هم ارجع اكول أنساك
وانته تكلي الله وياك
تتحداني واتحداك
بسسس الصدك ما اكدر
عندي احساس راح انساك
بسس إحساس مو اكثر يل ال
معيشني وي شخصيتين
الاريده وكافي ما أريده
لان ادري اليحب خسران
بس هم ادري مو بيده
واكول أيام وتعدي
وارجع من جديد ابدي
يصير بخانت النسيان
وارجع وانكلب ضدي
مثل الماضي صرت وياي
_____________________________
رانيا.... باوعت بعينه قبل مانطق كلمه تقرب عليه ثائر وسحبني من ايدي وهوه يتفرج عليه شفت ايده لمهه حيل
مثل طير مذبوح يريد ياخذني من ثائر بس ميكدر نضراته جانت كفيله بموتي
هايي اول مرا اشوف دمعته نزلت بس مسحته بسرعه وتحولت ملامحه من كسرا إلى غضب
صعدت بسيارا واني صافنه عليه بأي وجه اشوفه نزلت عيني هوا يباوعلي بكل قسوا
يمكن بوكتهه تمنا يذبحني
صعد ثائر ويايه جانت زفه كلش قليله وبسيطه طلعنه كم سيارا
راحت وكون الخذاها يعوفها.
وكون يوم الدخله زلمه يشوفها.
وكون مايتدنه اله.. هذا اليه ومو اله
الحضرة بس لليعرفلها يطوفها🖤
مادري ليش أجه بالي هل مقطع يمكن أثر بيه تمنيت اموت ساعتهه
تقرب عليه ثائر وهمس يم اذني
ثائر.... كتلج اخذج يعني اخذج علمود مرا ثانيه متعاندين
رفعت راسي واني كلي حقد عليه تفلت عليه
وبقيت اباوع بعيونه بكل غضبب
شفته رفع أصبع بمعنى يتوعدلي بس ماجنت خايفه أسهل شي موت
عذراء.... سلوى اتصلت عليه أصرت انو اجي لان هيه هم تعتبر ببنت عمي
وإني هم ماردت محمد ميروح فوافقت..
لبست فستان بنفسجي مخصر عل جسم
وشال لون ذهبي عله بيجي وخليت مكايج
ورحت عليهه انصدمت من نزلت من سيارا محمد اشو امه محمد كلهه موجوده نوب اني ماجبت عبايه نسيت احطهه عله راسي
هناك واشوف أسد لابس داشداشه بيضه ولا غترا عله راسي ومناضر عله عيونه وجكارا بحلكه للامانه شكله يجذب
التفت عليه وصارت عيني بعينه بس شافني فتح عينه بغضب واجه عليه اني خفت حيلل
عفت محمد وردت ادخل واني اعدل بشالي وفستاني صعدت عل دجه مال باب ودخلت للطرمه ماحس اله لزمني من ايدي ودارني عليه
عيونه تجدح نار وبيهن غيرا حجيت
شكو شبيك
أسد بعصبيه.... بنت الخ**ا هاي شلابسه وين عباتج متعرفين تحطيهه عله صخامج
ضربني عله راسي بأصبعه
عذراء.....هاي شبيك تخبلت شنو هل تصرف أسد مالك حق هيج تتصرف ويايي
عصرني من ايدي حيلل وضغط عله أسنانه ويحجي... لجج شو طولان لسانج مو اكصه الج بعدين الي حقق ونص والله يا عذراء
