روايه حكايات يونس وحور .

الفصل الثامن.

_طمني يا دكتور هي كويسه.
_اطمن احنا عملنا اللازم وهي كلها ساعه بالكتير وتفوق الرصاصه جت في كتفها في الحمدلله خرجت بسرعه ومسببتش اثر،، هو حضرتك مين؟
يونس بتنهيده وحيره_انا خطيبها.
_تمام اطمن إن شاء الله تبقي كويسه.
_ان شاء الله قطع كلامه صوت موبايله
_عن اذنك يا دكتور .
_اتفضل.
.................
في الشركه ..
_ايه اللي حصل يا بنتي .
_معرفش والله حور ويونس اتخانقوا وشويه ولقيتها اضربت بالنار يونس شلها وخدها علي مستشفي .
_متعرفيش مستشفي ايه ؟
_معرفش والله با عمو وبتصل كتير عليه مبيردش.

................
في المستشفي..
_لو سمحت اتفضل .
_ايه دي ؟
_دي بطاقه المقدم شرف سيف الدين.
_شرف،،مقدم!!
_اه هو في حاجه حضرتك ؟
_لا مفيش حاجه هو انا ينفع ادخلها .
_اه بس بلاش كلام كتير عشان هي لسه محتاجه راحه.
_تمام مفهوم.
_خبطه اتنين ودخل افتكر اول يوم شافها فيه هي ازاي عرفت تلعب عليه كل ده ؟
همست بتعب_يونس.
_عامله ايه دلوقتي .
_انت كويس .
_اه انا كويس يا سيد المقدم متقلقيش.
_يونس هفهمك.
_تفهميني ايه ازاي قدرتي تلعبيها بالشكل ده .
_انا عملت كده عشانك .
_تخدعيني عشاني ؟ تعيشيني في وهم عشاني ؟ تطلعي شخصيه طفوليه وهوب شخصيه ناضجه وانا اتجنن ما بين الاتنين عشاني ؟ كل ده وعشاني قد ايه انتي عظيمه يا سيد المقدم شرف مش شرف برضو ؟
_انا عملت كده عشان ده الحل الوحيد هي دي الخطه انت في ناس عايزه تاذيك بسبب شغلك مع شكري عبد الرؤوف افهم بقي .
_وانتي كده بتحميني!
_بالظبط انا بحميك انت وغيرك من شر شكري واعداه.
_وانا مش عيل صغير مش عايز اشوف وشك تاني واما بقي الحمايه اللي انتي بتحمهالي استقيلي عنها مش محتاجه يا سيده المقدم .
مسكت ايده وهمست _يونس انا عملت كده عشان والله هما اختاروني ل ده خطه واتفرضت عليا واديك شوفت لما قولت مش هكمل اضربت بالنار .
سحب ايده وبمجود_عايز اعرف كل حاجه حالا .
_اسمي شرف سيف الدين وليا توام اسمها حرير وهي كمان علي فكره شغاله معايا وعشان كده كانت لازم تظهر في الخطه اختي شقيقتي بابا متجوزش اي حد غير ماما ،،مكنتش عارفه ادخلك من انهي مدخل ،،محترم ومش بتسيب فرض ،،بتنزل تقف مع صحابك ساعه ومبتتاخرش،،العالم بتاعك ضيق ومحدود،،البنات مش في قاموسك اصلا ،،صعب ادخلك دخله سهله فكرت معاهم ان هعمل كده وانت سهلت عليا كتير بجدعنتك ،،انا معرفتش اكمل والله ما عرفت .
_اهلك عايشين ؟
_لا،،ماتوا من سنه في حادثه عربيه ومن ساعتها احنا ملناش اي حد انا وحرير مع بعض ولبعض.
_ليه كل ده !
_عشلن الاستاذ الانت شغال معاه بياذي كل الناس الفقيره قضيه نصب يكسبها ،، قضيه سرقه يكسبها قضيه اغتصاب برضو يكسبها تقدر تقولي مين هجيب حق الناس دي؟
_وانا ذنبي ايه في كل ده ؟
_ذنبك انك حاطط نفسك في المكان الغلط ،،مكان مش مكانك .
_تعرفي ان حور احلي !
_انا وهي نفس الشخص .
_انا مش عايز اي مكان يجمعني بيكي زي ما دخلتي من حياتي بخطه اطلعي منها برضو بخطه بقي بشقلبظات انتي وشغلك برا حياتي .
_هبعد عنك بس ابعد عن شكري عبد الرؤوف ده مش سهل .
_والله انا ادري بنفسي وهعرف اتعامل .
_هتتاخد في الرجلين،،هتتاذي متبقاش غبي.
_هو انا غبي فعلا عشان امنت لحد زيك .
تكلمت والدموع في عينيها_انا ماذتكش! دخلت بيتك شهر بحاله مشوفتش مني حاجه وحشه صونتك وصنت اهلك ومحصلش مني اي حاجه حبيتهم وحبيتك! حبيتك وانا كنت حالفه علي قلبي ان ميدقش في يوم ! حبيتك عشان شوفت فيك كل الموصفات اللي كنت عايزه واكتر ! خوفت عليك ومهمنيش نفسي رغم اني عارفه ان الناس دي مش هتسبني كنت بحميك من قبل ما اعرفك وبعد ما عرفتك وحبيتك مش هقدر ابطل احميك ولو عايز تبعد.
_انا همشي عن اذنك .
ضحكت من بين دموعها_مش هتعرف يا يونس !
_ده ليه ؟
-قلبك مش هيطوعك.
_انا حبيت حور انتي حد غريب عني مش هعرف اكمل معاه مش هعرف احس اني بحبه فعلا .
_انا هي وهي انا !
_وانا بقي دلوقتي مش هو ولا هو انا بمعني ان انا دلوقتي مش يونس اللي حبتيه انسيه والاحسن انك تبعدي عنه .
_انا ذنبي ايه ؟
_وانا ذنبي ايه احب واحده مش موجوده اصلا !
اكيد مش هحب مقدم واسمها شرف كمان ده اسم ؟
_ماله ان شاء الله !
_حور احلي كتير ..
قطع كلامهم دخول حرير وبابا يونس .
_شرف انتي كويسه ،،طمنيني عليكي ونبي.!
_اهدي انا كويسه .
_شرف مين ؟
_تعالي يا بابا انا هفهمك .
خرجوا يونس وبابه استغربت حرير وسالت _هو عرف ؟
_اه
_وقالك ايه ؟
_قالي انه مش مسامحني ومش بيحبني بيحب حور.
_وه ! مانتي حور ! حور هي شرف وشرف هي حور
_الحمد لله انا نصيبي كده
_وهتعملي ايه يا شرف انتي كده في خطر .
_انا لو خايفه عليا ايراد خايفه عليه هو اكتر مش عارفه اعمل ايه يونس طيب ميستاهلش اي حاجه وحشه تحصله ،،مستغربه ان في منه الايام دي ! هو في اصلا رجاله ب الاستايل ده ؟ مش عارفه والله ديما كنت بحس اني مسواله منه الايام اللي فاتت دلوقتي هو مسؤوليتي وانا مش عارفه اعمل ايه ؟
_انتي لازم تحكي ل اياد .
_اياد هيعمل ايه بالعكس مش هلاقي حل .
_انا عندي حل !اقترحي علي يونس أنه يتجوزك.
_انتي هبله لا طبعا .
_اسمعي بس يا شرف ده الحل الوحيد عشان تحميه وانتي معاه علي طول صدقيني .
_مهو ممكن موافقش اصلا .
دخل عليهم وقطع كلامهم ب ابتسامه خبيثه _حرير بتتكلم صح وانا موافق .
_بدي ازغرط بس احنا في مستشفي.
_بس اسكتي لا طبعا انا مش موافقه .
_ليه كده يا بنتي هو ف زي يونس!
_قولها يا بابا .
_تعالي يا حرير يا بنتي نخرج ونسيبهم يتفقوا.
_بلاش تدخل الحرب برجلك مش قولت ابعدي خلاص انا هبعد .
_لا احنا هنتجوز .
_لا يا يونس مش هيحصل.
_خايفه ليه مش فاهم؟
_هخاف من ايه !
_خلاص وافقي ؟
_تمام يا يونس الجدع بقي اللي مينخش في الاخر.
_فعلا !
_اه فعلا وانا عايزه مهله بقي عشان لما تخلص تطلقني.
_لما يجيلي مزاجي ساعتها هطلق لو مجاش مش هطلق ؟
_هو عند
_اه يا شرف عند .
_تمام وانا هدخل الريسك بس انت اللي هتخسر .
_متهيألك.
فتح ادريس الباب _ها يا ولاد قررتوا .
هما الاتنين في نفس واحد _اه احنا خلاص موافقين .
_اعوذب بالله بيطلعوا امتي ؟
_يلا نخرج انا عايزه امشي..
_مفيش خروج لما تبقي كويسه .
_لا هخرج !
_شرف اسمعي الكلام عشان عفاريتي متطلعش ..
_يمي يمي خاف يا عيد .
_اللهم طولك يا روح .
_بس انتوا اطفال ؟
_ما تشوفي اختك .
قطع كلامهم دخول شاب في أول الثلاثينات
_كده تخضينا عليكي يا سيد المقدم .
_اياد باشا عامل ايه ؟
_الحمد لله ايه يا بنتي حصلك ايه ؟
_اعرفك عليهم بس الاول.
_حرير وانت عارفها،،عمو ادريس ابو يونس ،، ويونس .
_جوزها
_افندم !
_اصل هي نسيت تكمل في بقولك يونس جوزها .
_تشرفت .
_ازاي تتجوزي دلوقتي يا سيد المقدم فين العهد فين القوه جواز بقي وحمل وعيال وكده من بكره تقدمي استقالتك .
_عندك حق انا هخليها تعمل كده فعلا .
_لا طبعا شرف من اكفاء الناس في المديريه شاطره جدا وكلنا بنحبها في بلاش تسيب الشغل .
_اهو عشانك انت بالذات بقي هتسيبه.
_نعم؟
_بهزر يا جدع مالك ؟
_طيب عن اذنكوا انا بقي كويس ان اطمنت عليكي وانك بخير.
_تسلم يا اياد والله مجيتك دي غاليه.
_الغالي للغالي .
_مع السلامه.
_سلام يا استاذ يونس .
همست بعد خروج اياد نظرا له_قمه قله الذوق .
_بتقولي حاجه يا شرف .
_مبقولش .
_ايوه كده .
_روح انت وحرير يا بابا وانا هفضل هنا مع شرف والصبح ان شاء الله نطلع.
_ان شااء الله يا بني ابقي طمني .
_تمام انا قولت لماما ان انا مسافر يوم السخنه مع صحابي ف انت عرفها انك عارف .
_ماشي يا بني ،،يلا يا بنتي .
_يلا يا عمو.
___________________
_عندي ليكي خبر حلو.
_وانا كمان
_قولي انتي الاول .
_لا انت الاول عشات الفضول بقي .
_انا هاجي اقعد مع خالتو قريب واتقدملك.
_تميم انا اتقرب فتحتي .
_بلاش هزار البنات ده .
كنا واقفين علي كورنيش النيل كان الهواء كفيل في ان اخد نفس قوي واقول بمنتهي الشجاعه انا اتعافيت منه للابد .
_انا اسفه يا تميم عن اذنك .
مشيت وكان جاي من بعيد صوت عمرو دياب وهو بيقول "متجيش تلومني من النهارده بقي في حياتي حد تاني !"
محستش بنفسي غير وانا في عربيه شيفاني طلعتني للسماء ونزلت بيا علي اسفلت زي حبي لي بالظبط.

#نيره_عباس.
#حكايات_يونس_حور
يتبع.