وقفنا لما خرجو من الشركه وراحو المطعم
نكمل ...
***********
راحو المطعم وكانت ليله جميله بما انهم اتجمعو من تاني وخلاص ادهم هيستقر وطبعا الليله متخلتش من مشاغبات يزن ل ادهم الطفولية وملل ايهم منهم وبعد كدا ،كل واحد راح ع بيته...
******************
يزن بعد ما روح البيت
يزن: يا اهل الدار انتو نمتو ولا اي
روفان: تعال ياحبيبي احنا في الصاله
يزن: اي يجدعان قاعدين بتعملوا اي في الملل ده
روفان بملل: ولاحاجه بقلب في القنوات
الام: وانا هخش انام
يزن وهو شايف روفان متوتره: في.حااجه.ياروفا عاوزه تقولي حاجه
روفان بتوتر: بصراحه اه وقالت وهي مغمضه.عنيها بسرعه: اصل في رحله عاملاها الكليه فاعايزه اطلعها مع.ملك وليان
يزن: والرحله دي فين
روفان بسرعه: في شرم وكلمت بسرعه ولو مش عايز توديني لوحدي ممكن تيجي تبقي كدا هتتطمن عليا ومن ناحيه هتتفسح ولا اي الكلام وغمزت في اخر كلامها
يزن: وانتي اي رايك يا ماما
الام: لو انت هتروح معاها ماشي لكن لوحدها لا
يزن: ماشي
روفان بطفوليه وبتنطط :يعيش يزن يعيش يعيش
يزن بضحك: طفله وربنا الله يكون في عون الي هيخدها
روفان بمرح: لا يابابا انا هقعد ع قلبكو
يزن: ماشي ياختي
الام بابتسامه: ربنا يخليكو ليا يارب وميحرمنيش منكو ابدا
روفان ويزن: يارب
يزن : صح ياروفا هي الرحله امتي
روفان : اوبس دي الرحله بعد بكره ينهاريييي
يزن: وجايه تقوليلي قبليها بيوم ولا بيومين
روفان: ولله يا يزن نسيت ولما كلمت ملك وليان افتكرنا كلنا مع بعض وكل واحده دلوقتي هتلاقيها بتقنع في اخوها
يزن اول ما سمع اسم ليان سرح، وروفان عامله تكلم وتثرثر كتيرر
بعد فتره
روفان بغباء: هو انا بكلم نفسي ولا اي وكملت وهي بضيق عينها وقالت: ده من ساعات جبت سيره البنات وهو سارح يكونش سارح في الي بفكر فيها
روفان بخبث وهمس ليزن: جميله
يزن بهيام: اوي اوي
روفان بخبث اكتر: مين الي جميله اوي
يزن لسه في هيامه: ليان هي الي جميله اوي
روفان بصوت عالي:, الله عليا يجدعان
يزن بفزع: في أي يابت العبيطه ( ملحوظه امهم كانت دخلت نامت وهما الي قاعدين مع بعض)
روفان بغرور : مفيش حاجه في حاجه كانت في دماغي وطلعت صح وكلمت بخبث :يزوني عامله بنادي عليك من بدري ومش بترد كنت سارح في أي ها ها
يزن بتوتر: ولا حاجه
روفان بخبث اكتر: عليا يايزوني ع اختك روفا حبيبتك
يزن بتجاهل مصطنع : مفيش حاجه ويلا خشي نامي كفايه لحد هنا
روفان: كدا ماشي يايزن ولله لاوريك مين روفان. يوسف تصبح ع خير
يزن: وأنتي من أهله ومشي ودخل اوضته
روفان: ماشي يايزن مبقاش أنا روفان لو الي في دماغي طلع صح،ودخلت اوضتها ونامت
******************
عند قصر ايهم الدمنهوري
قاعدين مع بعض في الصاله ايهم وليان وماما سعاد
ايهم : اي يا ليان عامله اي في الكليه
ليان بمرح: زي الفل ياابيه بس بعد مخلص طبعا هشتغل معاك في الشركه مليش فيه ولله لو ماشتغلت هطربقها عليكو
ايهم قام وقف: بتقولي اي
ليان بخوف مصطنع: لا ولا حاجه أنا أقدر برضو
ايهم قعد تاني: ايوه كدا ناس مش بتيجي غير بالعين الحمرا
ليان بخفوت وصل لمسامع ايهم : مكنتش حمرا ع فكره ولا اي تأليف وخلاص
ايهم بضحك مكبوت: بتقولي حاجه ياليلو
ليان: ها ولا حاجه يا باشا بكلم نفسي. الله
ايهم: بفتكر
ليان وهي بتهمس لامها: يلا ياماما قوليلو
الام سعاد بحمحمه: احم احم ايهم يابني كنت عايزه اقولك حاجه بخصوص ليان
ايهم بخوف: في أي ياماما ونظر ل ليان :مالك يا ليان في حاجه
ليان بتوتر: هااا ااه لا مفيش.حاجه
الام سعاد: مفيش اي ،يا ايهم يابني ليان عندها رحله في الجامعه كانت عايزه تروحها هي وصحابها ها قولت اي
ايهم ونظره ع ليان : وليان متجيش تقولي لي
الام سعاد: أصلها خافت تقولك مترداش
ليان بسرعه: وانا عارفه لو ماما قالتك مش هرتفضلها طلب صح ياابيه
ايهم: بس بردو تيجي تقوليلي مش تقولي لماما زي العيال الصغير تيجي تقولي انتي خلاص كبرتي ع الكلام ده ياليان
ليان: صح.انا اسفه ياسيدي ها قولت اي اروح ولا مروحش
ايهم : هتروحي بي بشرط
ليان بسرعه: طلباتك اوامر يا مولاي
ايهم :هروح معاكي عشان اطمن بردو
لي
ليان: بس كدا اشطا وكمان تتسلي مع اخوه صحبتي
ايهم: صحبتك مين
ليان: روفان صحبتي وأخوها يزن صاحبك
ايهم: قولتي مين
ليان باستغراب: روفان اخت يزن صاحبك
ايهم: اه ماشي حلو بردو
ايهم :اه صح هي الرحله امتي
ليان : بعد يومين
ايهم: ماشي تصبحو ع خير أنا داخل انام
ليان وماما سعاد: وانت من أهله
ليان: وانا كمان داخله أنام تصبحي ع خيرر( بصو مامت ايهم وليان هكتبها ماما سعاد بدل ما اكتب الام سعاد ههه ماشي)
ماما سعاد: وانتي من أهله استنيني خديني معاكي
ليان بغمزه: اي ياجميل عجزت ولا اي
ماما سعاد بشقه: نعممم دانا اصغر منك قال عجزتي قال
ليان بضحك : ايوه انتي صح
ماما سعاد بغرور: طبعا طبعا من أمتي وانا ببقي غلط
وصلو لاوضته ماما سعاد: يلا تصبحي ع خير
ليان: وانتي من أهله يامزه
وجريت بسرعه
ماما سعاد: ههههه جبانه
**************
ايهم بعد ما دخل اوضته واخد شاور
ورمي نفسه ع السرير
ايهم : هو أول لي لما شوفت دموعها قلبي وجعني وليه لما ليان قالتلي انو هي صاحبتها وراحه معاها فرحت طب ده معاناه اي دماغي هتموت من التفكير
بعد كدا ضحك هو يزن ده ورايا ورايا ههه ونام نوم عميق .....
******************
عند بيت ملك
:ماما بابا
الاب: نعم يابنتي في حاجه
ملك بتوتر :اه لا اه
الاب.بضحك: اه ولا لا
الام:, ماتقولي في أي قلقتيني
ملك بسرعه وصراخ: فييي رحله بعدد يومين عاملاها الجامعه
الاب : انتي عبيطه خرمتي ودني
ملك بضحك: هه معلش يابابا ها قولت اي
الاب : هتروحيها لوحدك
ملك :لا يابابا روفان وأخوها جايين وليان بردو هي وأخوها
الاب : اممم ماشي اي رايك يا ام ملك
ام ملك: اممم بدل ما فيها روفان ماشي دي مامتها صحبتي وانا عارفها خليها تروح اهي تفرحلها يومين
الاب : إذا كان كدا ماشي روحي ياحبيبتي
ملك بفرحه وهي بتبوس ابوها وامها: ربنا يخليك ليا يا احسن والدين في الدنيا
الاب بضحك: هههه يابكاشه، الي قوليلي هي الرحله كام يوم
ملك بخفوت:, اسبوع يابابا
الاب: اممم ماشي لو عدي عن اسبوع مش هتروحي حته تاني
ملك : عيب عليك ياكبير هما اسبوع بالتمام التمام
الام:هههه مش قادره انتي كل حاجه عندك هزارر مفيش حاجه جد خالص اتعلمي من بنت خالتك الهدوء
ملك بدردحه : نعاامم ياعمريي مين دي الي اتعلم منها كلمت بغرور نحن نختلف عن الاخرون ولا اي ياولدي العزيز
الاب وهو يخدها في حضنه: طبعا ياحبيبتي تختلفي عن الاخرون بس مش اوي ههههه
الام بغيره ومرح: هو انا ماليش حضن ولا اي ولا هي ملك بس.
الاب وهو يخدها في حضنه: دانت الي في القلب ملك مين والناس نايمين
ملك بمرح وحزن مصطنع: كدا يابو ملك تخدني لحم وترميني عضم اخس اخس عليك
الاب بضحك: هههههه ربنا يخليكو ليا وميحرمنيش منكو ابدا
الام وملك: يارب
وقعدو يرغو شويه وكل واحد دخل نام
****************
في صباح اليوم.التاني ، في شقه: يزن يوسف
وتحديدا في اوضه روفان
تستيقظ علي صوت العصافير الجميله والشمس الحلوه الي بتدخل اوضتها هههه بهزر معاكوا قصدي ع صوت امها وهي بتزعق فيها عشان تروح الكليه
الام بزعيق :قومي يابت قومي مش كل مره هصحي فيكي بنفس الطريقه
روفان بتململ وانزعاج: اوفففف خلاص اهو قايمه ،مانا هصحي لوحدي بتصحيني لي بقي وتتعبي نفسك ع الفاضي
الام: عشان لما بسيبك مش بتصحي
روفان وهي بتدبدب ع الأرض وتزمر: ياما اومال عملة اختراع اسمه منبه لي مش عشان نصحي عليه ولا أنا كلامي غلط ولا اي الحكايه والروايه والتيييت والشريط
الام : انتي عبيطه يابت ولا اي، هو انتي مش بتحسي. بنفسك ولا اي
روفان بمرح: خلاص يا ماما فكك،قوليلي بس هتعملي اكل اي النهارده
الام: هو انتي بتفكري في حاجه بعيده لي ،الحي ما نعيش( طبعا كلنا بنفكر في حاجه لسه بدري عليها واكيد أنا منكم ههه)
روفان: معلش.ياماما اردي فضولي
الام برخامه : الحي ما نعيش
روفان : اوفف ماشي
الام بعد ما خرجت: بسرعه هتتاخري
روفان من جوه: حاضررر..
ولبست فستان
***************
في قصر ايهم أو (الفهد)
في غرفه ليان
ليان نايمه ع السرير نصها ع السرير طبعا وشعرها المنكوش
ماما سعاد بعد ما دخلت بهدوء الاوضه وسامعه ليان بتكلم نفسها هي ونايمه
ليان: يااااه لو بقيت من الجاسوسات اي بيجو ع ام بي سي 3 ياااه دانا هبقي جامده اوييي
ماما سعاد: هههه اي بنت العبيطه دي
ماما سعاد: اصحيييييييي
ليان وهي بتقع من ع السرير : اي اي مين مات
ماما سعاد: هههههه اصحي يلا وهدي دوش عشان تروحي الجامعه
ليان بتزمر وآلم: كدا ياماما دانا ضهري خلاص باظظ اه ياعمودي الفقري يا حبيبي مكنش يومك ياليان مكنش يومممك اه ياني ياما اه ياني
ماما سعاد،: اخلصي بابت وبطلي تمثيل مكنتش واقعه يعني الي وقعتيها
ليان وهي بتدبدب ع الأرض :كدا ياماما ماشي.....
**************
في اوضه ايهم
صحي.وخد دوش ولبس بدله رمادي وساعه سودا وبص ع المرايه بيشوف نفسه وابتسم برضا ع شكله
ونزل تحت يفطر وسلم ع أمه وليان وفطر
ليان: معلش.ياابيه ممكن تخدني الجامعه في طريقك
ايهم: ماشي ياليلو
ليان: حبيبي وربنا
ايهم : يلا طب سلام ياماما
ليان: سلام يامزتي
ماما سعاد: سلام يا حبايبي
*************
في العربيه
ليان:متشغل اغاني ياابيه
ايهم : ماشي ياروحي عايزه اغنيه اي
ليان: عايزه اغنيه بتاعه محمد رمضان الجديده
ايهم بقرف: مش عارفه بتحبي أغانيه ع نيله اي
ليان بمرح: زي السكر في الشاي ههههه
ايهم: ههه رخمه
ليان: طب يلا شغلها
ايهم: خدي شغلي انتي أنا مش عارف اسمها اي
ليان: هات يسطا هات
ايهم بزهول وصدمه: ينهار ابيض هي وصلت ليسطا
ليان: خليك انت في مايه البطيخ انت متعرفش حاجه عن الزمن ده نعملك اي
ايهم وهو يلطم وجنتيه: احيه ياسوسو احيه البت باظت احيه
ليان: هههه انت اخويا ولسه متعرفنيش اشحال صحابي دول عارفيني اكتر منك ههههه
ايهم : اسكتي ياليان اسكتي
ليان بضحك: طب اي اشغل الاغنيه ولا اي
ايهم بضحك هو الآخر: شغلي يا ليان شغلي دانتي هتموتي لو مشغلتيش ويكمل بصوت واطي: كان يوم اسود لما وفقت اوصلك
ليان بشك: بتقول حاجه يا أبيه
ايهم : ولا حاجه ياقلب أبيه وبعدين مش قولنا بلاش أبيه بتحسسيني اني اكبر منك بي 20 سنه.دول هماا 7 سنين
ليان: يا أبيه منا خلاص اتعودت عليها
ايهم: مليش.دعوه اتعودي متقولهاش
ليان: اشطا يابرنس
ليان شغلت الاغنيه وعلت الاغنيه اوي وبتغني بصوت عالي مع الاغنيه: من تحت الصفر بدأت سبقت طلعت طفيت النجوم اووووه ايوه هو ده الكلام
ايهم وطي الاغنيه: يخربيتك خرمتي ودني
اتنيلي انزلي خلاص وصلنا
ليان بضحك: هههههه اي السرعه دي ملحقتش اسمع الاغنيه ههه اده اده روفا وملوكه هناك اهم يلا بقي ياحبيبي باي
ايهم بص للي بتشاور عليه ليان واتصدم من الي شافه...
***********************
ياتري شاف اي واي الي خلاه يتصدم كدا؟؟!!
Rohan Mohsen♥️🙂,.
أنت تقرأ
عشق الفهد
Roman d'amourهو الفهد صاحب شركات عارضات ازياء هو متملك كل ميقع علي عينه يكون ملك له فقط هي فتاه مرحه جريئه جدا تخاف من الصوت العالي تبدو للعالم قويه لكنها من الداخل ضعيفه عندما يراها سوف يقع لها دون أن ينتبه ويحبها بجنون وهووووس كيف ستقع في براثن هذا الفهد ال...
