رواية لكنك لي 👑👑
فوت+كومنت 👑
في امريكا
عند فيلا نور الحديدي
سيلين وديفيد بصدمة:سيلا ازاي انتي مش كنتي في مصر
سيلا:جيت اطمن علي نور انتو مصدومين لي
سيلين:ادخلي الاول
دخلت سيلا وقفلت سيلين الباب
سيلا:انا معرفتش اقعد ونور تعبانة لازم كنت اجي ثانيا جبت اخواتي ياخدو بريك من مواضيع اللي في مصر ثالثا انتو عارفين نور مهمة بالنسبالي وخصوصا اني بعتبرها اختي وكنت لازم اجي اطمن عليها
سيلين:نور برة علي البحر قاعدة لوحدها
سيلا:هي كويسة
سيلين بحزن:لا مش كويسة نور مش بتنام كل لم تغمض عنيها تصحي علي كابوس
سيلا:اوك انا هروح اشوفها
سيلين:روحي
واتجهت سيلا للنحية البحر وقربت ولقت نور قاعدة وضمة رجليها لحضنها وبتسمع اغاني
قربت سيلا وحطت ايديها علي شعر نور حست نور وبصت لقتها سيلا
شالت السماعات وبصت لسيلا وقالت:سيلا وحشتيني
سيلا وهي بتحضن نور:وانتي اكتر يا روحي عاملة اي
نور:مش كويسة يا سيلا انا مدمرة
سيلا:مالك يا روحي احكيلي
نور:شريف بيجيلي في كل احلامي بتتقلب كابوس بعد.كلمة بحبك بلقية اطعن بسكينة ويموت وافوق و اصرخ انا مش عارفة اعمل اي جودت قالي ارجع وانا عايزة ارجع بعد ما اولد ابني
سيلا:نور شريف مش كويس شريف اتغير
نور:ازاي يعني
سيلا:بقا بيشرب ويسكر وقاعد طول الوقت في البار ومش بيروح الشركة حياته باظت بعد جوازه من لارين لازم ترجعي وتحطي ليها حد لانها لو زادت يمكن تاذي كل عائلة الحديدي والالفي ويمكن الهواري والمنشاوي كمان انت امل ال ٤ عائيلات يا نور
نور:هرجع صدقيني هرجع واوقوي كمان بس اولد بس قوليلي حددي يوم الزواج بتاعكو
سيلا:اخر الشهر ده
نور:مبروك الف مبروك ربنا يسعدك مع جودت يارب
سيلا:وانجي جالها عريس
نور:بجد حلو ووافقتو
سيلا:بابا وجودت موافقين هي لا بس انتي عارفة اوزجان بيه هيجبرها اكيد
نور:اكيد عنده وجهت نظر في ان العريس ده يكون جوزها
سيلا:ممكن برضو بصي بكرة هجيلك انا لازم اروح دلوقتي علشان انجي ورزان لوحدهم يلا باي يا روحي
نور:باي
ولسا هتقوم
سيلا:مش تقومي علشان رجلك
نور:تمام هستناكي بكرة بس هاتي معاكي انجي ورزان
سيلا:حاضر
ومشيت سيلا
وقعدت نور تفكر
ومشيت سيلا طلعت ركبت العربية واتحركت علي البيت
______________________________________
وفي المستشفي
كانت جوين خلصت شغلها ودخلت مكتبها علشان تاخد شنطتها وهي داخلة اتفاجات بحد قاعد
جوين بصدمة:بن
بن:مش تتصدمي انا جاي اقولك كلمة واحدة وماشي
جوين:قول سماعك
بن:بلاش تحبيني
جوين:دول كلمتين
بن:طيب بصي يا ظريفة انا بكرهك وبكره ابوكي لانه السبب في موت ابويا اللي هو عمك بالمناسبة بس
جوين:طب مش ابويا ده عمك انت كمان بالمناسبة ولا كسبنا في كيس شيبسي علي راي نوران بقولك اي لو مفكر ان ابويا قتل ابوك تبقي عبيط لانك مش بتشوف بابي بيتكلم ازاي عن انكل جون و ازاي بيكون حزين علي فراقه كل لم يتذكره
بن:حزين اي
جوين وهي بتاخد شنطتها:بقولك اي انا مش فاضية و همشي لو هتفضل تتكلم ابقي خليك لوحدك كلم الحيطان
وخرجت من مكتبها وسابت بن لوحده
بن:ماشي يا جوين اهدي عليا اما ورايتك مكنش انا بن ماركوس
اما برة في الطرقة
نوران:جوين رايحة فين
جوين:رايحة في ستين داهية يا نوران انا زهقت بجد من ناحية بابي وناحية بن وناحية ٣ الزفت كيفن
نوران:بس بس اهدي في اي براحة سيبك من كيفن ده ولا تحطيه في حساباتك اما بن فسبيه علينا احنا هنخليه يجي لغيت عندك انتي وانكل ويقول عايز يتجوزك وهتشوفي
جوين:ههههههههههه ده اكيد في الاحلام انتي مشوفتيش مدي الكره اللي في صوت بن ليا انا وبابي بيكره كره معرفش جايب كل القسوة دي منين ده انكل جون مكنش كده ده كان قلبه ابيض وبيحب كل الناس
وهنا رن فون جوين
جوين:طب انا همشي لان بابي بيرن عليا كتير يلا باي
نوران:باي
ومشيت جوين
ودخلت نوران لمكتب زياد
كان بيتكلم في الفون
زياد:اهي نوران جت يا ماما
سميرة:طب اديني عروستنا القمر
زياد:خدي يا نوران كلمي ماما
نوران:الوووووو يا طنط وحشتيني اوووووي
سميرة:وانتي اكتر يا روح طنط عاملة اي يا حبيبتي
نوران:بخير يا طنط الحمدالله اخبار صحة حضرتك اي
سميرة:الحمدالله فضل ونعمة
نوران:دايما بخير يا طنط امال انكل مصطفي فين
سميرة:في الشركة يا حبيبتي لم يرجع هيكلمكو
نوران:اوك يا طنط زياد مع حضرتك
وادت التلفون لزياد
سميرة:زياد اوعي تزعل نوران والله هزعل منك
زياد:حضرتك بتوصيني علي نور عيني بتوصيني علي حته من قلبي طب وصيها عليا حضرتك بس
سميرة:نوران بتحبك وعمرها ما هتزعلك بس انت مش تزعلها بس
زياد:من عنيا يا ست الكل
سميرة:يلا بقا انت معطلني سلام
زياد:سلام
وقفل
نوران:طنط بتوصيك عليا
زياد:اه شوفتي
نوران:شوفت انا اصلا بحب طنط
زياد:طب وابن طنط
نوران:بعشقه
وقف زياد وقرب لنوران ولسا هيبوسها دخلت شمس
شمس:اي ده انتو بتعملو اي هتبوسها يا زياد
زياد:اي ده عنيكي وارمة يا حبيبتي انا هحطلك قطرة حالا
شمس:اي شغل فيلم ام العروسة ده
نوران:لا يا شمس انا عيني وجعاني اه يا عيني
شمس:طب وريني كده
نوران:لا لا خلاص طابت
شمس:طب يا ام بوسة
نوران:بوسة اي بس يا شمس عيني كانت وجعاني
شمس:طيب ماشي همشيها عينك وجعاكي
وهنا رن فون نوران وكانت مامتها
نوران:الووووو يا مامي وحشاني
اميرة:وانتي اكتر يا روح ماما اي يا حبيبتي مش ناوية ترجعي مصر
نوران:قريب جدااا هننقل شغلنا للمستشفي اللي فرعها في مصر
اميرة:هترجعي انتي وقصي ابن عمك صح
نوران:اه انا وقصي وزياد وشمس
اميرة:شمس بنت ماجد الشناوي
نوران:ايوة هي
اميرة:حبيبتي هي معاكي دلوقتي
نوران:اه اهي واقفة قدامي
اميرة:ادهالي
نوران:شمسي خدي مامي عيزاكي
شمس:الوووو ازي حضرتك يا طنط
اميرة:ازيك انتي يا قلب طنط وحشاني يا شموسه
شمس:حضرتك وحشاني كتير
اميرة:حد مزعلك يا شمس
شمس:لا ابدا دول كلهم بيحبوني ومحدش زعلني
اميرة:ولا قصي زعلك
شمس:ابدا قصي طيب جداا ده اخويا في اخ بيزعل اخته
نوران بصتلها بصدمة لان قصي دايما ناشف مع شمس
شمس بصت لنوران بنظرة نوران فهمت معنها
اميرة:لا طبعا يا حبيبتي انتو كلكو اخوات
شمس:طبعا يا طنط
اميرة:يلا يا حبيبتي علشان مش اكون معطلة حد يلا سلام يا حبيبتي
شمس:سلام يا طنط
وقفلت شمس مع اميرة
نوران:لي يا شمس لي بتوجعي قلبك
شمس بدموع:علشان انا طول عمري موجوعة اتعودت وجع القلب بقا مرفقني دايما مش جت علي قصي يعني
زياد:اي يا شمس بتعيطي لي بقا اقسم بالله ان قصي ده بيحبك بس هو بيداري ماانت عارفة بقا قلبه مكسور لازم يرخم شوية اتجاهلية انتي بس زي ما هو بيعمل وهتلقيه جاي لغيت عندك وبيقولك بحبك
شمس:ماشي يا عم زياد هشوف هيعمل كده ولا لا
زياد:طب لو عمل هتعملي اي
شمس:ده انا هعمل فرح
زياد:متقلقيش كلنا هنعمل فرح
نوران:ههههههههههه طب احنا لم ننزل مصر نعمل فرح تمام
شمس:تمام انا هروح بقا
نوران:طيب يا حبيبتي
شمس:باي يا ام بوسة
نوران بصوت عالي:مكنش بيبوسني يا شمس
شمس:لا باسك
زياد:اه بوستها في حاجة
نوران:اه يا رخمين انتو الاتنين
شمس:باي بقا
وخرجت
زياد:ماتيجي اشوف عينك لسا عايزة قطرة ولا لا
نوران:لا انا بخير باي
وخرجت هي كمان
اتجهت شمس للبيت بتاعها وكذلك نوران وكل من زياد وبن ايضا
______________________________________
وفي مصر في فيلا الشناوي
كان ماجد الشناوي قاعد ومعاه مراته ماجدة
ماجد:كلمتي شمس
ماجدة:لا وانت
ماجد:لا برضو
ماجدة:انا هرن عليها حالا
ماجد:طيب
ورنت ماجدة علي شمس وردت بعد مدة
شمس:الووووو يا ماما
ماجدة:الووووو شمسي فينك يا حبيبتي برن عليكي مش بتردي
شمس:اصل انا سايقة علشان مروحة ورديت لم وقفت بس اشوف حضرتك عايزة حاجة
ماجدة:بطمن عليكي يا حبيبتي انا عارفة اننا مقصرين معاكي يا حبيبتي
شمس:لا لا متقوليش كده يا ماما انتو مش مقصرين انتو ناسين ان عندكو بنت اسمها شمس بس معلش ولا يهمكو انا في مكان وحضرتكو في مكان
ماجدة:لي يا حبيبتي بتقولي كده
شمس:لي بقول كده انا هقول لحضرتك لي بقول كده انا مش مهمة عندكو اصلا انا هواء بالنسبالكو انتو فرحنين اني دكتورة بس بس اقولكو انا قريب راجعة بس هرجع وهعيش لوحدي تمام زي ماانا دايما عايشة لوحدي
ماجدة:شمس حبيبتي اسمعيني
شمس:انا مش عايزة اسمع و لوسمحتي انا هقفل
ماجدة:استني يا شمس
وقفلت شمس
ماجدة:سمعت يا ماجد
ماجد:ياه دي شايلة منا كتير
ماجدة:عندها حق يا ماجد
ماجد:لي دي عايشة في فيلا لوحده معاها عربية من احسن الانواع ماسكة فون من الموديل الجديد لي تزعل لي تكره تكلمنا
ماجدة:علشان هي مش عايزة كل ده هي عايزة بابها ومامتها اللي هو انت وانا يا ماجد شمس عمرها ما كانت يهمها كل ده
ماجد:انا هحجز علي اول طيارة ونروحلها اي رايك ونعملها مفاجاة
ماجدة:ياريت
ماجد مسك تلفونه ورن علي السكرتيرة الخاصة بيه
السكرتيرة:ايوة يا ماجد بيه
ماجد:سوزان احجزي ليا وللهانم تذكرتين علي اول طايرة رايحة لامريكا
سوزان:امرك ماجد بيه
وقفل
ماجد:اطلعي يا ستي جهزي الشنط
ماجدة:تمام
وطلعت ماجدة فوق تجهز الشنط
_________________________________________________
وفي قصر عائلة الحديدي
صحيت عليا علي وجع في بطنها شديد وكانت لوحدها في الاوضة
عليا بالم:اه احمد يا احمد
لكن احمد مش هنا
قامت تسند علي اي حاجة لغيت باب الاوضة ولم خرجت اتسندت علي الترابزين لغيت لم نزلت تحت
عليا بالم:ماما
سهير:عليا مالك ومال وشك
عليا لسا هتتكلم حست بدوخة ومش حست بنفسها غير انها وقعت من طولها فاقدة الوعي
سهير:سعدية سعدية اطلبي الدكتور حالا وشوفي فين احمد بيه وباقي العيلة
سعدية:امرك يا هانم
وطلبت سعدية دكتور وطلبت الباقي وسندت سهير عليا لاوضة من اوض الدور الارضي
وبعد مدة وصل الدكتور ووصل احمد ومحمد واحمد الصغير وايمان ومراد وريم ودخلو الاوضة
الدكتور:انتو قلقانين لي دي مافيهاش اي حاجة هي بس دايخة بسبب الحمل الف الف مبروك يتربي في عزكو
الكل فرح وسعدية زغرطت
احمد:سعدية انتي بتعملي اي انتي ناسية ان نور بنتي متوفية مش ينفع زغريط
سعدية:اسفة يا بيه
احمد:حصل خير اتفضلي انتي
ومشيت سعدية واستاذن الدكتور ومشي
احمد:عليا انا اسف يا بنتي اني مخلتش سعدية تزغرط بس انتي عارفة الظروف
عليا:انا مش زعلانة يا بابا بالعكس انا حزينة ان هو مش هيشوف نور وانه مش هيعرف هي قد اي جميلة وطيبة ربنا يرحمها
الكل:يارب ارحمها يارب
احمد:سهير تعالي عايزك
سهير:حاضر
محمد:يلا ايمان ويا شباب نسيب احمد هو وعليا لوحدهم
ايمان:يلا هنخرج اهو
وخرجو كلهم
احمد وهو يقبل ايد عليا:الف مبروك يا روحي
عليا بفرحة:الله يبارك فيك يا حبيبي نفسك في اي
احمد:كل اللي يجيبه ربنا كويس
عليا:ونعمة بالله بس انا نفسي في بنت واسميها نور
علشان افضل فاكرة اختي نور ومش انساها
احمد:مين قالك اننا هنسي نور نور في قلبنا قبل عقلنا وبعدين ده انا هكون مبسوط اني اجيب بنت تبقي زي نور واسمها نور وتبقي قوية زي نور وتكون نور احمد الحديدي
عليا:يارب ارزقني ب بنت تفرح قلبي زي اختي الله يرحمها
احمد:ربنا يرحمها
ونسيبهم بقا
ونورح لريم ومراد
ريم:مراد
مراد:ايوة يا روحي
ريم:انا عايزة اروح اكشف
مراد بلهفة:مالك يا روحي تكشفي لي انتي تعبانة
ريم:لا انا مش تعبانة بس عايزة اروح اشوف انا اتاخرت لي في الخلفة
مراد:ريم حبيبتي لسا بدري انتي قلقانة لي اكيد هتحملي وتخلفي بس احنا لسا متجوزين يعني مش اتاخرنا ولا حاجة
ريم:ماشي يا مراد
مراد:ماتيجي اقولك كلمة
ريم:ههههههههههه كلمه اي
مراد وهو يحمل ريم:كلمة فيها مستقبلنا انا وانتي
وحطها علي السرير وابداء يقبل في ريم وهوبا نسيبهم بقا لوحدهم😂😂😂😂😂😂 عيب
_____________________________________________________
في شقة تمام النوري
كان شريف بيشرب
تمام:شريف كفاية شرب بقا هتموت نفسك كده
شريف:سبني انسي اللي مريت بيه بالشرب
تمام:عمرك ما هتنسي يا شريف لانها في قلبك مش في عقلك بس
شريف:اوقات بحس انها عايشة حواليا بحس بيها
وحشتني اووووووي نفسي تكون لسا عايشة ولو عايشة وشوفتها هاخدها في حضني
تمام:ربنا يرحمها يا شريف
شريف:يارب
وهنا خبط الباب
وراح تمام يفتح واتصدم ان اللي علي الباب هي لارين
تمام:انتي بتعملي اي هنا
لارين:اوعي من وشي فين شريف
وزقته ودخلت لشريف
شريف:اهلا زبالة هانم عايزة اي مني
لارين:بقالي يومين بدور عليك انت فين يا شريف
شريف:هربت من وشك عايزة اي مني يا شيخة بدوري عليا لي
لارين:علشان بحبك يا شريف
شريف:وانا بكرهك وبكره اليوم اللي شوفتك فيه
لارين:وانا بحبك
شريف:وبعدين مش كفاية اني اجبرت اتجوزك وفي الاخر طردتي اهلي من القصر المالك ليهم انتي اي يا شيخة شيطان
لارين:علشان بيتهموك انك السبب في موت الزفته نور
شريف وهو يمسك لارين من رقبتها وبيخنقها وبيقول:انتي مالك يلموني علي موت نور او لا دول عيلتي اهلي اللي جبوني دنيا فيها واحدة زبالة زيك
وهي تكح من اثر مسكت شريف لرقبتها
حاول تمام يحوش معرفش وفي الاخر بعد لارين بالعافية عن ايد شريف
شريف بغضب:انا عايز افهم انتي لي عملتي كده فينا احنا اذناكي في اي نور اذتك في اي
لارين:اولا عيلتك اذت بابي لغيت لم ماتت مقهور وانا حلفت لانتقم منهم علشانه ام الست نور خطفتك مني انت بتاعي انا مش بتاعها هي انا اللي بحبك من قبلي مش هي افهم بقا
شريف:حب اي اللي بتقولي عليه ده انتي متعرفيش اي الحب اصلا
لارين:والزفته بتاعتك دي اللي تعرف
وهو بيمسكها من شعرها:متقوليش عليها زفته انتي اللي زفته وستين زفته
تمام:سيبها بقا يا شريف سيبها
وبعد ايد شريف تاني عن لارين
لارين:افتكر كويس اني مراتك واني معاك دايما
تمام:طب اتفضلي امشي من هنا المرة الجاية مش هعرف احوشه عنك
وهي بتقترب للباب وبتقول:ومتزعلش اووي علي البرنسيسة بتاعتك اهي غارت في ستين الف داهية
شريف وهو لسا هيقوم ليها وتمام وقفه وهي رزعت الباب ومشيت
شريف:كنت سبني عليها بتقول ان نور غارت في ستين الف داهية طب داهية تشيلك يا لارين يا زغبي
تمام:اهدي كده وادخل ريح وانا هسيبك ترتاح منها الزفته دي
شريف:طيب
ودخل شريف ينام ومشي تمام
_________________________________________________
وفي فيلا النوري عند وصول تمام وبيفتح الباب اتفاجي ب كارين بتجري عليه وبتحضنه وبتعيط
تمام:اهدي بس بتعيطي لي يا كاري
كارين:كنت فين بقالك يومين كده تقلقني عليك وتلفونك مقفول كنت فين تمام
تمام:كنت مع شريف يا روحي اهدي بقا
وهي بتخرج من حضنه وبتقول:طيب مش تقولي
تمام:اسف نسيت وبعدين محبش اشوف دموع القمر
كارين:خلاص انا مش هعيط
ومسحت دموعها زي الاطفال في كمها
تمام وهو يبتسم علي طفولة حبيبته:فين ماما يا كارين
خديجة وهي بتيجي علي كرسيها المتحرك وبتقول:انا اهو يا حبيبي كارين كانت قلقانة عليك اووووووي
تمام:معلش انا غلطت لم مش قولتلها ولا قولت لحضرتك
ونزل باس ايد مامته وهي حطت ايديها التانية علي راسه وقالت:ربنا يخليك ليا يا نن عيني
تمام وهو يقف ويقول:كارين اطلعي البسي
كارين باستغراب:البس لي
خديجة:في عروسة يوم كتب كتابها متلبس فستان
كارين بفرحة:عروسة قصدك اني عروسة يا ماما
خديجة:اه عروسة واجمل عروسة
تمام:ماما هاخد كارين فوق اوريها حاجة
خديجة:روح يابني ربنا يفرحكو
وشد كارين تيجي وراها
كارين:هتوريني اي بقا
تمام:استني هتعرفي مستعجلة لي
وقربو لاوضة كارين وفتح الباب وقال:غمضي عنيكي الاول
كارين:لي بقا
تمام:غمضي
كارين:امري لله
وغمضت عنيها
وفتح الباب ودخلو
كارين:تمام افتح
تمام:لسا
كارين:طب اسندي علشان مش اقع
تمام:سندك يا عمري ها يلا فتحي
هنا فتحت كارين واتصدمت بالفستان التحفة اللي قدامها
أنت تقرأ
رواية لكنك لي
Romanceهي احبتو وهو احبها بشده ولكن ظهرت من افسدت هذا الحب وسنري هل سينتصر هذا الحب ام لا امام جبروتها وقوتها علي هذان الحبيبان وهل ستسطيع ان يكون لها ولا لا سوف نري هذه ليست قصة اتنين ابطال بس لا ده قصة حب ضخمة تجمع افراد ٤عائليات ومن اضخم العائيلات الموج...
