حب يجمع ببن رانيا البنت المدللة لأكبر رجل أعمال و شخصية معروفة 💙
#حب #صدفة كرونيك باللهجةالجزائرية
ملاحظة:
هادي اول كرونيك ليا نتمنى تدعموني و تقولولي رايكم فيها مع إقتراحات 💚💚💚
حلقة أو حلقتين يوميا 😘
طيييط طييييط حبيباتي رجعتلكم بپارتي جديدة علابالي دكا ماكاش لي راهي تقرا فالكرو تاعي بصح علابالي يجي نهار و تولي مشهورة و يقراوها بزاف بنات المهم بلا مانطول عليكم let's goo 💫💚💙💙
عند رانيا : طلعت لبيتها دوشت بدلت (بيجامتها ↓)
و هبطت قيس مالحقت ال 20:00 و وجدت لخدامة لفطور كملو فطرو بعدها راحو لصالون دارو تاي و تحليات و قعدو يڨسرو على ال23:00 : رانيا: ايا سلامعايكم جماعة الخير نتلاقاو غدوة حبيت نوجد تصميم نبداه اليوم 😍😍 امير : تحبي نعاونك ؟ ( يسقسي فيها و ماعلابالوش علاه راه يسقسي ) رانيا : اوكي ميغسي 😊💓 طلعت رانيا و أمير أما حياة و كريمة فقعدو يڨسرو ( أخت امير راهي بايتة عند صحبتها )
عند رانيا و أمير : هي بدات ترسم و هو يعلم فيها و ديفوا يرمي عينو يتأمل فيها
بعد ساعة حبسو و راحو قعدو يرتاحو رانيا : ماما و يماك صحابات و papa و باباك صحاب بصح جامي تلاقينا ! امير : مكتوب و تلاقينا اليوم رانيا ( سڨمت قعدتها ) وقاتلو : ايهيه عرفني على روحك شوية !! امير : اممم وش حبيتي تعرفي رانيا : jsp عرفني عليك أحكي وش حبيت امير : عشت طفولة عادية كيما ڨاع الناس كبرت جبت الباك رحت نقرا فالخارج بعدها وليت و انشأت شركتي الخاصة و ماكان حتى حاجة سبيسيال رانيا : اممم يتسما ماكاش الاكشن في حياتك 😂😂😜 قعدو يڨسرو و يضحكو و زاهيتلهم و هو كل مرة يقعد يتأمل فيها و حاس باحساس غريب و ماهوش فاهم رانيا : ايييه نلعب act / vrt ؟😍 امير : اوك نتي ابداي رانيا : وش اول حاجة تجدبك فالطفلة زينها و لا شخصيتها ؟ قالتها و قلبها و لا يخبط و حتى هي ماعلابالهاش علاه سقست هاد السؤال امير : شخصيتها ، ماعندي ماندير بزينها اذا كانت ماتصلحش 😑 و تبدلو وجهو رانيا عرفت بلي راهو على كاش وحدة و حبت تبدل الجو هي : دالتككك سقسيني 😂 هو : اممم وش تشوفي روحك منا على 10 سنين هي : سؤال شباب 😍 نشوف روحي زرت بزاف بلدان و تعلمت بزاف مهارات و وليت مصممة ازياء عالمية نشاله و بيان سيغ اذا كتب ربي مزوجة و عندي بنبينو ولا بنبينا 💕 هو : 😍😍😍 كملو يڨسرو حتى طلع الصباح و بداو يتقربو من بعضاهم كيما لقاو بلي كاين بزاف نقاط تجمعهم ( نسيت ماقتلكمش كانو لخميس دوك ويكاند )
صباح ستقهواو و ڨسرو و روح امير و كريمة لدارهم بعدما تبادلو النوامر
عند رانيا : رانيا (لصحبتها نهى ) : الوووو يا البڨرة عندي وحد الجديييد أجري أرواحيلي لقد وقعت في الحببب 😍😂😂😂 نهى : ياخاه اني جاية حوجيانا يا درا شكون مسود السعد هاذا 😂 خمس دقايق و نكون عندك ( بحكم هوما جيران ) وصلت نهى و رانيا حكاتلها كلش نهى : راني نشم في ريحة حب أسطورية 😂😂 رانيا 😜 نهى : ايه ووقتاه العرس 😂😂😂 راني حابة نشطح 🔥😂😂😂 رانيا : اتزوجي و اشطحي في عرسك 💥😂😂 نهى : دبريلي واحد و تك نتزوج مكاش مشكل 😂😂 و جوزو الجورنية ڨسرة و تمهبيل
_____ نهار جديد بداية أسبوع جديدة على أبطالنا
لبسة رانيا :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وصلت للشركة عند الباب تلاقات بأمير رانيا : صباح الخير امير : صباح النور ، وش قلنا على اللبسة ؟ رانيا : ماناش فالبخيماغ مادابيا تحتارم خصوصياتي 😊 راح كل واحد لبيروه
رانيا كانت مشغولة بزااف و حتى ل 15:00 و مازال مافطرتش امير كمل خدمتو و كان جايز حتى شاف رانيا امير : (للسوكريتار ) من وقتاش وهي لهنا ؟ السوكريتار : من الصباح موسيو ماتحركتش امير : طبطبطبطب ( الباب 😂 ) رانيا : ادخلل امير : ماتقوليليش برك دوك ماتغديتي رانيا : كانت عندي خدمة طويلة شوية و حبيت نكملها قبل باه نرتاح امير : دك دك كيما راكي تحطي كلش من يدك و تبعني رانيا : لوين امير : تبعيني تك تعرفي 😜
فالطونوبيل قعدو يڨسرو و يضحكو حتى وصلو لوحد غوستوغو (مطعم)
الخدام : مرحبا بيك موسيو أمير امير : يسلمك رانيا : على حساب الشوفة تجي بزاف للهنا امير : وي بزاف وراحو قعدو على طابلتو المفضلة لي قدام البحر الخدام : ال menu كي العادة ؟ امير : لالا ليوم ناكلو على ذوق رانيا رانيا : حمارت و قاتلو ميغسي 💫
بين ماهوما يتغداو : الخدام 1 : شت موسيو امير الخدام 2 : وي راني مشوكي الخدام 1 : هادي 5 سنين من آخر مرة جا فيها مع وحدة الخدام 2 : وي كانت مادامتو الخدام 1 : الجديدة ياينين معاها كوبل شباب شوفهم كيفاه راهم يخزرو في بعضاهم 😍 الخدام 2 : وي ربي يكملهم 💓
كملو تغداو و رجعو خدمو شوية و كل واحد روح لدارو عند رانيا : خبرت صحبتها نهى و هي ميتة بالفرحة نهى : انا جابلي ربي راهو معجب بيك ! 💕💕🔥 رانيا : زعمااا 💫💫💫
عند أمير : بعد ما كمل خدمتو راح للبحر قعد فوق وحد الحجرة و قاعد يتفكر في رانيا و هو من أول لحظة تلاقا ببها امير (مع روحو ) : زعما نكون نحبها ؟ اواه لالا مستحيل عندي 4 يام ملي عرفتها ... بصح .. هي فيها حاجة سبيسيال ماشي كيما لخرا 😑 بالاك برائتها و قاعد في صراع بين قلبو و عقلو 💚
______ طييييط طييييط هادي كانت نهاية الحلقة 3 من الكرو نتمنى تكون عجبتكم تسريب 😜: الحلقة 4 رح تكون بزاف أحداث 🔥🌼 و رح تظهر شخصية جديدة و قديمة 😂😂💜 عرفتوها ؟ يا درا شكون ! 💕💓
