الخيانة

البارت 1

مكانتش صدفه اني اشوفك واحبك صدقني .. القدر كاتبلنا نكون سوا وانت عارف أن انا بعشقك مش بس بحبك
_ ابعدي عني يا بسنت احنا مينفعش نكون مع بعض .. انا خلاص هتجوز
•بسنت بصدمه: ت..ت ..ت ايه يا احمد؟؟ تتجوز ؟!!
لا انت اكيد بتهزر صح ..
بتمسك قميصه جامد وتهزه وهي بتعيط وتقول : انت بتهزر دا مقلب من مقالبك .. انت بتحبني انا .. انت اللي خلتني احبك
_احمد ببرود وهو بيشيل ايديها بعيد عنه : انا ما قولتلكيش حبيني .. احنا بس كنا بنقضي وقت حلوو مع بعض متكبريش الموضوع وتوصليه للحب و..
_بيقطع كلامه قلم نزل علي وشه من بسنت وهي بتزعق : انت حيواان .. ازاي تقول كده وانت عارف اني اتغيرت وعملت الحاجات الغلط دي عشان اقرب منك بس .. انت ازاي كده ازااااي ؟؟!

*احمد كان قاعد في صاله بيته لوحده وهو بيفتكر الموقف دا .. انهارده ليله دخلته .. عدي علي كلامه مع بسنت اسبوعين ميعرفش حاجه عنها .. وهو اصلا ما سألش عنها ..
نفض أفكاره من دماغه وهو بيخبط علي اوضه نومه ..
_احمد بهدوء: سارا حبيبتي اتأخرتي كده ليه؟
•سارا برقه من جوه : ثواني يا حبيبي خلصت خلاص
*وبعدها بثواني الباب اتفتح ..
دخل احمد وشاف ساره قاعده علي السرير بس ضهرها للباب .. كانت لابسه قميص نوم قصير اسود بيظهر بشرتها البيضا الحليبيه .. وشعرها الاسود الطويل مفرود علي ضهرها ..

احمد بدأ يقرب منها وهو مبسوط ومُنبهر بيها .. قرب منها وفجأة حضنها من ضهرها وهو بيدفن رأسه في رقبتها بحب .. بس اتنفض وبعد عنها بسرعه لما حس ببروده جسمها .. جسمها كان متلج بطريقه غريبه وتخض بس اللي يخض اكتر أنها وقعت على الأرض بعد ما احمد بعد عنها ..
احمد بخضه قرب منها بسرعه يشوفها بس حس جسمه اتجمد مكانه فجأه لما .....

*يُتبع .. *

#الخيانة
#بقلمي_ريم_ايمن
#Reem_Ayman