كونفينمو الإسماعيلي

_4_

12h40min

الصقيييييل فالدار من غير البيرو لي جاي منو صوت الهضرة و التيليفونات ... كان أسد وسفيان وعدنان فايقين بكري كايخدمو ويحضرو اجتماعاتهم ...
اما الاشبال كل واحد فبيتو .... جود مهبط الريدوات و صوت الكليما شاعلة و ناعس على كرشو شعرو مربل عريان من فوق  لابس غير سروال السيرفيت واخد السرير بالطول والعرض ...
سلطان مخلي السرير وناعس على الفوطوي الكاسك فعنقو حاط يدو مثنية فوق جبهتو ، لوؤي تاهو على كرشو و مخدة فوق راسو مافيه لي ينوض يرد ريدو ... والمخاد ضايرين بيه ....
قسم ناعسة بحال اميرات ديزني ببيجامة غوز بيبي ساطان و كاشزيو ( غطاء العيون ) فوق عينيها تاهو فنفس ثوب البيجامة و شعرها مسرح قدامها والمعقم فيديها .... وقدس غير بدو بياس منشورة فوق سريرها و كولها ضايرة بالخيوط شارجورات د البسي و طابليط و تيليفون ... و آية تاهي بنعسة الاميرات و الكرسي المتحرك ديالها محطوط حداها ...وماجدة تاهي فبيتها بكسوة رقيقة دالنعاس وشعرها مربل على وجهها .....

جود بدا تيكمش فملامحو كايحس بشي حاجة ماشي هي هاديك وعلا راسو مخنزر حال عين وعين لا ... ومد يدو لطليكوموند دلاكليم كايشعل ووالو و ضار براسو للاكليم باليه طافي ... هو يلتخ داك الطيليكوموند وناض ساخط  .... حل اابالكون وسراجم غير مزادت ضهشراتو الشمس هو يضرب الكرسي بركلة و دخل لدوش يدوش .....

كولشي فالبيوت جاهم صهد تاخرجات قدس من بيتها ساخطة تلاقات مع لامار نازلة لتحت بعبايتها التقلدية و شعرها مطلوق  لايحة فوقو شال ...

لامار : صباح الخير ( كطلع معاها وتهبط ) لبسي حوايجك نيشان عاد خرجي رمضان هادا

قدس : ماااامااا شعلووووو علينا لاكليم والله تااااااحرام هادشي

لامار : هههه طفاه ؟ ههههه هو لي كايعرف ليكم ...

قدس : ياااااك اماما كضضحكي سيري هضري معاه هو كايسمع منك نمشيو نعسو الشمش طنطينة

لامار : وداك الظهر ابنتي ماتصليوهش علاش صايمين !

قدس : وااااااااعععع

سدات لباب ودخلات كتنتر و تلتخ ولامار زادت كاضور راسها وتضحك ... تاوصلات لبيت قسم سمعات الما فالدوش عرفاتها كتدوش وخرجات لبيت جود لقاتو كايصلي .....

ابتسمات و زادت عند بيت لوؤي  لقاتو يلاه كافيق مخنزر تاهو

لامار : زعما تصبحو ضاحكين مايمكنش !!

لوؤي : ( أشار لبلاصة لاكليم ) غايجيكم تما طابلو د موناليزا واعر  .. هاداك غير مضيق تما القاضية ....