𝗢𝘂𝗿 𝗞𝗶𝗻𝗴𝗱𝗼𝗺 ❥︎ 𝖥𝖺𝗇𝗍𝖺𝗌𝗒 ˢⁱⁿʰᵃˡᵃ

1O ❥︎ 𝑾𝒉𝒐 𝒊𝒔 𝒕𝒓𝒚𝒊𝒏𝒈 𝒕𝒐 𝒔𝒂𝒗𝒆 𝑱𝒊𝒎𝒊𝒏?

Our Kingdom

Episode 10

Jimin Veiw

ඔක්කොම ඉවර වුනාට පස්සෙ මම ගියේ කුමරියගෙ කුටියට ඒ වෙද්දිත් රාජකීය වෙදැදුරු හෙදියන් එක්ක සිහි නැති වෙලා හිටපු කුමරියට බෙහෙත් කරමින් සිටියේ. පැත්තකින් රජතුමාත් හිටියේ හුඟක් දුකින් කුමරිය ගැන. ඒ තමන්ගෙ දුව නොවුනට රජතුමා කුමරියට සැලකුවෙ තමන්ගෙම දුවට වගේ. මම කුටියට ආවටත් පස්සෙ හියුන් ආවෙ. මම රජතුමාට ආචාර කරල පැත්තකට වෙලා හිටියෙ මොනව කියන්නද කියල හිතාගන්න බැරුව. හියුන් රජතුමාට ආචාර කරල වෙදැදුරු කරන දේ දිහා ගොඩක් උනන්දුවෙන් බලා හිටියා.

"රජතුමනි... කුමරියට ඉතාමත් අසාධ්‍යයි... එතුමියට ඉක්මනින් සිහිය පැමිණියහොත් පමණයි එතුමියටම තම තුවාල සනීප කරගත හැක්කේ. කුමරියට සිහිය නොපැමිණිය හොත් අපට දිගටම ලේ ගැලීම් නවත්වන්න බෙහෙත් කිරීමට සිදු වනවා..."
වෙදැදුරු කියපු දේට රජතුමා හිටපු තැනින් නැගිට්ටා කුමරිය ලඟ ඉඳගෙන හිටපු අනිත් ඔක්කොමත් එතකොට නැගිට්ටා.

"ඔබ පවසන්නේ ලේ ගැලීම ස්ථිරවම නතර කල නොහැකියි කියාද?"

"අපට කමා කරන්න රජතුමනි..."
වෙදැදුරු කොන්ද නමාගෙන කිව්වෙ බයෙන්.

"ඔබලා මා හා පැමිණෙන්න...!"
රජතුමා මටයි හියුන්ටයි අන කලාම අපිත් එතුමාගෙ පස්සෙන් ගියා. මන් දන්නව මම ඉවරයි...! රජතුමා නතර වුනේ එතුමාගේ කුටියට ඇවිත් අපි දෙන්නත් රජුට හිස නමාගෙන හිටියා.

"කුමරියට මෙසේ සිදුවන තුරු නුඹ උඩ බලා සිටියාද...?"

"ඔහුට කමාකරන්න රජතුමනි.... එය ඔහුගේ වරදක් නොවෙයි... කරුණාකර කමා කරන්න..."
මම බිම බලාගෙන හිටියත් හියුන් රජතුමා ලඟ දන නමාගෙන මන් වෙනුවෙන් සමාව ඉල්ලුවා. ආහ් මට පුරුද්දක් නෑ කවුරුවත් ඉස්සරහ දන නමල. අනෙක නොකරපු වැරදි වලට සමාව ඉල්ලල...!

"නුඹ ප්‍රධාන ආරක්ෂකයෙක් නේද? එහෙත් නුඹට නොහැකි වුනා කුමරියව බේරා ගන්න...!"
රජතුමා හියුන් කියපු දේ කනකට ගන්නෙ නැතුව මට එහෙම කිව්වෙ.

"නොහැකි වුනා රජතුමනි..."
මගෙ කටින් පිටවුනා කිසිම හැඟීමක් නැතුව.