أكان حباً

البارت الاول

كم أحب وردة النرجس فيها النقاء والغرور
فيها عطر الحياه الربيع
لم أعرف أن وردة النرجس سوف تغترق كل قوانين الطبيعه وتكون دائميه في حياتي

متابعيني الأعزاء في هذه الخاطرة تدور أحداث القصه وتصف بطله قصتنا حياتها

راح نبدي نسرد القصه وطالبه منكم الدعم لأنكم انتوا بتصويتكم تساندوني وتساعدون  لنجاح القصه

في منطقه من مناطق بغداد الراقيه الكل متحضرين لحضور 
خطوبه أبن السيد سجاد على بنت عمه السيد عبدالحكيم والفرح بادي على الوجوه لأن كان هاي الزواج حسب ما مخطط الها من قبل الاهل
بنت العم لأبن العم

أم رضا : اللهم صل على محمد وآل محمد
يمه الف الحمد لله من شفتك عريس يمه الزهرة تحرسكم انت وعروستك
ام رضا تحجي ودموع الفرح بعينها
أم غيث :اشبيج خيتي فال موزين البجي لازم اليوم كلنا نفرح لأن عوائلنا مدخل بيها غريبه
وهاي موبنتي الله اليعلم احسب نفسي ام العريس مو العروسه
أطلب من ال البيت يحفظ كل جهالنا ونفرح بيهم وبجهالهم

الحاضرين كلهم امين

سارة : شنو راح نخلص الخطوبه بالحجي يلا بنات خلي نفرح كللللوش هاي الرادها وهاي التمناها ورضاوي اخذ بنت عمه كللوشش

ام رضا: يلا لبس عروستك ذهبها بالعافيه عليكم يانور عيني
مرتضى:الله يحفظج النا  ياتاج  راسي انتي وابوي

بعد مباس ايد أمه راح وكعد مرتضى يم خطيبته اللي عقد عليها قبل وقت وهو راح يطير من الفرح وأخيرا صارت من قسمته هاي الجميله كان يتمناها من هو بعمر المراهقه ونضرات العشق كان الكل حاس، بيها
من الأهل
مبروك زهرتي واخيرا صرتي
حلالي
زهراء: الله يبارك بيك سيد

مرتضى:ههههه ههه سيد خوش
واني راح اصيحج سيدة كَلبي
من فديتها مريتي

سارة : مبروك ياغالي شايف كل الخير فدوة لأخوي
سجى : بالمبارك عليكم حبيبي مرتضى
زهراء : اني زهراء بنت السيد عبد الحكيم سادة من بغداد
اليوم جان خطوبتي على ابن عمي وحب طفولتي اليوم
أحلى يوم بعمري الكل فرحانين
ب الخطوبه

راح احجيلكم عنا بعدين
هسه راح اعرفكم على عائلتي
عندي اربع خوات
حياة متزوجه رضا ابني عمي صار عشر سنوات مايصير عنده جهال ربي يرزقهم
بعدين تجي أختي ساهرة متزوجه من ابن خالي هم سيد وعدها ولد اثنين حسن ومحمد
وبنت زينب
بعدين اني وراي اخوي غيث هذا النفس مالنا اني وخواتي
حنين علينا أكثر من ابوي
ممتزوج يدير أملاك ابويا
وراه اخواتي حنين ورقيه توم
بعدهم صغار

اما بيت عمي سجاد
عنده رضا زوج اختي حياة  شخصيته كلش قويه كلنا نحترمه حتى عمي ياخذ الشور منه ولو هو ابنه بس معروف بالعشيرة بالذيب ذكي وفطن
وكلامه مسموع
بعدين ابن عمي كريم متزوج من كرابتنا نفسهم سادة عندة
بنات أثنين وولد بسمله وبيداء
وعبد الفتاح
وبنات عمي سارة وسجى متزوجات وماخذين
من الكَرايب
وهيفاء بعدها صغيرة

يمكن الكل يشوف تسميه البنت وهي صغيرة باسم ابن عمها ظلم
وتدخل بالنصيب بس يمكن اني الوحيدة جنت اشوفها نعمه لأن مرتضى ابن عمي وصار من قسمتي ومحد أعترض

لأن  بعض الأحيان تحس بداخلك القدر يحبك ويمشي على هواك وهاي جان ظني بقدري 😞
ام غيث : مبارك زهورة ربي يسعدج ويجعل أيامج كلها سعادة
زهراء:حبيبتي يوم

مرتضى : سيدة كَلبي راح اخابرج بالليل مو تنامين بعد ماكو أخاف وما أخاف بعد صرتي حلالي خلي أطلع حسرة سنيني منج يا ظالمه

زهراء: يا سيد اني شمسويه
مرتضى: من اخابرج اكَول شسويتي بياههه
دخل السيد سجاد وعبد الحكيم
يباركون بالخطوبه وفرحانين لأن راح يتقوى علاقه العائلتين بعد أكثر
وتحدد موعد الزواج بعد شهرين

______

مشهد من البارت القادم
حياة:رضا الحكي بعد ما اتحمل
رضا :صبري عليه مبقى شي نوصل للمستشفى

بس دوسي النجمه
وها إذا تريدون ندردش بالتعليقات وتنطوني رايكم
عطله وعكم مجال للقرايه قلبوشاتي