الخيانة

بارت 2

في قسم الشرطة كان التحقيق شغال

_الضابط : قتلتها ازاي يا احمد ؟ ازاي صفيت دمها لحد آخر قطرة كده من غير اي جروح ؟ اعترف عشان كده كده التهمة لابساك لابساك
•احمد بسرعه وتوتر: والله ما قتلتها والله العظيم انا ماعملتش حاجه .. انا حكيت لحضرتك اللي حصل بالضبط ..
*فلاش باك .. *
سارا وقعت على الأرض وأحمد جري عشان يشيلها ويشوفها .. اتخض ورماها تاني لما شاف عنيها بيضا خالص من غير سواد .. وبعد ما بعد عنها شاف لون جسمها اتغير ..!!
بشرتها البيضا الحليبيه بقت لونها رمادي قاتم ..!! عروقها كانت بارزه وواضحه من تحت جلدها الرمادي ..!!
ومكانش في حواليها نقطه دم واحده ..!!
احمد جري وطلب الإسعاف وما قدرش يدخل الاوضه اللي فيها سارا غير مع الإسعاف اللي اول ما شافت جثه سارا طلبت الشرطه .. وقبضوا علي احمد لإنه المتهم الوحيد ..

*باك .. *
احمد برجاء: والله يا باشا دا كل اللي حصل والله .. انا مقدرش اعملها حاجه .. انا بحبها ودي كانت ليله دخلتنا اصلا ..
_الضابط خالد وهو بيضرب الجرس عشان العسكري يدخل : هتفضل محبوس ٤ ايام علي ذمة التحقيقات لحد ما تقرير الطبيب الشرعي يقول كلمته ..

*************************

بسنت كانت حابسه نفسها في اوضتها من يوم كلامها مع احمد .. كانت مجروحه ومكسوره ومعندهاش اي طاقه لأي حاجه .. بتعيط بس ..

*باب الاوضه بيخبط وبتدخل ام بسنت وهي بتقول : مي صحبتك جات أهي .. هي اللي هتعرف مالك .. انا مش عارفه ايه بس اللي جرالك يابنتي
_مي بإبتسامه : متقلقيش نفسك يا طنط هي بس نفسها هافاها تتدلع شويه .. شويه وهتبقي كويسه متقلقيش .. اعمليلنا انتي بس كوبايتين شاي من ايديكي الحلوه دي عشان انا مصدعه جامد وماشربتش شاي انهارده وانتي عارفه دا إدماني هههههه
_ام بسنت بضحك : حاضر يا حبيبتي من عنيا .. اقعدوا انتوا مع بعض بقي .. وخرجت وقفلت الباب ..

(مي صاحبه بسنت الانتيم من زمان ودايما بتجيلها البيت وأهل بسنت بيحبوها .. وأسرارها هي وبسنت دايما مع بعض)

مي قربت من بسنت وهي بتقول بهدوء: لسه برضه هتفضلي حابسه نفسك كده عشان واحد ما يسواش ؟ هتضيعي نفسك ومستقبلك عشانه؟!!
_بسنت عيونها بتدمع وتسكت ..
•عندي ليكي خبر هيفرحك .. احمد اتقبض عليه ومرمي في السجن زي الكلب دلوقتي
_بسنت بتشهق بفزع : اييييه انتي بتقولي ايه؟ احمد اتقبض عليه ليه ؟
•مي بلا مبالاه: قتل سارا مراته ليله دخلتهم
_بسنت بصرخه مكتومه: اييييييييييه؟؟؟

**************************
في الحجز قاعد احمد في زنزانه لوحده .. حبس انفرادي عشان هو جاي في جريمه قتل .. الزنزانة كانت ضلمه إلا من نور بسيط جاي من تحت الباب .. كان قاعد مش قادر يصدق اللي حصله .. ازاي سارا ماتت كده .. ازاي دمها اتصفي زي ما قالوا وهي كانت بتتكلم معاه في نفس اللحظه ..

دماغه صدعت من كتر التفكير .. ميل دماغه لتحت وغمض عنيه ..وحط ايديه يضغط علي رأسه بألم ..

كان بيتنفس بهدوء قبل ما يكتم أنفاسه فجأة لما حس بإيدين حضنته من ضهره .. اتخض وأنفاسه وقفت .. الدم نشف في عروقه .. هو متأكد أن مفيش حد معاه هنا ..

من الخوف مكانش قادر يتحرك من الوضعية اللي هو عليها .. مش قادر يتحرك ..
قلبه دق بعنف اكتر لما حس بالإيدين بدأت تتحرك علي جسمه .. كانت ايدين بارده بروده التلج ..!!
حس بأنفاس سخنه بتلسع رقبته ..!!
شفايف بتقرب وتلمس رقبته ..!!
حس بجسم الشخص بيحضنه جامد من ضهره يشل جسمه عن الحركه ..!!
بس الشخص دا كان ست .. جسم ست ..!!
وفي اللحظه اللي احمد استوعب فيها انها ست وفتح عنيه وشاف ضوافرها الطويله بتنغرز في دراعاته .. حس بأسنان بتنغرز في رقبته قبل ما يصرخ بأعلى صوته بألم وو ...

********************
خالد وهو ماسك تقرير الطبيب الشرعي بذهول وجنون: ازااااي؟؟ ازااااااي الضحيه كانت ميته من 72 ساعه قبل اكتشافها ؟؟ ازااااي وهي كانت في فرحها قبل الجريمه ب3 ساعات وكل الناس شافوها ووصلوها بيتها ..؟؟!!

*يتبع .. *

انا بحب التوقعات .. اتوقعوا وفرحوني عشان اتشجع كده 🙊🤷🏻‍♀️

*الحلقة 2 *
#الخيانة
#بقلمي_ريم_ايمن
#Reem_Ayman