اشتعال السحب

12

تحس بالغرابه حين تتحدث مع شخص نادر تعاملك معه
والخوف حين تجده يوازي تفكيرك واعتقاداتك
وتحس بالغباء حين تكتشف انكم متشابهون ولكنكم مختلفون في الاسلوب والتعامل
والراحة حين تسرد همومك له دون توقف وتنظر لتجده لايزال يستمع اليك ولايمل كغيره
وتحس بالسعاده حين تتأكد من وجوده بجانبك دون الاهتمام بتمردك بماضيك او غباءك بحاضرك
والبكاء حين تعلم عن رغباته واستعداده للتضحيه مقابل دموعك وفداء لضحكك
فما اكثر الأشخاص حين تعدهم ولكنهم في النائبات قليل

~

~

~

~|تلوثات من مصنع القلب |~

لايحبني ~ يكررهني
لايطيقني ~ لايتحملني
لايتقبلني ~ لاينظر الي
لايفهمني ~ ولكني افهمه

لأستغررب مدى كرهه وحقده فعائلتي وسندي ومنبع الحنان لي سبب وحدته وفقدانه لكل معاني الحب
صمته وحقده سببها قسوة اهلي

لهذا انا افهمه ولاانتظر فهمه

معاه في السيـــآره وواصلــه حدها مره مطرطــعه عدلت حجابها اكتر من مرهـ
الحيااهـ هنا ماتناسبها دا اللي عرفتـــو
تبى تكون وسط اهلها وناسهاا
هيا ضاايعه هناااا : ماابى اروح اجلس مع امك انا ماعرفها
اسامه بيهرج بكل بروود : انا ابى افهم لامه شنطتك وعلى فين كنتي رايحه
راما : اي مكان
اسامه : ايوا اللي يسمعك يقول عارفه شارع شارع في دبي
راما : مالك
اسامه : شوفي كلمة " مالك " ترا دي حتوديكي في مصيبه لاتسوي شي قبل لاتفكري فييه خلي دا الشي براااسك
راما : طيب سيبني اروح فين ماابى كم مره قلتلي اناا مو مسئول عنك
اسامه طالع فيها ورجع طالع بطريـق :انتي ماتفهمممي انا بسوويلك كل دا عشان اردلك اللي سويتيه ليا واعرفي لو فضلت اساعدك طول عمري برضو ححس اني ماعطيتك ربع اللي تستحقيــه مو عشانك عشان امي بس
راما سكتت
مرت لحظه سكوت بينهم وقطع سكوتهم اسامه : امي ترا ماتهرج عربي عدل فابلاش تبرطمي كعادتك وتهرجي بسرعه وكأنو احد بيلحق ورااكي
راما ولا اهتمت لكلامه : ابى جوال
اسامه يتريق عليها : مو قلتي داك الجوال سبشل ومدري مين جبلك هوا وماتبي غيرو
راما اتنرفزت : ولد عممك اللي جبلي هوا لو انك متزكرنا طبعا
اسامه طالع فيها : هوا انتي من متى مخطوبه
راما : لسى مانخطبت
اسامه طالع بيدها : والخاتم
راما زفرت : هوا اعطااني الخاتم قبل لاأسافر عشان محد يطالع فيا
اسامه ضحك باإستهزاء : ايوا انا شايفه قطييع بيلحق ورااكي
راماا ولعتتت : ترى مزااجي مره مقفل فاردودك دي السخيفه خليها لنفسسك طيب
اسامه : مهي سخيفه بهرج عن اللي شايفو بس
راما : طيب طيب
اسامه : يعني في قصه حب بين بنت عمي وولد عمي ماشالله
راما بثقه : الكل عارف انو حيخطبني مهي قصه حب وبس
اسامه : اوك وليش ماخطبلك لدحين
راما : بيدرس طب وبابا قلو خلص وبعدين اتقدم
اسامه : اها يعني مجرد كلام
راما اتكت على كلامها : وحيسير
اسامه بيستفزها : يمكن مايسير انتي هنا بدبي وهوا اخد راحتوو هناك فااتوقع حيلعب بديلو
راما : بما اني واثقه فيه ماحتناقش معاك بدا الموضوع بس بقوولك شي انتا ماتعرفوو هوا ولد عمي حتى لو انو حب غيري لأنو ولد عمي ولأنو معطي لبابا كلمه فاحيسيبها وويمشي لأنو عندنا اولاد العم هما سندناا لو مايقدر يوفي بكلمه مانعتبرو رجال
كانت تتكي على كلامها وكأنو تقولو انتا فيينك عننا ..
اسامه حاسس انها تدقو بالكلام قال بدون اهتمام : نايس نايس
ردو باايخ وبااارد خلاها تـــولـــع
راما : تعرف كم عندك ولد عم ؟
اسامه اتثاوب : لا
راما قالت بشك : كم اخوان ابوك ؟
اسامه قال بتردد : اتنين !
راما انفجعت : تلاته ابوك الرابع اصغرهم
اسامه : اوك
راما : ايش هوا اللي اوك انتا مو مهتم باأهلك
اسامه : يكفيني امي
راما : ترا صلة الرحم
اسامه قاطعها : ايش تبي من النهايه
راما : اباك على الاقل تروح جده وتشوف اهل ابوك
اسامه : قد روحت
راما ماتتذكر انها قد شافتو : متى
اسامه : وانا صغيــر
راما : متى بالتحديد
اسامه : اتوقع كان عمري 14 بس ماروحت لبيت اعمامك جلست بالفندق
قاطعتو راما وهيا تعدل كلمتو : اعمامك كمان
اسامه : وات ايفر
راما : طيب ليش جاي جده دام ماتبى تشوفهم
اسامه : ابويا خلاني اروح معاه
راما : وبعدين ؟
اسامه وقف السياره في المواقف وطالع فيـها : وسوا ابويا اللي طلبووه اخوانو
راما عقدت حوآجبها : اللي هوا ؟!
اسامه : انو يطلق امي
راما انفجعت : بابا ماحيطلب شي زي كدا
اسامه قال بقهر : لا يطلب لأنو كان عندهم عيب واحد يتزوج من برا العيله وابويا اتزوج كمان مو اي وحده ايطاليه فاطردوه من البيت وجا عاش هناا وحاول كدا مره يتواصل معاهم بس هما اعطوه خيارين ياهما ياهياا
راما مره ارتبكت ماتدري ايش تقوول ..
اسامه حس انو ماعندها شي تقولو انهى الموضوع : عل عموم انا ماهمني اعرف شي عن اهل ابويا لا كبير ولا صغير اللي يموت في حريقه واللي عايش مايهمني وانا مابهرج معاكي الا _ سكت ثواني وبعدها قال _ خلاص انزلي _ فتح باب السياره وخرج _
راما نزلت من السياره مبلمــه
دوبها تستوعب كيف اول كان يعاملها
تحسبوو هوا كدا باارد
بس طلــع لأنه يكرهها ويكره عيلتها كلهم
هما حرمووه من امـــو
هما اللي لزموو ابووه يطلقهاا
خرج شنطتــها ومشي وهيا جمبو
: هات اشيل الشنـ
قاطعها : خلاص مايحتاج
مره مكسووفه من نفسها من اهلها من كل شي
اما هوا عاادي زي ماقلها اول اناا بسوي دا كلو معاكي لأنك مسوويه خيــر فيـــآ
دخلو للفندق وعلى المصعــد
سندت جسمها على المرآيــه اللي وراهاا
وهوا جمبها بينهم الشنطــه وقدامهم رجال وحرمــه اجاانــب وبيهرجو بلغه غريبــه
وقف المصعد في الدور المحدد وخــرج وهيا معااهـ
وقفو عند باب الغرفه ودق البــآب كدا مررا
وبعدها امو فتحت الباب : ليش اتأخرت
اسامه دخل وسلم عليها وطالعت بعدها في راما مستغربه
جا في بالها انها حبيبتو !
او شي زي كدا
ابتسمت : مين دي
اسامه : ادخلو دحييين _ قفل الباب _