مــــشــــعــــوذة المــــلــــك🕯👑|🇲🇦

4

🤴🗿أمير في عصرنا2🤴🗿
🕯👑مشعوذة الملك👑🕯
للكاتبة✒: Victoria Kaelin
💜📖الجزء 22📖💜
هاجر: بنتي كانت بغات غير تعرف على بنتكوم حيت قدها فالعمر و حتى هي تيعجبوها المسرحيات لا غير واش نتوما سحرة؟
سالار: كيفاش سحرة ولا مشعوذين ا الواليدة؟! تدويو على شي فيلم ولا؟
كوثر: كيفاش حتى سحرة عايشين وسط البشر بشكل عادي فهاد القرن؟ واش ماخفتوش تكشفو شي نهار؟
وجدان ربعات يديها: و شنو تيديرو المشعوذين حتى هوما هنا!
هاجر: تهدنو نتوما بجوج! حنا جينا بحال كاع الناس نتفرجو فالمسرحية و بنتي تتقرا فالمدرسة لي منظمة هادشي! و هاد الهضرة لي تقالت دابا اول مرة نسمع بيها!
الأم: يعني مكانش هاد الحضور مخطط ليه من قبل؟
هاجر:اكيد! علاه باش غنعرفكوم انا سحرة؟
الأب: تدوي بشكل عادي على هادشي بالنسبة لوحدة ماعارفاش السحرة
كوثر: ماما نصف بشرية نصف مشعوذة داكشي علاش!
الأم: واش نتوما عارفين مزيان بنوع علاقة المشعوذين مع السحرة؟
هاجر: ماعرفتش انا..واش مانقدروش زعمة نتصرفو بحال كاع الناس باش نمشيو من هنا؟
سالار:هادشي متيتقبلوش العقل!
كوثر خنزرات فيها: كنت باغية نكونو صحابات ولكن دابا مابقاتش عندي الرغبة فهادشي ابدا!
وجدان: بحال الى غير انا باغية
هاجر: مهم بسلامة عليكوم
الأم: صبري...
هاجر: شنو؟
الأم شافت فالأب و شافو فيها: حنا عائلة عريف و من سحرة القمر و هاد المسرح هو مصدر عيشنا ماتقولي لحتى واحد على حقيقتنا
هاجر بإطمئنان: اكيد مغنقولها لحتى واحد غير تهناو..كوثر يالاه
كوثر خنزرات فوجدان مخرجة لسانها: ساحرة معوجة!
وجدان بالنفخة: مشعوذة غبية!
جرات هاجر كوثر و خرجو من تما...
سالار شاف فوجدان: واش بصاح نتي ساحرة؟
وجدان مطلعة حاجبها: ااه ياكما غتعاند بحاال ختك؟
سالار: انا ماشي بحالها
وجدان قربات منو حتى قاستو فذراعو ماحسات بحتى حاجة: بشري عادي
الأم: باباك بشري داكشي علاش ديما الولد تيطلع لباه
الأب شاف عند الباب: ماماك تتسنا فيك
سالار تلفت لقا هاجر تتسنا عند الباب و رجع شاف فوجدان: الى بغيتي نقدرو نكونو صحاب؟
وجدان شافت فواليديها و رجعات شافت فيه: مكاين حتى مشكل مادامك ماشي مشعوذ بحال ختك
سالار حرك ليها راسو و خرج من تما مع مو...
هاجر: سالار..عنداك تعاود هادشي لباباك دير راسك ماشفتي و ماسمعتي والو
سالار: واش بصاح ا ماما كوثر مشعوذة؟
كوثر: دخل سوق راسك
سالار عقد حجبانو: كونماا الواليدة قالت مانقولش كون فضحتك مع الواليد!
هاجر تنهدات: زيدوو الشيفور تيتسنانا دابا غيبدا يصوني باكوم يسول علينا...
#نهاية_الفلاش_باك
سالار: شكون قال غتبغي تعاونينا نلقاو كوثر لي متتحمليهاش
وجدان: الواحد مع العشرة تيتبدل ولكن هادشي متيبدلش الضغينة لي بين اجناسنا بجوج
سالار:هادشي ديالكوم متنفهم فيه والو نتي ساحرة قمر و هي مشعوذة د شي حاجة
وجدان: كوثر مشعوذة قوية و شخصيتها من بين العوامل الأساسية لي تتزيد بقوتها للقدام و اساس شعوذتها هو كتاب تعاويذ جدتها و لكن تتستعملو فالخير و هادشي نادر فتاريخ المشعوذين كيف قراوه ليا عائلتي..المشعوذين عندهم قدرة هائلة تتمكنهم يستدعيو الأرواح..الأشباح و بعض الأنواع من الشياطين بدون أدوات محددة داكشي علاش كانو خطر على مجتمعنا حنا السحرة لي سحرنا متأسس على الطبيعة و عناصرها زائد اشياء خرى
سالار: و الى كانت ديك الموصيبة قوية علاش للحد الآن مارجعاتش؟
وجدان طلعات فيه راسها: ببساطة حيت كاينة عند شخص أو بالأحرى مخلوق اقوى منها
سالار تنهد: غنوض نرجع للقصر دابا نشوف فين وصلات الواليدة و اي جديد غنعلمك بيه
وجدان: واخاا طهلا فراسك
توادعو و كل واحد رجع لشغلو هو شد الطريق للقصر و هي جمعات النصوص تشوف تاني واش غتلقا شي حاجة فالكتب القديمة تخليها سوا تواصل مع كوثر أو توصل ليها...
🤴🗿أمير في عصرنا2🤴🗿
🕯👑مشعوذة الملك👑🕯
للكاتبة✒: Victoria Kaelin
💜📖الجزء 23📖💜
طاح الليل فقصر ملك المشعوذين لاقي كوثر فجناحها تتسناا فووق العافية امتى تشوف واليديها فالبلورة السحرية و تسيفط ليهوم الرسالة طمأنهوم عليها..النهار كامل و هي فهاد الجناح و الماكلة تتوصلها حتال هنا..من فاش قال ليها الملك ترجع لجناحها ماسمعات عليه حتى شي خبار...
رثوك: جلسي غدوخي بهاكا
كوثر تلاحت جالسة حداه:قلبي غيخرج من بلاصتو باغية غير امتى نشوفهوم
رثوك: غير صبري ملكنا عندو الكلمة و مغيخلفش بيها
كوثر هزات حاجبها: ملكنا؟ اجي واش نتا فصفي ولا فصفو؟
رثوك: اكيد فصفك ولكن الملك مامعاهش اللعب