الأرنـب الـعاشــق||مغربية||

2

الأرنـب العـاشـق
3ebi9a_45_

اللهم إني أخذت ذنب ما قرأت

بعد الفطور الله يخليكوم ❤️

قمر:(قطعات)ينعل بو صحابات بحالكم اخخ كايتعطا لفول غير لي ماعندو سنان 😑

جمعات لوقفة و هزات كسوتها و بقات داخلة فالواد لي كاين كايجري و هايج شوية....بقات كاتنقز فوق الحجر حتى قطعات لواد و هنا طبيعة أخرى كان نوار الشمس طوييييل و مزين ديك الطبيعة جبدات تيليفونها من صدرها و بقات كااتتصور و تضحك وطالقا أغاني ف ودنيها و تدور فديك اللحظة فالظبط لي كان حاضيها الأرنب المتوحش من حدا الغابة و هاز فيديه مقدة .... و هي ماجايبة للدنيا خبار....ماهيا الا خمسة دقائق و هي تجمع ضحكتها و غوبشات و رجعات منين جات بما أنه لواد قريب لدار تاع قمر ماكاتلقاش مشكل كل نهار كاتݣلس فالواد و كاترجع للدار مع المغرب .... أدن المغرب و دخلات غسلات رجليها و مشات لبسات شورط قصير تريكو نص كم و حطات كتوباتها خدات عصير من الثلاجة و طلعات للسطح كاتصور مع غروب الشمس عيط ليها محسن و هي تغوبش

قمر:الو؟ شنو بغيتي ؟ شريتي الآيفون؟

محسن:اه شريتو عبطي من سطح انا قدام باب تاع الڤيلا

قمر:(سرطات ريقها)شنو جاي دير هنا و باش عرفتيني انا ساكنة هنا؟

محسن:قالتها ليا إناس

قمر:(فنفسها:ينعلطواسلمك ا إناس طحبة)هه اه واخا انا هابطا

مشات هبطات للدار لبسات فوق منها جاكيت حد الخصر و هبطات تصدمات حيت كايان زوين من تصاور لي سيفط ليها وحتى لفورما حااااضرة بٱمتياز و الطولة اذا وقفات حداه تبان بنتو....

قمر:سلام(بٱرتباك)

محسن:(ضحك)كاتباني حسن من تصاور

قمر:ارا ليا داكشي ديالي و عندااااااك يقولها ليك راسك و تعاود تجي عندي راه غادي توصل لخبار لماما

محسن:على مك ماكايناش هنا؟

قمر:ونتا شغلك ياااه دخول صحة هذا طلقني

محسن:(دخل طوموبيلتو و جبد ليها شلااا كاادوات)هاكي ازين تستاهلي

خدات لكادوات تاعها و ضحكات ليه و سدات لباب دخلات و حيدات صندالتها و حطات داكشي حدا لباب شعلات لباف و طلقات شعبي و بدات كاتشطح شوية و هي تجي لمرا لي كاتوصي مامات قمر على قمر يعني بحالة كاتشوف اش خاصها

رقية:ابنتي خاصك شي حاجة راه ماماك عيطات ليا

قمر:لا لا ماخاصني والو (بحزن)علاش ماكاتعيطش ليا انا؟

رقية:دابا تعيط ليك نتي ابنتي

قمر:مووحال(عنقات رقية و بدات كاتبكي)  حتى بابا ماعنديش ساكنة بوحدي و مام
عمرني شفتها 😭😭

رقية:صافي ابنيتي يالاه باي باي خليت خوك عمر بلا ماكلة راه يالاه جا من لخدمة

قمر:تسناي تسناي راه كنت صايبت شي بريئات

رقية:واللاهيلا غير خليك راه العشا وجد

قمر:والا غير خلي لعشا لعمي المختار هاكي هادشي زائد راه باقي عندي

دخلات و حطات ليها لبريوات فالطبسيل و عطاتها ليها ....سدات لباب و طفات موسيقى دخلات لبيتها لي كانت غييير الخزانة تاع لحوايج كبيييرة بيتها غرفة أحلام البنات....لبسات بيجامة تاعها لي كانت حرير و خفيفة شعلات تلفازة و خرجات شيبس من المجر تاعها و بقات كاتتفرج داها نعاس و نسات ماسورتات لباب....تحل لباب و دخل منو الارنب البشري هاد لمرة لبستو ماتوسخاتش بالدم بدلها عاد جا وماشي غير هادشي ماهزش مقدة هز لورد معاه و فيه نقيطة من الدم تاعو دخل كايتسلت و كايقلب على المدعوة بالأرنب الأنثى حسب ما كايسميها هو....و أخيرا لقا بيتها دخل كايتسلت و حط لورد حداها و قاد ليها مدختها و غطاها مزيان و رجع منين جا.....يتبع