قصص الانبياء قرة عيني

ابي ادم 💖💖

قبل خلق البشر قبل سيدنا ادم
كان الجن عايش علي الارض
بس الجن أفسدوا فيها
فالحق سبحانه وتعالى ارسل الملائكة، لكي ينفوا الجن الي الجزر المهجورة في البحار
عارفين مين كان بيحارب مع الملائكة إبليس أيوه هو بعينه 😂 (ملحوظة إبليس كان من الجن بس مكنش بيفسد زيهم من الاخر كان صالح في الاول خد بالك من كلمة الاول دي )
ابليس وصل لدرجة الملائكة من كتر إيمانه وأنه كان عابد لله
بس خد بالك هو كان عينه علي الخلافة
علشان كدة كان في عداوة بين ابليس وسيدنا ادم عليه السلام
الحق سبحانه وتعالى أخبر الملائكة أنه هيخلق خليفة في الأرض
بسم الله الرحمن الرحيم ( وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً ۖ)

طيب معلش انا عندي سؤال هو ربنا بيقول للملاىكة ليه يعني ؟
الإجابة إن الملائكة ليها ثلاث مهمات مع المخلوق الجديد
المهمة الأولي: هي لسيدنا ادم بس وهو السجود وهنتكلم عليه لحظة خلق سيدنا ادم

المهمة الثانية :دور الملائكة مع الانبياء الوحي بس
والمهمة الثالثة :مع البشر اجمعين زي الي يكتبوا الأعمال
والحافظين وغيرهم

الملائكة طبعا مجربة الجن قبل كدة بس هي مش بتعترض ولاحاجة هي عايزة تعرف الحكمة
فكأن عندهم اعتقاد إن الخلفية دا هيسفك الدماء زي الجن ، دا غير
إن الملائكة مش بتعصي ربنا خالص ،لما شافت الجن في الأرض عمل ايه فكرت إن الإنسان شبه الجن
بسم الله الرحمن الرحيم(قَالُوا أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ ۖ ) [البقرة : 30]

بس ياجماعة ربنا خلق البشر علشان يعبدوه وهما عندهم شهوات و إبتلاءات ، يعني هم الي يختاروا ، لكن الملائكة معندهمش شهوات مفيش إبتلاءات
يعني هما قدامهم طريق في نور بس
لكن احنا عندنا طريق نور وطريق تاني ظلمة كل واحد يختار براحته

طيب خدت بالك من ابليس وهو بيسمع كلمة خليفة

😳 خليفة دا حلم ابليس
امال هو بيكرهه لله في لله كدة لا في سبب
إنتوا عارفين يعني ايه خلافة يعني ربنا يكرمك يعني ربنا بيسخرلك الكون كله علشان تستفيد
بص علي الجبال ازاي هي ضخمة جدا اقوي منك بس ربنا سخرهلك علشان الارض تكون ثابتة بيك
طيب ملاحظتش الحيوانات إزاي قادرين نركبها رغم هي اقوي منك دا غير اللبن ،عسل النحل واللحوم الي بنستفيد بيها
دا غير الشمس والقمر طبعا الخ
طيب بص ازاي ربنا خلقك في احسن شكل ازاي عارف ليه
علشان انت خليفة
الحق سبحانه وتعالي رد علي الملائكة

بسم الله الرحمن الرحيم
(قَالَ إِنِّي أَعْلَمُ مَا لَا تَعْلَمُونَ} [البقرة : 30]

______________________________________________________
الكلام دا قبل خلق سيدنا أدم
الملائكة كان عندها اعتقاد عن الإنسان أنه زي الجن
بس مكنوش يعرفوا إن الإنسان دا في الي هيصلي ويصوم ويذكر الله
يقوم الليل الخليفة دا كان منهم سيدنا ادم ،نوح ،إبراهيم إسماعيل ،إسحق ،ويعقوب، ،يوسف ،موسي ،إدريس ،زكريا ،يحيي داود ،سليمان ،شعيب ،هود،صالح ،يونس ،عيسي ،ومحمد صل الله عليهم وسلم اجمعين كان فيهم الانبياء
وطبعا غير الشهداء والصالحين