايا لي غير شفتها عيني خرجو منهم القلوبة حيت أنا من أكبر معجبينها واخا مكنبغيهاش تبوس مهند مي هادشي كايبقى تمثيل
تعرفت بيرين سات لي كتعجبني كممثلة مي سمر لي معنديش معاها بتاتا المهم حاولت نكون ضريفة معاها و تعرفت خت سمر أنا كنقوليها ناهدوران حيت كانت مثلال فحريم السلطان المهم أما عندنان بيك و فيروز خانم راهم هما واليديا ههه معندي لاش نتعرف عليهم
المهم باش منطولش عليكم نتلقاو في البارت جاي و رمضان كريم على الجميع
أنت تقرأ
الوريثة المفقودة
Storie d'amoreقصة جديدة مختلفة عن جميع القصص لي قريتوها بطلتنا بنت عاشت حياتها في المغرب بين ناس كانت كتضنهم عائلتها و لكن طلع العكس موصفاتها جميلة جمال خارق و الصور أكبر دليل بطلنا كيفانش تاتليتوغ و من لا يعرفه المعروف بمهند أحداث قصتنا أغلبها غادي يكونو في تر...
