مهجة

الذنب

مهجه :شكو ولج احجي
اشواق : هذه زلمه ينزف والدم ماخذه
التمت العالم عليهم
ويطلع خالد داجينه بسجين بيده وضال ينزف
ركضو شالوه
ودخلوه للبيت وشدو ايده
وغسلو وجهه
رياض : ولك احجي شمالك فهمنه
كريم :انطوني ماي
صاحت مهجه بعصبيه وهيه تباوع علئ الناس
ياله كلمن يروح البيته مو ابن مهجه الينطك وماياخذ حكه
يله كلمن البيته اليوم السلف يحترك اذا مالكينه الطاكه

التفت خالد علئ امه :يمه خلي نفتهم منه اصاير احجي خالد شبيك

رد خالد وهوه يباوع بعيونهم ومتوتر وخايف
: انه تعاركت وي كاظم ابن شيخ نعيم علئ مود ماي النهر وطكني بلسجينه وانه طكيته براسه ودفعته بلنهر وشفته مات وخليت وشردت

صفنت مهجه ورفعت حواجبها وبين الغضب  وعصرت بيدها الجكاره وهيه مورثه وضلت عينها علئ الباب وتميل براسها وحجت

: ولك يمه هذه الشر الما بعد ينتهي منين اجتنه هاي اعيون الناس ماترحم ولاحجي الناس هذه الدم بعدم ماينكطع يخويلد يمه

يلتفت رياض ويحاجي كريم
: روح خبر السلف وخلي الزلم تسلح وتجي
يله بسرعه
كريم :صار شيخ
راح كريم بسرعه وبقه رياض محتار شيسوي يباوع علئ امه يشوفها صافنه والجكاره بيدها وراسها يميل بقه ساكت
بعد فتره من الوكت
التمت الزلم يم مضيف شيخ رياض منتظرين شيخ رياض يطلع من يم امه

دخل كريم علئ رياض وكله
:شيخ كل الزلم بلباب مسلحين
رد رياض وهوه متوتر :روح انته كريم ابقه يم الزلم وانه هسه الحكك
افتر علئ امه : هايمه شنسوي هسه

مهجنه :خلي الزلم تتوزع علئ النهر واي واحد يجي غريب خلي يرمونه ذوله بيت نعيم ناس شرانيه من  عهد ابوهم  انكتل ومحد وكف بجنازته بس مايكدرون علئ مهجه ومايعرفون عادو منو اذا هم ناس شرانيه احنه الشر نفسه  يله هسه يمه روح وزعهم وخلي ينطرون ودير بالك واحد يغفه

يطلع رياض للزلم :
يله شباب اريدكم تشدون الهمه واي واحد يعبر صوبنه غريب ترمونه لاتستعجلون واصبرو يله توزعو بسرعه وافتحو عيونكم عدل

بعد ماتوزعو وصار الليل
الساعه ب2بليل سنطه وهدوء والزلم سهرانه
بيت نعيم هجمو علئ سلف مهجه صار صياح  وبده يطلع ضوه عالي احترك مضيف الشيخ رياض والدخان ترس الجو ورمي قوي من الصفحتين  واستمر للاربعه الصبح وراها  انكطع الرمي
وهدئ الوضع
رياض صاح علئ كريم
روح لم الشباب يم المضيف
كريم : صار شيخ

التمو الشباب بعد ساعه
رياض:اسمعوني احنه اذا نبقه هيج يوميه راح نتكتل واحد وره الثاني اذا مو بلرصاص نتكتل راح نموت من الجوع لان السلف كله محوطينه بيت نعيم

روح كريم انته وجم واحد وياك لمو النه زلم خيره نوديهم على بيت نعيم وديرو بالكم من بيت نعيم تره ناس تغدر

يدخل رياض البيت امه ها يمه راضيه علينه
ردت عليه مهجه وهيه منتجيه علئ المخدة وادخن
:شكد كتلتو منهم
رد رياض وهوه مستغرب:لا يمه احنه الكتلنه منهم نروح نكتل واحد ثاني