أنياب الذئاب

٥٧

#أنياب_الذئاب ٥٧

#بقلم_ام_مختار

البارت ٣٥٠٠ كلمه
لا تنسون التصويت

اللهم أرِني عجائب قدرتك في جَبري ونصري وإرضائي."

دجانه _:امج تغصدني

:ههههههههه اي

_؛ يااا سهله شني الشغل لا يموت ولا ياكل بنادم وبيتكم كله خمسين متر مستعده انظفه ٧ مرات باليوم  حبيبتي أحنه المعيديات ما نتعب التعب يتعب واحنه ما نتعب

:كفوو والله لا تضوجين  انا وياج وتنظيف بالنص وهم اذا مالج خلك سهله وداعتج انا انظف على كولتج  لا ياكل ولا يموت
.. بلشنه انرتب البيت وسوالف وضحك ما حسينه اصلاً ودجانه طبخت وكعدنه نتفرج تلفزيون الحد ما ردوا
... دخل ايهاب صاح  وين مرتي؟؟

_:هااي انااا الله يساعدك

.... ويساعدج

: باسها

... انا بس اسبح واجي يمكم يابه وين ابني؟؟

:بعدد وكت خويه دجانه المخاذه عكلك تتهنه بي

... اي بالعباس ماخذه عقلي

_؛ اخوج جذاب سنه ظليت يم اهلي لا شفته ولا شافني

.... ترى جاي اسمعج

_:شني شاد ذانات يمنه هههههههه

:حضرت الغده كعدنه ناكل وهو يوكل بيها اكلي خلي وليدي يتغذه
... ترررى انا هنااا وبيه جفاف عاطفي موو انت والقصص عليه ترى اطبق الشرع واخذ الرابع

..... اذا لاكيته اوديج اله هديه

:يااا هيج صارت

.... ههههههه

: دخلت امي وصاحت ل شموسه جايبلتها خرخاشه و مشتريه ل ابن ايهاب هم
بتي ما فكت ياخه طول اليوم  تخرخش بيها شووو انطينياها خذيتها منها ظلت تبجي كعدت الاعبها الحد ما نستها يمه موو بنيه كامت وجرت شعري يااا خبيثه
هنوب تضحك و السنينات طالعه بستها من حلكها اخخخخ يا ربي شلوون بيه انااا اذا ما اكرطج ما اطلع روانه

_:تشبهج

؛ ايي هواي تشبهني

_:كرصتها ليش مكتيلي 

:مجيوره  عذريني

_:معذوره

.... وين ايهاب؟؟

_:راح يتمرن

.... شووو كاعده ما تعرفين  تكومين اسوين عشا

:بعد وقت

_: لا كايمه تدللين

:كمت انا وياها حضرنه العشا

... روااانه تعاي شوي اريدج

:هاا يمه

.... تعاي يمي شعدج بالمطبخ

:يمه سوالف عمتي ما احبهاااا لا تطبقيهن براس دجانه شردت منهن ومن خبثهن وانتِ هسااا جاي تسوين كل تصرفاتهن الجنه مووو خدامه عد العيال ولا اهلها ما يردوها واذا البنيه زينه ويانه فـ هذا من طيب اصلها ردها اخوها بدون مااااا يفتح حلكه  بكلمه وهيه سكتت عن السوا ابنج وما حجت بس عاد كافيييي ارحموا من في الارض يرحمكم من في السماء
طلعت من يمها شايطه شلت بتي و مشيت للحوش اشتم شويه هوى
... رد ايهاب وبيده سرير ريسان هااا بديت تنگل