مًجّـنِوٌنِتٌـيِّ 😂💔👌🏻

الحلقه 16 والاخيره 🎥

انا:شن رايكم بأطلالتي الجديده
نيروز:انتي صاحيه للشي يلي درتيه
انا:يس
حنين:الخيمه كلها تشبحلك
تلفتت شبحتلهم:شن رايكم فيا كيف طالعه سكرا ولاه 🙂
الكل:مشالله
رزان:اشبحيلي
انا:هااا
رزان:تعرفي طالعه اوووفر
انا:اهي الدوق
خليني نحكيلكم شن دايره في روحي 😂
المهم صبغت شعري م̷ـــِْن جديد مهبوله ولاه هههههه درته وردي متنصدمو، خليته مفتوح ودرته فلو معا نفخه بسيطه م̷ـــِْن قدام وطوق ورد فضي القفطان اسود قصير للركبه منفوش فِيَھ مفتوح من بداية الظهر لنهايته وكندره فضيه ومكيج خفيف
________
نسرين:نولا بيك احمد برا (توليـّۓ يبيك احمد برا)
انا:حاضر توا انجي يا بنات، طلعت لقيت محمد واقف يتكلم بي الفون
انا م̷ـــِْن وراه:خيرك
محمد:تم سلام وسكر الخط، قوليلهم يلبسو خوك احمد بيدخلها
انا:به، جيت ماشيه
محمد:كنه شعرك هكي تعالي ترا
بلعت ريقي:كنه
محمد فتح ضي يلي جنبه:صابغته بودري يافرخه
انا:حلو 🙂
محمد:حلاوتك وانتي زي باربي بعد العرس بترديه كيف مكان
انا:اضن انه شعري وبعدين شن واجعك تحكم بحبيبتك اشبحه شن دايره في روحها🙂
محمد:خشي قدامي احسن مانعحنك توا
انا:خاشه مرزن دمك الزفت
المنشطه:الرجاء التحجب العروسه بتخش
طلعت لوتين انا:اووو جربوع شن الجو
احمد:ضمي فمك يا فرخه
وتين:وااك كرعيا طابو من الكعب
احمد:نعطيك كندرتي
وتين:هاتها وانتي تولين اول ما نخش للصاله بنغير الكندره جيبي صاحباتك قدامي
انا:به، شبحت لكندرت احمد
احمد:خيرك🙂
انا:شن الكندره الجربه هدا وين كندرتك
يحك في راسه:نسيتها في السياره توا نجيبها
انا:مش عارفه خيرهم الاحديه امتعاتكم هكي كرعيكم ملح ياخيتي
وتين:هيا فيسع
انا:برا جيب كندرتك انته وانتي راك تخلي كندرت المجاري تبان تبدا مضحكه قدام الناس
انطفت الاضواء قعدا يلي جنب الباب خشت وتين للصاله درجها احمد على اسماء الله الحسنى وصورت معا احمد وطلع
وتين:بنات حاسه روحي خلاص مش قادره
حنين:خيرك متوتره
هبه (صاحبة وتين):وتين لااا تفضحي روحك بين الناس
موده (صاحبتها وبنت عم بابا) :خيرها
هبه:شربت المشروب في المزين
وتين:خلاص م̷ـــِْن بكري شادتها فيا
رزان:اهدي بدون توتر
جت ايمان:خيرك وتين
موده:متوتره شوي
ايمان تمضغ في المستكه:عُاَدّيَےّ حبيبتي مرح يصير شي 😉ههههه
انا شاده طاسة اميه:بالك تتحشمي على وجك واطيري لمتزوجات فقط و العانسات لٱ هههههههه 😂
ايمان:على اساس انَـỲǑŲـْتي ويلي بجنبك مخطوبات هههههههه
موده:خيرنا مش مخطوبات حبيبتي متكلمين فينا
انا اشرت على حنين و رزان وتسنيم:شفتي هدما التلاته نساوين خوتي وهدي مرت عمي حلـِۈۋ‏وات ولاه
ايمان لوت وجهه وعدت
حنين:تدره الكبد بنت عمتك اففف
وتين:بنااااات ديرن حل
انا:كنها هدي
هبه:شربت المشروب
انا:متقولي بديريها
موده:ايه
نيروز:ديرن حل قبل ما يجي العريس
انا:لقيتهااااا
البنات:شني
انا:حنين جيبي المبخره وحطي فيها بخو تلقيها عند حناي وانتن ديرن جو في الخيمه و شوشره وانا بنمشي انشطكن مافيها نشاط هل المنشطه فرقت حالها
----
خشت حنين للجنان والدنيا ظلام وهيا عندها فوبيا قعدت تمشي بشويه وراسها في الشنطه ادور في تلفونها رفعت راسها جت بتعيط سكرلها فمها بيده:اسكتي
حنين مــِْن كثر الخوف اغمى عليها وطاحت بين يديه
علي:شن المصيبه هدي توا كيف بنديرلها ،طبس رفعها لجهت المخزن سندها على الحيط جاب شيشة اميه ايرشه فيها عليها
حنين:اااااااه راسي فتحت عيونها لقيت قدامها علي لابس بدله رسميه ومحلق متغير
علي:انَـỲǑŲـْتي كويسه
تفكرت انه شعرها مفتوح وهو يشبحلها :احم
ناض علي:ااءء طحتي في السور اغمى عليك المهم انَــْتي كويسه
حنين ناضت:ايه
علي حك راسه: شن مطلعك في الضلام
حنين قرنت حواجبه :باللهي وتسأل زياده الكلام ڵـڱ شن جابك هنى 😒
علي:عاد بدينا الحق فيا نسأل فْيَگ ومساعدك زياده حتى شكرا مقالة
حنين:خساره فْيَگ وتشحد فيها مــِْن فمي مصح وجك
علي:حسستيني ماد يدي ونساسي نطلب في فلوس منك 😒المساعده للمحتاجين مش للتريس😌
حنين:لاااا يا عبدالواثق انته
علي:حسني اسلوبك في الكلام يابنت
حنين:متتحكمش فيا ،تلفتت وطلعت
علي يمسح على لحيته:لَـگِنْ حلو النم اخخخخخخخ ميبدا اسم علي كان ما خديتك
__________
حنين:عمتي وين المبخره
حناي:في روشن المربوعه
حنين:صحيتي
حناي:سلمك مخطوبه انتي يابنتي
حنين:هههه لالا الحق
حناي:ربي يبعتلك ولد الحلال
حنين:انشالله ،طلعت جابت المبخره وجت
نيروز:خيرك طولتي
حنين:اااااه صار معايه موقف بعدين نحكيلك ، بخرت وتين بعدين خش عمر العريس وروح بوتين قعدت الصاله تفضى شوي شوي قعدو الاقارب و شوية معازيم
انا واقفه وشاده المكبر:يلااااااا ردو وراي حبيبي انا منفرط فِيَھ
الكل:حبيبي انا منفرط فِيَھ
رزان جنبي وتصور فيا:عزالي مش حبيبي يا غبيه
انا:سكري، عِيۋۋۋ♡̷̴̬̩̃̊نيّے لْـۆ يبي نعطيه
الكل:عيوني لْـۆ يبي نعطيه
انا:اعلا اعلا
-----
محمد:مروح يافارس
فارس:ايه بنخطم بنجيب العيله
محمد:راك تنسى
فارس:لالا امولي
محمد:وصلني معاك بنجيب كم حاجه
بعد ما وصلو
انا:يلاااااااا اقواا اقواا حبيبي انا منفرط فِيَھ
فارس:مشالله المنشطه
محمد:هدا صوت تولين شني منشطه ياراجل ،نزل
فارس:ههههههههه
-----
ساره:رزااااان رزاااان هيا خوك برا
رزان:به ،تلبس في عبايتها
انا:مروحه زونه
رزان:ايه هيا مرام
مرام ناقله الين بنتها :هيا
اميره:بنروحو ماما
مرام:ايه عمك برا
نسرين:حليها تننا معايه حويله ( خليها تننا معايه خويله)
رزان:ياحلاتك عسل
مرام:ههههه بنت مِڼـّي يا توليـّۓ
نلف في شعري وخصلاتي طايحات:بنت بيسان
مرام:اهااا
نسرين:هي حويله
مرام:لالا توا بنروحو عمو برا وغدوا انجيبها ليك
نسرين:نبي ميرا نا
اميره:ماما خليني باللهي
مرام:لالا عمك برا هيا اطلعي سلام تولين، طلعت ونسرين وراهم
بيسان:توليييين جيبي نسرين بندوشلها
انا:افففف باه لبست عليا عبايه والوشاح وطلعت لقيت فارس شادها ويسكت فيها
انا:نسرييين تعالي ماما تبيك
نسرين تمسح في دموعها:نلا نبي ميرا
انا:بكره تمشيلها هيا نسوقك انا واحمد م̷ـــِْن الصبح
فارس:عدي وبكرا نجيبلك شكلاطه
نسرين بفرح:حقا عمو
فارس:هههه ايه اسمعي الكلام وعدي
نسرين:به
شديتها ودخلتها داخل
تاني يــوم الظهر 1:30
محمد:تولييييين
انا:خيرك
محمد:انا طالع قولي لفراس يوصلك
انا:به
بيسان:تولين لبسي نسرين وتعالي انَـỲǑŲـْتي وياها انا وليد يستنا في برا
هاني:ماما قالك بابا هيا
بيسان تلبس في عبايتها:طالعه توليـّۓ كيف ما قتلك
انا:به، طلعت بيسان دوشت لنسرين ولبستها وانا دوشت ولبسة وطلعت لفراس
فراس يلبس في ساعته:شنو خلاص كملتي
انا:ايه هيا ، طلعنا للسياره طبعآ كلهم مش قعدين الًيَوُمًِ المحضر لوتين حطيت نسرين عند اميره
رزان:خشي كسدي
انا:لالا هداكه هوا اليوم محضر وتين بنمشيلها هيا سلامات
رزان:تسلمي
فارس:نتلاقو بعدين وقول لمحمد يفتح تلفونه نبيه
فراس:انشالله ،شبح جهت رزان وابتسم
ركبت السياره وطول للمحضر تغدينا غادي معا العشيه روحنه
انا:راك تنسي تكلميني
ميرال (اخت عمر) :لالا وين ننساك كل مانشح وتين نتفكرك
وتين:مطبوع اسمها على وجي 😒
ميرال:ايه ههههههه
انا:حلـِۈۋ‏وھّ المهم سلامات
___________تسريع الاحداث ↓_
بعد مرور 3 اشهر خليني نختصر شن صار في الشَهُرَ طبعآ وتين حامل وعمر مخليها على كفوف الراحه ميرال اخته تجوزت اما البنات الشله الخماسيه حنين خطبها علي ويصلح في بيته وتسنيم محمد وفراس خطب رزان ااااه مروان ياحليلي منه تجوز نيروز وخالتي رجعت لبيتها بتقعد تحضر عرس خوتي وعرسي حتى بنتها وخالي نفس الشي قعدت بروحي في البيت احمد يطلع ينسرف معا انس م̷ـــِْن ايامات العرس وهما داكين ريوسهم في بعض خليني نحكيلكم على يوم خطبتي الشهر يلي فات
الموافق 💍♥️ 20/ 2 /2021 .🌧️🌫️ الصبح قالي محمد صاحبي تقدملك واليوم جاي وتيت روحي لبست سروال اسود معا فانيلية صوف وردي مطفي وجاكت جلد ووشاح موفي ،جني البنات
تسنيم:هيا اطلعي امه برا
انا:اففففف به خديت سفرت القهوى وطلعت منزله راسي
ساره:الحق افرحت من وسط خاطر لما قالي بيخطب تولين مشالله زين ورضى والدين
امي:ايه مشالله ولدك منلقى احسن منه لَـگِنْ الراي رايها وراي بوها
طلعت اصلن ماركزت في الصوت ولا رفعت راسي بعد جاني محمد:تولين طلعي القهوى وخوديها ليه
انا:خيرك متاخده انته ولا الرقيه الشرعيه قصدي مقابله 🙂
محمد:اطلعي بدون كثرة كلام
طلعت خديت القهوى للمربوعه فتحت الباب على طول يدي انا:السلام عليكم
فراس:وعليكم السلام انخليكم بروحكم ،طلع وسكر الباب اما انا جيت ماشيه انخطفت في الفرشه تنقلب السفره وتتبزع القهوى خط طويل عريض
فارس:ياساتر
انا:ااااه عين وصابتني ماصلت على النبي
فارس:قصدك عيني تضرب
رفعت راسي:ايه وتبي القلع م̷ـــِْن مكانها وبعدين شن جابك انته
فارس:نخطب فْيَگ
انا:صار انته عريس القهرى
فارس:شنيييي
انا:شي سلامتك 🙂
فارس:نوضي ارفعي السفرى
نضت وحطيت يدي في نصي:وتتأمر زياده مربوعة بوي لْـۆ سمحت
فارس:افففف على الاقل احترميني وضيفيني
انا:باه، قليت السفره وجبت وحده تانيه وفوطه حدفتها عليه
فارس:شني هدا
انا:امسح يلي بزعته بعينك
فارس:بلاهي
انا:شن تشح منضري منضر بصاره
انفتح الباب خديت الفوطه منه ونمسح في الفرشه محمد:شن اديري
انا:تبزعت القهوى نمسح فيها 😅
محمد:به توا انجي انرد على التلفون وطلع
فارس حاط كرع على كرع:منحسابك خوافه لهدرجه م̷ـــِْن خوك
انا:اففف به خلاص هاك ،عطيته القهوى كان فيها ملح شربها جغمه وحده
فارس:دايمه صابه فيها الملح
انا:نشوفك بتكملها ولا لٱ
فارس:باه المهم اسمي فارس وانتي
انا:قصدك احمار العربه اسمي تولين مواليد كم
فارس:96 وانتي
انا:شيباني قصدي بطولة العمر وانا2001
فارس:سلمك وعمرك شن تخصصك
انا:اولى جامعه وانته
فارس:ادارة اعمال نخدم في شركة بوي للاثاث
انا:نحصلو دولاب
فارس:شني
انا:قصدي مشالله 🙂
------
في الليل بعد العشاء: -
بابا:انا موافق وانتي تولين
انا نشرب في العصير وعيوني في النقال بابا:انكلم فْيَگ
انا:ڼـعمًـْ
امي:مش لاهيا شن رايك موافقك ولا لا
انا:قنين على الاقل ننتلف م̷ـــِْن هالبيت ومن الخدمه موافقه موافقه
بابا:على بركة الله وناض للحوش
حناي:عدي مربوحه
انا:م̷ـــِْن گـّيفك انتي محصله كنه جديده ومرت ولد ولدك لَـگِنْ بنجيكم
احمد:لصيقه اقعدي عند راجلك
انا:بنلصق ياحنه بيت بويه امته مانبي نجيه
فراس:نقفل الباب
انا:ننقز معا الحيط
محمد:ونقعدو واحلين فْيَگ
الكل:ههههههههههه 😂
انا:هــهــه بايخه 😒
____________
تاني يوم العشيه
وتين:عمر يا عمر
عمر:هممم
وتين:هيا حبيبي نوض
عمر فتح عيونه:اهااا الساعه كم
وتين:الـ4:30
عمر:وين ماشيه
وتين:بنمشي لعمتي (عمر يسكن بجنب امه يعني باني جناح متكون من تلاث ديران ومطبخ حمامين وصاله يفتح بابا الصاله على الجنان وبيت امه لاصق فِيَھ بجنب)
عمر:به، خش دوش
وتين:السلام عليكم
مبروكه:وعليكم السلام
وتين:كيف حالك عمتي
مبروكه:ټمـٱمـ يابنتي وانتي شن حال صحتك وصحة لقنين
وتين:ټمـٱمـ لَـگِنْ مر مر نرجع
مبروكه:لالاعادي كل الحوامل ايصير معهم لانك في شهرك الاوله
وتين:ايه درت كيكه وجبتلك منها
مبروكه:صحيتي يابنتي وين هلك شن حالهم
وتين:الحمدلله تسأل عليك العافيه وتولين انخطبت
مبروكه:الف مبروك العقبه تفرحو بيها
وتين:انشالله خلي انوض انديرلك طويسة شاهي ولا قهوى
مبروكه:شاهي وفيه كعك في الدولاب حطي منه
وتين:به، وخشت للمطبخ
عمر:كيف حالك يام
مبروكه:الحمدلله
عمر قعمز:امان وين وتين
مبروكه:ادير في الشاهي
عمر:اهااا
--------
حنين:اما احلا البيج ولا العنابي
نيروز تاكل في الكعك وفمها مليان:خودي البيج لانه العنابي بيطلع غامق معا لون الدار
حنين:ايه ايه و الفرشه
نيروز:عنابيه
حنين:شن قصتك معا الحلو انتي
نيروز:شي خيرني
حنين:مش عارفه مكتره شفي راك تاكلي في صحني
نيروز شبحت ليدها:هاك عقابه معاش نبي سدت النيه
حنين:نبصر هههههه كولي كولي عارفتك مزال تبي لين عيونك بيطلعو
نيروز:خزي حقيره عميمه طولت ولاه
حنين:توا اتجي اشبحي معايه توا المكتبه قهويه ولا بيضه
نيروز:قهويه احلا لانه جلسة الصاله فستقيه خوديلها قهوي بيش يبدا عاكس عليها وبعدين شن تبي فيهم لكتب على اساس بتقريهم
حنين:نبي نعبيها كتب ومناظر توا بعدين اندزهم على الواتس
مروان خش ومعاه باكو بقلاوه:السلام عليكم
البنات:وعليكم السلام
نيروز قلت منه الباكو: وبدت تاكل
مروان:على الاقل اشكريني
حنين:انتي مش مزبوطه يابنت هدا تالث حفاضت حلو تاكليها
مروان:اووووف هدا ڱڵـه
نيروز:خاطري فيهم باه
مروان:توا استني خمس دقايق تلقيها راقده
حنين:كيف
مروان:1،2،3،4،5،
نيروز:بنرقد عُاَدّيَےّ نرقد في دارك حنين
حنين هزت براسها بمعنى :ايه
مروان:مش قتلك بدت هكي م̷ـــِْن الاسبوع يلي فات تاكل وترقد
حنين:ليها شهرين متزوجه ولاه
مروان:ايه المهم جيت بنقولك العرس حددوه بعد شهرين
حنين:اهاا به اصلن كملت ناقصيني شويت حاجات ونكمل
مروان:العرس بيدوروه معا بعض يعني محمد و فراس و علي وفارس
حنين:قصدك حتى فارس
مروان:ايه حوسه وحده هيا باي
_________
يوم العرس: -
طبعآ كيف بقيت الاعراس درناه اسبوع فاتو ايامات العرس ليوم الحفله درناه مجتمع يعني اربع عرايس على كوشه وحده في صاله كبيره كانت حلـِۈۋ‏وھّ بمعنى الكلمه خشت حنين مدرجها علي وخوها صور معاها وطلع وحنين دخلوها وبعدين تسنيم مدخلها محمد صورت وبعدين رزان مدرجها فراس و زين صورت معاهم وبعدين طلعو واخر وحده خشيت على اغنية تركيه مش متفكره اسمها اول ماخشيت نقزت نرقص وجبدت احمد وفارس واقف في مكانه مصدوم وبعدين جبدته والكل يلي في الصاله يضحكو بعد ما كملت الاغنيه خديت كم لقطه معاهم بعدين طلعو
حنين:هدا شني يلي درتيه حشم حالك
انا:يحشمك حبيت ناخد ذكره يوم زفافي ونحكيها لصغاري
رزان:ههههههه بطني ههههههه😂
تسنيم:خليك معا خوك مسكين نصدم ههههههههه 🤣
وتين:معقوله فِيَھ وحده في يوم زفتها ادير هبال كيفك
انا:عُاَدّيَےّ حبيبتي هدا انا
الماسه:هبله لين التاج طاح وبعدين معدش تصبغي شعرك توا شن اللون الغريب هدا
موده:ماتعرفيه كستنائي لٱ قهوي هافت لااسود لارمادي
انا:كل الالون يلي دكرتيهم مش دايرتهم لَـگِنْ دايره اسود و البنفسجي ههههههه
حنين:نيروز بطلي هدا شني
كلهم شبحولها نيروز:اففف بناكل الزفت
تسنيم:كولي لَـگِنْ شوي شوي
نيروز:افففف به
رزان:م̷ـــِْن امتى وانتي هكي
حنين:ليها شهرين بعد خطوبة تولين
وتين:بالك حامل
نيروز:زعمى
وتين:ايه لما كنت في الشهر الآۆلْ كنت ناكل في المالح مش الحلو
انا:وتوا مشالله كيف الاسفنجه
البنات:ههههههه
____________
بعد مرور سنه:-
حنين:مراد مراد
مراد:ڼـعمًـْ ماما
حنين:وين اختك
مراد:ميس تلعب معا حلا
امي:جيبن لضيافه للمرا يا بنات
تسنيم:حاضر عمتي طلعت للضيافه وجت
انا:شن صار اقتنعت امي بموده لاحمد
حنين:ايه وانشالله بعد العيد تخطبها ليه
وتين:عبودي يا عبدو
عبدو:هااا يام خيرك حشمتيني قدام مازن و بهاء
رزان:هههههه حليلي مــِْن المتحشم
نيروز:السلام عليكم كل عام انتم بخير
الكل:وعليكم السلام كل سنه وانتي طيبه
حنين:حبيبت عمتها تعالي
ماريا تجري:عمتووو
انا:احمد عيد علينا
احمد:يااااااي تشحدي فيها من زياده
انا:مبردك شن تبي
فراس:دزيتك تعبي المترد نلقاك تقرقر
وتين:بهااااء بهاءءء
بهاء:ڼـعمًـْ عمتي
وتين:هاك خودها كلوها انته ولولاد
بهاء:حاضر
انا:وانتي تسنيم وين بنتك
تسنيم:حلا تلعب
انا:ايه ايه تعالي شوفي
وقفت تسنيم في الروشن لقيت عبدو شاد ميس يسكت فيها ومراد شاد حلا حتى هيا وبهاء ومازن يضحكو وياكلو
وتين:حي م̷ـــِْن توا حنين ميس لولدي
حنين:خلاص وحلا لولدي
رزان:وانا ولدي من بناخدله
حنين:خوديله ماريا اهي قعده
انا:خلي الصغار في حالهم
تسنيم:تولين بطنك كبرت رحتي اضحكي
انا:هاهاها بايخه 😒
تسنيم:وشن بتسميها بنتك
انا:فروسه بيسميها
رزان:وشن بيسميها
انا:جنان
حنين:جنان
نيروز:حلو
تسنيم:وعلاش جنان
انا:لانه لما بندلعها بنقول جنونتي والجزى المشترك بيناتنا
رزان:حلو حلو وشن صار في المذكره
انا:كملتها
حنين:شن بتسميها
انا:#مجنونتي
وتين:وعلاش اخترتي الاسم هدا
انا:لانه كل قصه حب بيناتنا كانت عباره عن جنون
حنين:كيف مافهمت
انا:قصتك انتي وعلي كانت عباره عن جنون يعني كان مجنون بيك مـــِْن يوم الباب ،تسنيم ومحمد كانت عباره عن جنون لانه خدت عقله مــِْن يوم المخزن وتين وعمر كانت عباره عن جنون من يوم يلي زارت فِيَھ كلية الهندسه رزان وفراس قصتكم كانت عباره عن جنون مـِْن يوم محضر وتين لما وصلتيني للباب
رزان:وانتي
انا:ههههههههه تبو تعرفو كيف تلاقينا
البنات:ايه اكيده بالهبال
انا:ههههه ايه مــِْن يوم فتحت باب المربوعه على وسعه وانا نهزب في محمد صرت #مجنونته ههههههههه
______
النــــهايه…

★متخليش جزء صغير من تجربه كانت فاشله في الماضي مــِْن حياتك تأثر عليك في المستقبل خليك قويه وجتازي مهما كان الامر
…
★حاولي انه تبني سعادتك بطريقه ايجابيه متخليهاش ديمه سلبيه لانه الناتج رح يكون الشي يلي يخيلك مبسوطه
…
★مهما كانت الضروف و الحواجز يلي تعرقلك عن طريق النجاح اجتازيها متخليهاش تتغلب عليك لانه في النهايه رح تمشي في الطريق يلي خديتيه
…
🌬️ لُڪلُ ٻڊآيَهِ نْهِآيَهِ ، وُلُڪلُ نْهِآيَهِ ٻڊآيَهِ ، فُلُآ ٺيَأڛ 💛🎇🕊️
...…………°
تحـــياتـي: -القطــه الســـوداء 😉♥️

انتضروني في روايه جديد ♥️😁