كونفينمو الاسماعيلي
اجزاء هزلية تشوفو اجواء الحجر الصحي كيف دازت عند عائلة الاسماعيلي
توضيح : هاد الاجزاء مداخلاش فأحداث القصة نهار غاتبدا هادي فقط طلة خفيفة من واقعهم الخيالي ههه
بالنسبة للشخصيات كنضن كلهم كاتعرفهم ولي ماعرفش شي واحد يكفي يسأل واخا راه مكاينش لي مكيعرفهمش
23 ابريل ، مدينة إفران
فهاد التاريخ كان شهد العالم حدث لي مكانش ابدا متوقع ، كوفيد 19، الحجر الصحي الاجباري لي تعمم على العالم دولة وراء اخرى ... وفالمغرب كنا نقولو موحال ... حتى تشدو الطرقان والحدود بين ليلة و ضحاها و لي كان فشي مدينة ، فيها تحبس وبقى ....
و فهاد التاريخ د تلاتة وعشرين ابريل كان الليلة لي بات فيها هلال ديال رمضان لي دوزناه فالحجر الصحي وغانصبحو صايمين حنا الدول المسلمة .....
كان النهار كايدوز النصف ديالو نعاس و النصف ديالو مراقبة الاخبار وعدد الاصابات والوفايات ....
و عند البعض كان نهارهم كايدوز تعقيم و غسيل وتسياق وجافيل و خوف ووساويس و اكتآب...
وعند البعض كان كله خصام ونگير و قنط ....
وعند عائلة الاسماعيلي لي تحبسات فمدينة افران بعض ماكانت كتقضي العطلة ديالها ... كيفاش دازت عندهم الاجواء ؟ خليونا نكتشفو نحلو بيبان قصرهم و ونشوفو جميع ......
حلينا بيبان قصر الاسماعيلي الخشبي الموجود بين مدينة إفران و آزرو ... حديقة كلها مشتعلة بفوانيس رمضان واضواء ذهبية .....
شكون هاديك لي فوق الارجوحة شادة تيليفون ومعاجبها حال ؟؟؟ ...
شكون لي گالس بوحدو فداك الزاوية مع الكومبيوتر ديالو ؟ ... شكون هاداك لي فالملعب د الحديقة كايلعب الكرة مع جوج ولاد !! ... وكايبان حتى شي واحد لهيه واقف كايهضر فالتيليفون !! ... وحتى واحد البنت فالزاوية كتاخد لي سيلفي وواضح ماعاجباها حتى صورة ... صبر صبر شكون هاديك البنوتة الزوينة لي كالسة فوق كرسي متحرك لهيه حدا الفانوس كاتقرا كتاب ؟ اوووه وهاهي وحدة جاية بلباس تقليدي ولابسة كمامة فيديها قرعة ديال المعقم ... يلاه نقربو كتر نشوفو مالها مخلوعة ..!
قسم : اييييييه فييينكم (ضارت عليهم بعينيها لي كاين لي شاف عندها ولي دار راسو ماسمعش لانه مل لاسطوانة ) ... دييزانفيكطيتو يديكم راكم قستو فالشجر ... ( قربات عند قدس لي فالارجوحة ) ططلقي يدييييك
قدس : واااقاسم وااختي ... واتعقيييم داز على دار كامل صباح اشمن شجر بعدي مني ....
قسم : قستي فالكااازو ؟؟
قدس : مالو كوفيد كاينبت فالارض .. بعدي مني نت راه ولا خاصك طبيب نفسااني طيبتي ليا يدي
قسم : مغاانعاودش الهضرة ...بغيتو حتى تموتو هاد تهناو واش شفتو شحال دالحالات تسجلات ليوم ولا لا ؟؟ مااالكم مستهترين هاكا ...( ضارت عند جود ) جوووود نتا كاع نععقمتي قبييييلة
أنت تقرأ
كونفينمو الإسماعيلي
Hài hướcأجزاء هزلية لعائلة الاسماعيلي حبيبي الأصم أشبال الأسود تأليف: كاميليا جود
