شفتاك لشفتي-عشقت زوجة أخي

تيم يعترف بحبه لزوجة أخيه!!

الحلقة الثانية
.
مقتطفات من الجزء الماضي:-
ذهب الأخ عاصم وضمَّ زوجته شمس وقبّلها وبدأ يتكلم معها...وكان تيم ينظر إليهم بحزن شديد....وكان يكاد ينفجر من البكاء والغضب....

دخل تيم إلى غرفته بسرعة ليجلس مع نفسه ويكبت غضبه....

مرَّت نصف ساعة...حتى شعر الأخ الأكبر عاصم بغياب أخيه الصغير تيم...نهض عاصم وتوجه لعند أخيه إلى الغرفة....
دق عاصم الباب ودخل....ذهب وجلس بجانب تيم على طاولته وكان ملاحظ أن تيم مزعوج جداً ولكن لم يكن يعرف السبب....

قال عاصم لأخيه تيم:شو أخي..ليش مزعوج؟!

تيم وهو منزعج ومقهور:ولا شي أخي ولا شي...ولا تسألني أكتر لأني مارح جاوب....وتركني لحالي إذا سمحت...

عاصم وهو هادئ ومتفهم:طيب أخي آسف كتير....

نهض عاصم وخرج من الغرفة وذهب لعند زوجته شمس وجلس بجانبها....
قالت شمس لعاصم:شو حبيبي وينو تيم ليش مو قاعد معنا؟!

عاصم:ما بعرف شبو قاعد جوا ومزعوج...أصلاً أنا صرلي فترة ملاحظ عليه أنو بيضل مزعوج

شمس:طيب أنا رح فوت شوف شبو

عاصم:ما بدو حدا يدخل لعندو

شمس:معلش رح حاول...

نهضت شمس وتوجهت إلى غرفة تيم ودقت الباب وقالت:تيم...ممكن أدخل

تيم:تفضلي شمس فوتي...

دخلت شمس لعند تيم وذهبت وجلست بجانبه أمام طاولته المليئة بالكتب....

قالت شمس له:شو شريك(كلمة تستخدم للأصدقاء) شبك شو اللي زاعجك؟!صرلي فترة حاسستك أنك مو منيح....

بدأت عيون تيم تدمع ولم يقل أي شئ....

نظرت به شمس وانصدمت...وقالت له بسرعة وخوف:شو تيم خير شو في..قلي...

نظر تيم بها وقال لها وعيونه مليئة بالدموع وقال:مين بيعرفك قبل...أنا ولا أخي عاصم؟؟!!

شمس وهي مستغربة:أنت طبعاً...تعرفت عليك بمعهد اللغة الإنجليزية وبعدين أنت عرفتني على أخوك من خلالك

تيم:لكن ليش حبيتيه إلى وما حبيتيني إلي؟!

انصدمت هنا شمس صدمة شديدة وقالت:شش...شو...ما فهمت عليك شو يعني...

تيم:يعني أنا بحببكك...أنا بحبكك...وبموت فيكي...وبموت فيكييي....

شمس مصدومة:لك سكوتتت...سكوووت شو هالحكي التافه هاد؟؟!!

تيم ودموعه مثل الشلال:هاد حكي تافه برأيك...لك أنا كل يوم عم موت ألف موتة.....أنا بقعد كل يوم سهران للساعة سبعة الصبح بس عم أتخيلك...وعم أتذكر ملمس أيديكي....أنا بحبب...

وقبل أن يكمل قاطعته شمس مصدومة وقالت:له خلصصص...سكوووت....أنا ما عاد فيني أسمع أكتر من هيك....هاد الحكي بقمة القذارة والتفاهة....
ثمَّ نهضت شمس بسرعة وغضب وأرادت أن تخرج....

مسكها تيم من يدها وقال لها:شمس انتظري شوي أرجوكي...

وقفت شمس على مضض لتسمع ماذا سيقول لها....

قال تيم:أنا ما عم قلك هيك لتزعلي أو لأخربلك بيتك...أنا...أنا بس كان بدي حدا قلو عن معاناتي...أرجوكي لا تفهميني غلط...أنا بعتذر...

شمس:بس يا تيم هاد الحكي كتير كبير وأنا هلق مصدومة صدمة حياتي....

قبَّلَ تيم يد شمس بحب شديد وقال:أرجوكي أنسي كلشي قلتلك ياه...أنا بس كان بدي أحكي اللي بقلبي لأرتاح....

سحبت شمس يدها بهدوء وخرجت إلى الصالة وهي مصدومة صدمة شديدة وكانت تفكر إن كان الذي سمعته أوهامها أم أن الكلام كان حقيقي....

مسح تيم دموعه وخرج إلى الصالة ليكمل حفلة رأس السنة مع أهله....

ذهب تيم وجلس مع بنات خالاته وأعمامه وبدأ يتكلم معهن ويضحك ويمزح....وترك شمس جالسة ومصدومة بالكلام الذي سمعته...

كانت شمس تنظر إلى تيم نظرة صدمة ومشاعر مختلطة....

انتهت حفلة رأس السنة وبدأت الضيوف تغادر المكان حتى بقي من المعازيم فقط عاصم وزوجته شمس...

نهض عاصم وقال لزوجته:يلا حبيبتي صار لازم نروح...ثمَّ أكمل قائلاً:يلا يا جماعة نحنا صار لازم نروح...منشوفكون بكرا...

قالت الأم كندا:يلا أمي مع السلامة بس تعو بكرا عالغدا لا تنسو...

عاصم:حاضر أمي...يلا تصبحو على خير...

خرج عاصم وزوجته وكانت عيون تيم تلاحق شمس وقلبه كان يحترق على فراقها....

عاد تيم إلى غرفته ولبس بجامته واستلقى على التخت وبدأ يفكر بشمس ويبكي وكيف أنه أضاعها من يده عندما كانت صديقته....

ركبا شمس وزوجها عاصم في السيارة...نظر عاصم بشمس وقال لها:خير حبيبتي فيكي شي...حاسسك مزعوجة؟!...شو اللي زاعجك...من أول ما دخلتي لعند تيم وطلعتي مزعوجة...شو قلك لحتى طلعتي مزعوجة؟!

شمس وهي مازالت مصدومة ولكنها تتظاهر بأنها طبيعية:لا ولا شي حبيبي...بس زعلانة عليه يعني لهلق ما لاقى وحدة يحبها ولا لاقى مسلسل يخليه ينشهر...قصدي يعني لهلق ما لاقى فرصة عمرو بالشغل

عاصم:وأنا يا حبيبتي مزعوج عليه كتير...حاسسو همّو يشوف البنات عم يتقاتلو عليه وبحسو ضايع ومو عرفان شو بدو

شمس:أي الحق معك....

انتقلوا إلى الحلقة القادمة أحبائي...❤❤