احلا حب حبك حبيبي

الجزء الثاني

خضير اويلي اباوع عليها واتحسر والله لو الزمها اكلها اكل وشفتها تموت عبالك كرز لو اعضها اله اشلعها ابوها راح يم الزلم وهي راحت ويا امها واني نشلع كلبي

مريم
اباوع عليه صافن عليه ونضراته جريئه الصراحه خفت منه امي دخلت جوه ورحت وراها وهو طاب طالع واني بس اباوع عليه

خضير
تقصدت اضل اطب واطلع اريدها تحس بيه راح علي يبدل لبسناه الستره ونزل ونزلنا وراه امي هلهلت والباقيات ساكتات رجل اختي ولاء سمين وعنده كرش وصوته خشن
كاللهن شبيج ما تهلهلن واسمع صوتها تقلد عليه كالتله ما تهلهل انته ابو ثرب
بس شنو متت ضحك
عفنا العريس والتصوير وبس نضحك

مريم اني كلت هيج اشو الكل كام يضحك الصراحه خجلت وامي بس تكرص بيه كلت والله ما اروح للزفه
مريم ماما خل ابويه يرجعني للبيت
ام مريم انجبي واكعدي
مريم والله ما اروح ابويه
ام مريم اي بعد احسن ابقي هنا
مريم اووووف
راحو كلهم بقيت بس اني وعمت خضير وبنت عمته كاعده بالحوش اكلب بالتلفون وطب خضير كال...

خضير راحو الزفه والصراحه اني دايخ فكلت ما اروح طبيت للحوش اباوع اشو هاي ما رايحه بس لاا بيها شي تقدمت عليها وكلتلها
احمم مريم

مريم/ونعم
خضير/اشو ما رحتي للزفه شعجب خوما بيج شي
مريم/لا مابيه بس شويه تعبانه واني ما احب الهوسه
خضير/اي احسن تعالي نفوت جوه اني وياج
مريم شنو
خضير هههه شبيج قابل راح اكلج نفوت نكعد بالاستقلال
مريم يله
خضير تفضلي
مريم شكرا
خضير كعدت كعدت مقابيلها
اكول مريم
مريم/ها
خضير/منو بقى بالبيت
مريم/عمه حمديه وبتها
خضير حرامات عبالي وحدنا
مريم الصراحه خفت كلبي كام يريد يطلع

حجينه شويه واجوي طلعت اابويه رزلني لان مررحت وخضير بس يشمر حجي
مريم/ماما
ام مريم/هاا
مريم شوكت نرجع
ام مريم ما ادري
مريم اوف
شويه وسمعنا هلاهل قويه عرفنا العرسان خلصو شغلتهم رجعنا للبيت وراحت ويانا بنت عمتي اسمها زهراء

خضير خلص العرس وراحت بس والله كلش ضجت من راحو طبعا اني نطيتها رقمي بلكي تدك يله اني حجيت ويا ابوها
كتله اريدها على سنه الله ورسوله كال اكللها واردلك خبر

مريم رجعنا للبيت جانت مرت اخةيه مسويه لحم بعجين اكلنا وبدلنا وصلينا ولعبنا اني وزهراء 
مريم والله تعبت
زهراء والله اني هم تعبت
مريم يله خل ننام

حبايبي انتو ان شاء ألله راح انشرلكم بعد بس اريد دعمكم عفيه