الجميلة والقاسي 🥀 🦋مكتملة🦋

الجزء 1

فكرة إيمان🌻
بقلمي انا زينب مُصٓ 🌻
🥀البارت 1 🥀

مع 6 ديال الصباح فالبادية كيتسمع صوت الشجر مع داك النسيم وصوت الحيوانا ااه و شكون لي ميبغيش هاد الجو الجو تاع العروبية الهواء الصافي و الهدوء و الشميسة لي عاد كتشرق احححح تسلات أشعة الشمس لبيتها ماشاء الله علا الجمال تاعها فعمرها 19سنة شدات الباك داك العام ولكن حتاش هي في البادية مكملاتش نوصفها ليكم حروفها كحلين وبيضة مطويلة ما قصيرة شعرها كحل طويل و رطيطب ولي زيد مزينها الحجاب ( الحجاب ماشي غير سترة وإينما هو كيزيد من جمال المرأة وكيعطيها هبة) بدات كتخسر فسيفتها معلنة على إستيقاضها فاقت وبقات سادة عينيها (ههه وياويلي شكون لي مكيديرهاش) بقات هكاك حتى سمعات الباب تاع بيتها تحل دخلات منو مرا كبيرة فعمرها 56 سنة شافت فيها كيف ناعسة وصغرات عينيها
فوزية : هاديك ااراني عارفاك فايقة ودايرة ليا فيها هبل تربح انوضي تقعدي
... لارد
فوزية : زينب تي تهزي
زينب : والو دايرة راسها ناعسة
فوزية : واخا بقاي ناعسة دارت فوزية غادة خارجة وهي ديرة الضحكة الشريرة😈😈😈
فوزية : (كتغوت ) واااع عقرب عقرب عتقو الروح
زينب :(ناضت طافجة ) اويلي يا مي فيناهي .
فوزية : هااه نضتي دابا اسليعفانة وتهزي دابا طيبي المسمن و جمعي الدار راه الا جات عندك سكينة ولقاتك باقا ما ساليتي والله لا عتبتيها معاها
زينب : هئ هئ حرام عليك أمي
فوزية : راني دويت
ايوا ناضت زينب على سعدها وعدها تا دير داك شي لي قالت ليها مها بينما كملات زينب شغالاتها اجيو نعرفكم على سكينة .
سكينة هي الصديقة المفضلة تاع زينب فعمرها 18سنة عندها الباك ايوا كتبقى تراجع معاها زينب وتفهمها ديما كيمشيو للعرصة تاع الشيخ ويبقاو تما جالسين تراجع معاها ويجمعو اجيو نوصف ليكم سكينة بنت ضحوكية حتاهي حروفها كحلين وكدير الحجاب وهي شوية قصيرة على زينب نرجعو عند البطلة ديالنا كملات شغالاتها مع 10 جات عندها سكينة
#يتبع..🥀