اني احبة بس ما ادري اذا يبادلني نفس الشعور زيناشلون اعرف اشلون اتأكد ؟ سؤال أكيد انوو كل وحدة منة تتمنة اتعيش شعور الحب وتحلم انوو الشخص الي اتحبة ايبادلهة نفس المشاعر بس ما عدهة الجرءة انوو اصارحة اولآ لأن اتخاف انوو ما يبادلهة نفس الشعور وثانين لأن كرامتهة وكبرياءها ما يسمحلهة انوو اذل نفسهة لأي شخص حتة لوو كان الي اتحبة واحنة ابطبعنة كأناث ما انحب انوو انذل نفسنة ونركض ورى واحد حتة ما متأكدين انوو هوة ايحبنة او لا انحب بطبعنة انحب احنة النذل ما ننذل انخلي يتمنة رضاتنة وما ايحصلها ( شكلي زودتهة حبتين ورحت زايد 😁) المهم هسة اشلون نعرف انو هاذة الشخص يحبنة اكوو كم نقطة لازم تتأكدين منهة وركزي عدل ترى كل كلمة حكولهة هية واقعية وموو حجي افلام ولا حيلا كلام ١- العيون :ركزي بعيونة شوفي هل شي مثبت علمين انوو الي يحب اصير اكوو مثل المعة بعيونة ويضل ايتابع الي ايحبة وين ما يروح بس من دون ما ينتبه انتي اهنا لازم ما اتخلي ينتبه انوو انتي دا تراقبي ليش لأن اذا انتبه راح يشيح بنضرة عنج بهل حالة ما استفادينة شي وحتمال هم وهاذة الشي عن تجربة شخصية انوو انتي ما راح تنتبهية لهل نضرات حتة لوو كان هوة يحبج ولوو داءمن ينضرلج بهل طريقة ليش ما اعرف بس يستحسن انوو اتخلين شخص ثاني هوة الي يراقبة ابمكانج لأسباب هواي منهة الي ذكرتة حتة ما ينتبه وهم صدكيني اكوو احتمال ٩٠ ٪ انوو انتي ما راح تفهمين هاي النضرات وما راح اشوفين هاي المعة لن تعرفين نضرة الحب تختلف عن النشوة ولن انتي اتحبي فراح اتخلطين ابينهن وتحاولين انوو اتفسرينهة من يمج فة انتي شوفي منوو الي اتصرفلج وسويهة هسة راح انطيجن مثال بس هل شي صدك يعني اني مريت بهل حالة ونتن حكمن
ايهاب : هاج تردين جهازي اتكلبين بي انة حنام ومد ايدة ونطاهة الجهاز ( وهوة ما يسمح لأحد يلمح مبايلة حتة لوو من ابعيد ) حنين بستغراب : انوو لا شسوي بي اني دنحجي اني زوزو ( زهراء اصير اختة ) ايهاب : كيفج ( وغطة راسة ونام ) زهراء : اكووول شنووو الوضع املاحضة هاي الأيام ايهاب ما يرفضلج طلب لا وينطيج جهازة بعد لج هو اني الي اختة حتة ما يخليني احطة على الشحن شمعنة انتي وتغمز وتأشر حنين : جبي ولج شقصدج ترة عادة لا اتأوڤرينهة بصراحة هم اني مستغربة انوو ليش ديعاملني معاملة خاصة معقولة الي بالي لا حنين شنوو هل حجي طردي هل الأفكار من بالج المهم ضل يتصرف وياي بطريقة غريبة وخاصة وحتة مصرف كام ينطيني اكثر من اختة وهاي بس اتلمح بس كلت لا مستحيل موو معقولة بس صارت نضراتة الي غريبة اوو يمكن جانت هيج من زمان واني ما منتبهة المهم فد مرى نايمين كلنة بصالة وهوة ويانة فة اني وزوزو صايرين على صفحة بطرف وهوة ببطرف الثاني احنة طفينة الأضوية حتة اخذ راحتي واذب حجابي فة اتأخر الوقت وكلهة نايمة بس اني ما كدرت انام لن مكاني تغير المهم اني ذابة حجابي طبعا بس ما مغطية راسي جان الجوو اشوي حار وعبالي نايم وماكو اضوية فة مهتميت واشووو .. هاذة كام وطب للمطبخ جان ضوة قوي وموجه علينة المهم اني ما كدرت اغطي راسي لن حينتبه اني كاعدة لن قبل لا يكوم القة نضرة علينة فة ان اتحركت حيفهم اني كاعدة المهم اشووو... هاذة شغل الأنارة وكعد كبالي بس على بعد مسافة شوي وضل صافن يربي شلووون سالفة هاي وما اكدر اتحرك لن حينتبة واني بية طبع ما اتكلب واني نايمة وذيج زهراء كايلة هاذة الش كبالة فحيعرف المهم اشوو ضل على هل صفنة قرابة ١٠ دقايق او ربع ساعة المهم اشوي وتنهد ما اعرف اشلون اوصفهة بس مال واحد ضايج متحسر ونوب كام وطفة الأنارة ورجع لمكانة اني هنا لوو يذبحوني ما يلكوون بية قطرة دم من كد الخوف ومع ذالك ما فهمت ليش هيج اتصرف ضليت افكر اشوي وما حسيت على روحي ونمت كعدة ثالي يووم ما بينتلة انوو اكوو شي وانوو اعرف بس اخذت مسافة امان بيني وبينة وكمت اخذ حذري من عدة وحجيت لزهراء على الي صار زهراء : عزززززززة لج هاذة كلة صار واني نايمة حنين : اي ولج اذا انتي عبالك داخلة ابغيبوبة موو نايمة زهراء : لج بس لا يطلع يحبج حنين : ما اعرف زهراء : وثول شنو الي ما تعرفي مبينة ذيج هية موو كتلج تصرفاتة غريبة وياج حنين : اففف لا اتوتريني اني وحدي متوترة لحد الأن ما مستوعبة الي صار ( هاذة كالة صار وياي اني شخصين والي اتحب تتعرف اكثر على التفاصيل خلي تكتبلي بتعليقات ) المهم اني كتبت هاي الحادثة للعبرة لا اكثر وراح اسوي هاذة البارت على اجزاء حتة ايكون مفصل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
