مهجة

الضحيه (الفصلية)

ثاني يوم الصبح
طلعت حجيه مهجه وشافت رضيه تريد تروح للحلال(الحيوانات)
صاحت مهجه:رضيه
ردت رضيه:ها يمه
مهجه :تعاي يمه اليوم لا ترحين ارتاحي
رضيه :ليش يمه انه مو مريضه ولاتعبانه !!!!
مهجه:كتلج ماترحين وتعاي دشي(ادخلي)داخل للبيت
رضيه:صار يمه
دخلت للبيت وجانت ضايجه
اجت وراها مهجه مستعجله شافت رضيه ضايجه
مهجه:يمه انه اريدج بموضوع ومخاليتج ترحين
رضيه :كولي يمه
مهجه :يمه انتي تعرفين الجره على اخوتج والناس ماترحم بحجيها اريدج تسمعيني زين انتي ترضين واحد من اخوتج ينكتل؟
رضيه: اسم الله يمه لا مااقبل

مهجه :يمه همه حطو شروط على اخوتج ولازم اخوتج يسوون الشروط حتى ماينكتل واحد منهم

رضيه:شنو هيه الشروط يمه

مهجه :يردون محد من اخوتج يدش سلفهم ويردون مره من عدنه فصل والشيخ رياض فر طوايفنه محد اطاه مره
واحنه يمه لزم نسوي العلينه انتي يمه راح نفصل بيج

رضيه :انا يمه
نزلت ادموعها وتحجي
ليش انه يمه والله اسويلكم كلشي احلب الهوايش وانظف مكانهن واجيب حشيش والم الكصب واخبز بس لاتنطوني

مهجه :ولج اسمعيني انتي راح ترحين وغصبن عليج

رضيه:يمه يعني اخوي يكتل وانه اصير بمجانه راح تموتوني

مهجه :اسكتي لايسمعج رياض ويذبحج

رضيه :يمه اكتل روحي وماروح

مهجه:حضري غريضاتج للعصر تره الناس راح تجينه العصر واذا مارحتي اخلي رياض يحط فشكة براسج ويموتج
يله كومي!!

كريم سمع امه تحجي وي رضيه ورضيه تبجي
هايمه شكو
مهجه: اختك ماتريد تروح فصليه بمجان ماينكتل واحد من اخوتك

كريم : يمه هيه هم حكها تبجي شنو ذنبها

مهجه :ها هيج كلامك كدامها امده بطني الجابتك يلغم
ولك هاي مره اذا الزلمه حجه حجايه تحطها ترجيه بااذنها وماتفج حلكها بس رضيه طالعه عينها ويراد نكص السانها

كريم : يمه الجاي تسوونه الله مايرضه بيه

مهجه :اسكت ولك ولاتحجي كدامي هيج

كريم : مادامكم هيج ماتسمعون كلامي انا اروح اشوفلي ديرة

مهجه : ها ناوي تعوف امك

كريم : مااكدر اشوف رضيه تروح فضليه

مهجه : جا تكدر تشوف خويلد مكتول

افتر كريم وصاح ولج اشواق يله لمي غراضج خلينه نطلع بسرعه

اشواق :وين نروح

كريم : لمي غراض ولاتحجين تردين تجين وياي لو اوديج لهلج

اشواق : جايه وياك

لملت غراضها اشواق وهيه تبجي ودعت جنان
ديري بالج على نفسج
جنان : ان شاء الله

افترت على شيماء
ديري بالج على البطنج ولاتتحركين هواي
يله مع السلامة طلعو من البيت كريم واشواق واخذو طريق النهر يمشون

بقت مهجه بلبيت وماطلعت وره كريم
دخل عليها رياض ها يمه وين رايح كريم وماخذ متاعه

مهجه :اخوك يارياض ناوي يعوف امه واحزام ظهره اخوته ورايح للغرب

كام رياض :يمه العاف اخوه وهوه بمحنه باجر يعوفه حتى بجنازته بعد لا اعرفه ولايعرفني

صارالعصر واجت العالم
كعدو وبده يحجي ابو ناصر شيخ معروف بلديرة واحجايته ماتنثنى والكل تسمع كلامه
كعد اكبال رياض وحجه
ابو ناصر : الله بلخير شيخ
كريم : الله بلخير
ابو ناصر : عمي احنه ونريد نصلح الي انكسر ونجبر خاطر الناس الملجومه عمي هم ناس راح الهم زلمه وتيتمت عاليه والجماعه عدهم شروط والشروط وصلتكم فاانتم كلولنه اذا موافقين لو لا

رياض : حياكم الله وعلى العين والراس جيتكم وحياكم اي شيخ صار عدنه معلوم وصلتنه الشروط واحنه للستر موافقين

ابو ناصر : مادام موافقين خير البر عاجلاً انتم تعرفون اول شرط محد يدخل سلفهم والثاني تنطوهم مره.

رياض :ان شاء الله يجرالكم

ابو ناصر : حضرو مرتكم ناخذها ويانه الهم

رياض : اي هسه تجيكم
راح رياض للبيت دخل وصاح
رضيه يله ولج وينج اطلعي

رضيه تحجي ويه شيماء اكتلوني وماروح

شيماء:اسكتي لا يسمع رياض يكتلج

رضيه :خلي يكتلني وين اروح ناس مااعرفها شلون اطب عليهم شلون اعيش وياهم احجي وياه خلي يكتلني

شيماء: ولج منا عالم يوم يومين تتعودين

رضيه :اتعود على كبري ولاتعود على ناس مااعرفهم خاف مااشوف امي واخوتي بعد شلون اعيش

شيماء :اتشوفينهم بس اصبري جم شهر وكلشي يصلح

رضيه: بعد مابيه حيل ابوس ايدج احجيه وي رياض احجي وي امي

دخل رياض يله ولج عالم متانيه
شيماء حجت
اي جايه

طلعت رضيه واخذت ملابسها وغراضها ومشت الوحدها وي ناس غرب هاي اول مره رضيه تمشي وي ناس مو اهلها تمشي وتلتفت على بيتهم وعلى اخوتها تشوفهم مدنكين تمشي وتتعثر وتسمع من الناس فصليه تبجي والحسره بداخلها ومختنكه وتلوم بنفسها شنو سويت انه ياربي وهيج يصير بيه
وراحت رضيه للغرب     .....   موعرس صار جنازة

وراحت فتره وتغيرت الظروف ذاك اليوم الصبح كعدو بيت مهجه
وجنان صرخت