أنياب الذئاب

البارت الثاني

#أنياب_الذئاب
#بقلم_ام_مختار
#دنيا_غانم

عريان يكول
"أثاري انت
سفر دنيا وحلم مبيوگ
مر صدفه وخلص وكته"

شمرت روحها بالشط  امها ضلت تلطم محد منا تعرف تسبح وشط غميج الحد ما  ووصل ساري
صحيح لابسه بدل وطوفت بس طلعوها زركه اصلا  هي تعمدت تغرك روحها  شالها بحضنه من  حطهابالارض  ولطم على وجها وهو بدموعه يودعها ويصرخ بكل حمه روحه ليششش دله ستكثرتي عليه فرحتي ويلطم على راسه شالوها وخذوها للمستشفى وماتت دله وماتت فرحة ساري  من بعدها

سلف ولكه سالفه
ناس كالت عاشكه غيره وما رادته
وناس يكولون مو بنيه الهسبب انتحرت
وناس تكول غصبها ابوها
نسوان ولگن  سالفه وياريت بس حجي يطعنن بالشرف كلها تكول نصلي ونصوم بس محد خاف الله بهل طفله

امي گضت الليل  الماتت  بي دلة  بس تبجي شلون  نتحرت دله
وهي تبجي من كل گلبها

سامح_: عليش تبجين

:يا مسكينه اسم الله بعمر روانا يمه الله يساعد گلب امها

_:هذا يومها بعد

روانا :ردت الامور طبيعيه الا ساري صارت بي حاله نفسيه
اوقات   شحلاته واوقات  تجي نوبه عصبيه يكتل امه وابو وخطيه همه متحملي

من عادات عمي عبد الله 
كل جمعه يعزمنا بالبيت الجبير بالبستان  يجمعنا ويشوون سمج رحنا الهم بس دخلنا عوجن حلوگهن
امي كعدت بكتر ابوي
وعمي عبد الله يرحب ويهلي بالكل
عيده زوجة عمي _: شلونج ام ايهاب

:بخير الحمد لله

_:عساج دوم

:تسلمين

روانا: رحت  بست راس بيبي و  گعدت يمها

گلتلي بحسره _: انتِ  منهو منهن

: انا روانا جده

_:يا خايبه طريجج طويل

:اصخام بوجه  هالطريج   كل ما گابلتج  وگلتي طريجج طويل

تباهي_؛ وانا وانا جده

_:منهي انتِ 

_: انا تباهي

_:يا بت رواديد يا جده انتِ  طريجج سهل عبنه واكفلج ابو الحسنين

روانا:جا شبيه انا حجيه بالعباس ما مأذيه احد تحسرت
كلام جدتي يظل مطبوع ابالي لأن
لو حجت شي يصير فعلاً وهي كل ما شوفني وكالت طريجج طويل شلون  اركبله  سياره
كمت من يمها ضايجه رحت يم البنات للمطبخ سمعت حس شامخ كاعد  ويضحك ويسولف دخلت

السلام عليكم
هو بس شافني گال _:اجت بت الحضريه

:يگولون  اذا حضرت الملائكه هربت شياطين  ما رد عليه
بس امه ردت_: ما تستحين روينه