روايه حكايات يونس وحور .

الفصل العاشر.

صوت زغاريط في الشقه كان جوايا الف احساس وكل احساس بمعني شكل افتكرت يوم ما اتقابلنا فوقت من شرودي علي كلمه المأذون.
"بارك الله لكما وبارك عليكما وجمع بينكما في خير "
_مبروك يا عروسه .
_الله يبارك في حضرتك.
_ايه حضرتك دي لا انتي تقوليلي يا فوفا زي يونس.
همست_دلوقتي اقول يا فوفا عادي عجايب،،حاضر يا فوفا.
_يحضرلك الخير يا مرات ابني يلا خد عروستك وادخلوا كده اتكلموا مع بعض شويه.
شرف ب لهفه _لا.
_ليه يا بنتي؟
_قصدي حاضر داخله اهو .
دخلت الاوضه وانا حاسه اني عايزه اعيط احساس ان خايفه من أكتر حد كنت شايفه مصدر أمان ليا مهلك.
_يونس يا يونس.
_ايه يا حرير في ايه ؟
_ممكن متزعلهاش في يوم زي ده !
_هو ايه اللي جاب إياد كتب الكتاب ؟
_مش عارفه والله .
_اكيد هي اللي عزمته عشان تحرق دمي .
_مش عارفه بس بليز متزعلهاش.
_طيب ممكن ادخل بقي؟
_اه اتفضل ،،لا استني.
_ايه تاني .
_وطي كده شويه هقولك حاجه.
مال يونس باذنيه_في ايه ؟
_مين الحلاوه ده ؟
_حلاوه ! ده صحبي يا حرير.
_قمور اوي وكيوت .
_بقولك ايه تعمليلي خدمه ؟
_أومر.
_روحي اتكلمي معاه حاولي كده تطلعيه من المود.
_بس كده عيوني .
_ادخل بقي ؟
_اه خلاص .
...............................
_هتعملي ايه يا بت يا حرير هتعملي ايه بس لقتها .
_بتدور علي حاجه يا كابتن
_نعم؟
_بقولك بدور علي حاجه .
_اه موبايلي الحقيقه مش لاقيه .
_ان شاء الله تلاقيه تحب ندور سوا.
_لا شكرا مش حابب أتعبك.
_ايه الرخامه دي .
_افندم !
_قصدي يعني مفيهاش حاجه لو دورت معاك.
_طيب اتفضلي ياريت .
بعد ربع ساعه من التدوير برضو مش لاقيه هو ممكن يكون اتسرق ولا ايه ؟
_لا ان شاء الله تلاقيه بس ندور تاني عادي .
_طيب انا هروح اخد موبايل يونس ارن منه ؟
_لالا استني بس مهو مينفعش تدخل ل يونس دلوقتي اكيد عندي فكره احسن احنا ممكن نرن من عندي .
وده مش هيضايقكي؟
_اطلاقا .
_اهو بيرن الصوت هنا لقيناه الحمدلله .
_بس غريبه ازاي تحت الكنبه كده؟
_يمكن وقع منك.
_يمكن .
_انا حرير.
_اسم حلو اوي ،،تعرفي انك شبه شرف اوي.
_اه توأم بقي وكده،،اهو رسم ابتسامه باهته ورجع لسكوته تاني ده .
_هو يعني في حاجه مضايقك ؟
_لا انا تمام انا حابب امشي عن اذنك.
_ليه كده .
_متاسف بس يعني مش حابب اقعد .
_تمام علي راحتك .
_الله علي دماغك يا حرير الله معرفش شرف طالعه خيبه لمين !
...........................
_هتفضلي ساكته كده كتير ؟
_شايف طريقتك ؟
_انا كلمتك دلوقتي !
_ايوه بتكلمني وحش .
_يا مثبت العقل والدين .
_انا مش عايزه اتجوزك .
_انتي غلطي واعتبري عقابك هو جوازك مني .
_بلاش تعمل كده يا يونس.
_انا خلاص فعلا عملت !!انتي بقيتي مراتي رسمي قدام ربنا والعالم .
_مش خايف اكرهك.
_مش فارقه معايا حبك او كرهك.
نزلت الدموع بحراره _بس فارق معايا ،، انا مش عاوز اكرهك.
اقترب منها ومسح دموعها _ليه يا شرف وصلتني لكده.
_غصب عني ،،اكيد في يوم هتعرف ان الاذي محوطك من اتجاهات كتير .
_قبلتي تحميني ليه وانتي متعرفنيش!
_عشان ده شغلي .
_مش ممكن ابقي مؤذي زيهم ؟
_استحاله.
_بتحبيني ؟
_مش انت قولت مش فارقه معاك.
_بتحبيني ؟
_لا .
_طيب مدام انتي مبتحبنيش وانا مبحبكيش في احنا كده متفقين،،جوزنا هيبقي علي ورق وده وعد مني ،،بس حقوقي ك زوج هتم اما انتي بقي ملكيش اي حق انا ممكن اقوم بيه وحتي لو ليكي مش هعمله هعيشك ٣٦٥ يوم ولا في أحلامك يا شرف ويانا يا انتي.
_انا مش عايزه منك حاجه عايزك تسبني في حالي وتسبني اروح مطرح ما جيت.
_عايزه تبقي معاه صح ده في أحلامك.
_هو مين ده ؟
_استاذ إياد الانتي عزمه عشان كنتي فاكره أنه ممكن ينجدك مني .
_ايه الجنان ده انا معزمتش حد هو اللي جه .
_الزمي حدودك معايا يا شرف.
_يبقي انت كمان تلزم حدودك معايا الكلام ده ميتوجهليش انا .
_والله انا براحتي .
_انا خارجه عن اذنك .
ومجرد ما همت للخروج امسك ذراعه وقربها منه مسافه كبيره جدا.
_يونس ابعد.
_لا انا زي جوزك عادي.
_يونس ابعد عشان مزعقش وانادي علي حرير.
_هيقولو عليكي عبيطه يا سيد المقدم.
_ابعد بقي يا يونس .
وانتي خايفه كده ليه .
_انا مش خايفه .
_يبقي بصيلي.
رفعت وجهي له ملامحه عن قريب وسيمه جدا عيناه السوداء الواسعه ،،دقنه الكثيفه ،،غمزاته الذي تزين ضحكته .
_هو انا حلو اوي كده ؟
_انا اصل هو احنا هنفضل كده يعني ؟
بعد نفسه واتنهد قائلا _متقلقيش انتي مش من النوع الانا بحبه بعد اذنك .
خرج وسابها تبكي في يوم من المفروض انه يكون أجمل أيام حياتها !
................................
_بجد قالك كده ؟
_اه والله يا حرير.
_هو بيقسي عليكي بس مش هيطول في كده صدقيني .
_ده وجعني يا حرير الكلمه وجعتني اوي .
_اقولك اتعاملي معاه بمبدأ شوق ولا تدوق .
_ازاي ؟
_هقولك بس هو شكله جه في اسكتي.
_سلام عليكم.
_عليكم السلام اسيبكوا انا بقي.
_هو انا مش بتكلم.
_اللهم طولك يا روح في ايه يا يونس؟
_قومي اعمليلي اكل.
_حاضر .
.......................
_رني يا حرير ولا بلاش؟ هرن بقي وخلاص.
_ازيك ؟
_ازيك يا حرير عامله ايه ؟
_عرفت صوتي ازاي؟
_لا هو انا بصراحه سجلت الرقم.
_كويس عشان لو فونك ضاع تاني نلاقيه بسرعه .
_قولت كده برضو .
_انت كويس ؟
عدي ساعه من الرغي في حاجات غريبه والاغرب ان انا مبسوطه حسيت جوا مني احساس غريب وجميل!
_خلاص بكره في شارع البحر تمام .
_تمام جدا .
_هتفت ل نفسها _وبعدين يا حرير لازم تلبسي اشيك ما عندك كده وتباني واو هو انا اصلا كده ولا كده واو انا بكلم نفسي من اولها اتجننت!! ،،اروح احكي لشرف .
_شرف هي راحت فين دي ،،يونس مشوفتش شرف !
_في المطبخ.
_شرف انا هقابل قطع كلامها مشهد شرف وهي مراميه علي الارض وكاد تكون غرقانه في دمها دوت حرير صراخه هزت أركان البيت
_الحقني يا يونس ،،شرف انتحرت!

#نيره_عباس .
#حكايات_يونس_حور
يتُبع..