نـرجـسْْ الربـيـعَ

بارت 1

كعدت من نوم علة صوت صياح وعرك ...!

من الصدمة كمت بسرعة من مكاني ورحت لغرفة امي وشفتهة تغلط وتحجي علة ابوية .

وهوة صافن عليهة وعيونة حمر دم تحسه علة أي ساعة ينفجر ....

لحد ما كالت امي

ام احلام".....إذا انتة صدك رجال اطلكني ما اريدك يا اخي افهم ما احبك اني شنو هية كوة...

من كالت هية كام عليهة ابوية وضربهة واستمر يضرب وهية تغلط متسكت ابد

احلام... واني صافنه عليهم طفلة بعمر 9 سنوات تشوف اهلهة متذابحين..

تقربت من ابوية اريد اخلي يوخر من امي لأن شفت خشمهة يذب دم خفت وكمت ابجي

وتقربت عليهم لزمت ايدة لابوية بس دفرني ووكعت بالكاع ...

زدت بجي وطلعت من الغرفة ركض لبيت جدي لان قريبين بنفس الفرع مال بيتنة..

لكيتهم كلهم كاعدين يتريكون ركضت لعمتي واني ابجي

احلام".....عمةة جوهرة باببةة كتل امي تعاي راح تموت...

هية راحت ركض لبست عبايتهة وركض وراهة جدي .

دخلنة للبيت لكينة بس ابوية كاعد وحاط ايدة علة راسة

جوهرة".....وين مرتك شمسويه هل مرة..؟!

أبو أحلام ".... طلكتهة

أحلام... شفت عمتي ضربت علة صدرهة وجدي عاط بي

جوهرة"....ولك ليشش وهاي الأبنية منو الهة حسبي الله ونعم الوكيل عليكم شنو من عائلة انتو..

جدي"....والله احسن حل أي من زمان وسويهة موتوني مو حتة الأبنية صارت بيهة حالة نفسية

أبو احلام".....كلشي ما بيهة الابنية الخبصتوني بيهة مو لهل واكفة عرج ميطكهة مثل امهة

جدي"....انجب وأحلام من هاي اللحضة صارت بنتي بعد ما الك أي شغل بيهة افتهمتتت..

أبو أحلام ".....خفتن وراحة اخذوهة هية وملابسهة وخر*ة* بهيج عيشة تخلص وياكم..

جدي "...وطبك ستين مرض نوب يا ريت مشاكلكم بيهة معنة كلة بسبب اسباب تافهة مثلكم.

أبو احلام".....ياااااابة انتةةة شتحجي اجي اني رجال تعبان من شغل اريد لكمة شي ملابس الكاهة

نايمة اكول ميخالف اروح اني اكعدهة تسوي

اكللهة كومي تكلي خاب متروح مني وخليني نايمة..

احجوووو هذذذة وضع رجال ....

نوب مشاكل لا اليوم ولا البارحة راح يصير تسع سنوات تعرفون شنو تسع سنوااات.

هاهية انتهى الموضوع وباجر اروح اطلكهة سيد ومحكمة ..

احلام....شفتهة كلهة سكتت وكلمن راح واخذوني وياهم وعمتي جوهرة اخذت ملابسي كلهن