في غرفه سميره
.........
كانت سميره تتحدث بالهاتف مع نعناعه ولم تراعي كلمه حياء الي أن سمعت صوت ارتطام بالأرض
سميره بقلق:في حاجه وقعت في الارض انا رايحه اشوف في اي
نعناعه: انا معاكي وطمنيني لقيتي اي
فتحت سميره الباب وسرعان ماشهقت شهقه عاليه بسبب ياقوت الملقي علي الارض
سميره:الحقني يانعناعه الحقني
ياقوت مرمي ع الارض وشكله سمعنا واحنا بنتكلم
نعناعه: طب شوفيه عايش ولا ميت
هبطت سميره بخوف لترى ويد مرتعشه لترى
هل مازال يتنفس ام لا
سميره بخوف :لسه عايش
نعناعه: في حد عندك في البيت
سميره:انت بتقول اي اتصرف ازاي في النصيبه دي
نعناعه : خوديه وديه اوضتكم وكأنه مفيش اي حاجه
لحد ما السر الإلهي يطلع
سميره:عايزني اقتله
نعناعه:لا عايزه يلبسك قضيه زنا ويعرف انك خاينه ودول مش عياله وهوب تبقي في السجن بعد ماكنتي صاحبه القصر وتيجي الخدامه تبرطع في الفيلا
زي حكايات الف ليله وليله
ماتخلصي ياوليه قبل ماحد يجي
سميره وقد أغلقت الهاتف
هبطت لمستوي ياقوت
تحدثت سميره بهسيس كالافاعي
سميره:عايز ترميني ياكلب في السجن وأخرج من المولد بلا حمص اهو انا بقي الي حااموتك وحاتبقي خارجتك النهارده
أخذت سميره تسحب ياقوت الي غرفتهم وقد تبدلت ثيابه الي بيجامه ووضعته علي الفراش وخرجت لنتأكد من خلو المنزل
سميره بخوف :ي نهار اسود
ركضت سميره لغرفه عمار ابنها وفتحت الغرفه ووجدته مستغرق في النوم
سميره:الحمد لله
أغلقت سميره الباب وذهبت لترى باقي المنزل
.....في غرفه عمار ....
كان عمار خائف بشده مما رأى فقد رأى سميره تسحب والده الي الغرفه دون مساعدته
عمار :طب ليه مساعدتهوش يروح للدكتور
طب هي حاتقتله
بابا حايموت
انا خايف تقتلني انا كمان
انتي فين يا آيات انا خايف
.......................................
في منزل فاطمه
الماذزن:ي جماعه خير البر عاجلو
وانا عندي بعدكم طلاق عايز امشي
عامر: طلاق اي انت حاتفول علينا ي عم
ذهب الي فاطمه
عامر:هو قريبك حايطول ي حماتي
فاطمه بقلق :الغايب حجته معاه ي اابني
... ......
في غرفه اروى
.....
اروى وهي تحبس دموعها تحدثت بالم وبصوت مبحوح
اروى:مجاش بردو
عائشه:دا مأكد علي ماما زمانه جاي ي حبيبتي
الغايب حجته معاه
اروى بدموع وقد طفح الكيل تحدثت بالم
اروى:بس هو غايب علي طول
هو احنا عملنا اي للكره دا كله
عائشه: ياروحي متعيطيش النهارده فرحه عمرك متعيطيش في يوم زي دا
اروى:عندك حق
انا مش لازم اعيط
بس انا الي استاهل وقت ماحنيت للراجل الي رمانا زمان انا استاهل
وضعت اروى العدسات اللاصقه وكفكفت دموعها وابتسمت بألم
اروى: رماني زمان ووجوده دلوقتي مش حاياثر معايا في حاجه
خرجت اروى وعائشه للخارج
المأذون بغضب : ي جماعه انا عندي طلاق عايز امشي
عامر بغضب : ي جدع فال الله ولا فالك انت حاتفول عليا وانا عريس لسه
المأذون:ي استاذ حايتطلقوا وانا مابصدق اما الاقي حد بيطلق
عامر:ياعم انت مأذون ولا ميكانيكي استني
اروي:اكتب الكتاب ي مولانا
المأذون:عين العقل
اين وكيل العروس
فاطمه بدموع :حايجي دا وعدني والله
اروى: انا وكيله نفسي يامولانا
تخطت اروى والدتها واختها اللذان يبكيان في صمت
وجلست بجوار الماذون ووضعت يدها بيد عامر الذي قبض عليها وكانها كنز ثمين
عامر:اكتب يامولانا
بعد عده دقائق
المأذون:بارك الله لكما وبارك عليكما وجمع بينكما في خير 🤍
عامر بفرحه وهو يحتضن اروى تحدث
عامر:واخيرااااااا
***********************
في مكتب مصعب
...........
كانت ايات تبكي بشده
مصعب:مالك ي ايات حصل اي
ايات:كريم ابن طنط سميره ي مصعب بيضايقني في الرايحه والجايه و و
مصعب بغضب وهو يقبض علي كلتا ذراعي ايات
مصعب:واي تاني
عملك اي الكلب دااا
انطقي
ايات بدموع : النهارده حاول يتحرش بيا بس طنط سميره بعدته عني
مصعب وهو يحتضن ايات ويتوعد لكريم بالقتل
مصعب:اقسم بالله لادفنه حي وحاوريه المجوم في عز الضهر ابن الكلب دا
ايات وهي تشمئز من رائحه ملابسه
ايات تحدث نفسها
ايات:اقسم بالله لاندمكم كلكم علي الي انتوا عملتوه فيا
وزي مااسميره استخدمت ابوك زمان عشان ياذيني
مفيش مانع اخلي ابنه ينتقملي
الحساب حايكون عسير
ايات تستطنع الخجل
ايات:مصعب انت وعدتني انك تتجوزني اما اكمل السن القانوني صح
مصعب بفرحه :طبعا
ايات:وحانجيبلي حقوقي وفلوسي الي اخدوها
مصعب:كله حايكون ملكك
ايات: حاتعمل اي
مصعب:حاتعمل اي دي بتاعتي انا متشغليش بالك
المهم تركزي في مذاكرتك ممكن
ايات بفرحه :طبعاا
انا لازم امشي دلوقتي عشان سميره متعاقبنيش
مصعب بغضب:الحيوانه دي بتعملك اي
ايات ببكاء وهي ترى مصعب خصلات شعرها المقصوصه
ايات ببكاء: قصيتلي الخصلتين دول عشان زعقت لنور بنتها بالغلط
مصعب بغضب :اقسم بالله لاندمهالك واخليها زي الكلبه هي وعيالها
ايات:انا لازم امشي دلوقتي
سلام
خرجت ايات من المكتب متجهه لخارج الشركه
ايات كانت تتحدث مع نفسها
ايات:يارب اشفيني وقويني عليهم
وسامحني علي الكدب الي بكدبه بس انا كنت براقب نور وسميره وعرفت مكان نعناعه وان مصعب يبقي ابنه اكيد ظهوره في حياتي مش صدفه وحبه ليا مش صدفه
لازم استغله لحد ماالحق يرجعلي
*******************
في مكتب نعناعه
..... .......
كان يتحدث بالهاتف
نعناعه:ي ياقوت متقلقش انهي بس انت اجراءات الملجأ بتاع الايتام دا اول دور حتي واول مايبقي ليه سقف نروح ونطلع الحاجه
ياقوت : وجبريل
نعناعه:اي ي ياقوت انت الابوه حاتاخد حقها منك ولا اي
قلنا جبريل كبش الفداء الي حانحضر عليه عسان نجيب الحاجه هي اول مره حانعملها ولا اي لااا اعقل كدا وفوق لنفسك دا تهريب اثار دوله وانا مش عايز اتسجن
ياقوت :ولا انا
انا اول مااخلص حانروح سوا
نعناعه :عين العقل
دخل مصعب بقوه الغرفه
نعناعه وهو يرفع احدي حاجبيه :طب سلام انت يا ياقوت دلوقتي
مصعب وهو ينظر لنعناعه بغضب
نعناعه:خير ياابن العارجه
ولا عشان امك تابت تفتكرها تكيه ملهاش بواب وتدخل كدا عليا
مصعب:اي دخلت عليك الحمام
نعناعه:لا الجحيم ياابن العارجه
ابوك مش امام جامع
مصعب: وانا ابن الساحر
نعناعه:طب ماانت عارف اهو اننا نسل وسخ
هااا داخل بزعابيب امك دي عليا ليه
الله يجحمك ياعارجه مطرح ماروحتي
مصعب: قلت انك حاتعلمني ووافقت اخد العهد من بعدك
نعناعه:اديك قولتها
من بعدك
مصعب وهو يخرج سجارئه ويدخن سيجاره وينفث الدخان
نعناعه: بتدخن قدام ابوك من غير ماتقوله اتفضل
مصعب باابتسامه اعطي لنعناعه سيجاره
مصعب:ماتجيب من الاخر
نعناعه: خايف عليك
حبك لايات يعميك عنها وتمشيك علي كيفها
مصعب:ايات غيرهم كلهم
نعناعه: عشان كدا فكيت العمل بتاعي
مصعب: وانت يهمك في اي العمل اتفك ولا لاء طالما سميره وبنتها بيجولك وقت ماانت عايز
بلاش نلف وندور علي بعض ي نعناعه
خليك ماشي مع سميره عادي ونور زي ماانت
وسيب ايات في حالها
نعناعه:هو انا جيت جمبها ياابن العارجه
مصعب: مكملتش العهد معايا ليه
نعناعه:مش وقته
مصعب:لا وقته انا عايز تعزيم القتل
نعناعه:وحاتقتل مين
مصعب:قلنا مندخلش في شغل بعض
نعناعه:بنت الصايغ مش سهله ياابن العارجه خلي بالك
مش سهله
مصعب: ولا نور وامها طاهرين ي نعناعه
ومتنساش عهدك معايا
انت قلت حاتعلمني
نعناعه:ماانا علمتك
مصعب: انت علمتني افك سحر اسود سحر سفلي
اطلع جن من واحد
اسلط علي واحده جن
ادفن سحر في مقبره ولا علي جلد تعبان
كل دا ولا حاجه
انا عايز اتعلم نبش القبور واستحضار القرين عايزه اتنبيء ويكون ليا اتباع وخدام عايز اتعلم التعاويذ واللغه الي بتتكلم بيها معاهم عايز اكون زيك
عايز اكون نعناعه تاني نسخه منك
اتجوز واخلف منهم ويكون ليا قوه وسلطان عليهم
نعناعه وهو ينظر للشراره بعين مصعب تحدث
نعناعه :بس بشرط
مصعب:اي هو
نعناعه:متعملش حاجه ببلاش وتفكر ميت مره قبل ماتعمل حاجه
والا كل واحد وليه نقطه ضعف وانا مش حااسيبها
مصعب:اتفقنا
نعناعه :تمام تعالا بقي اقعد ي ابن العارجه عشان اعلمك
مصعب : سؤال ي نعناعه
نعناعه: اسأل
مصعب: ليه خليت العارجه تجيبني للدنيا
ماانت عندك ولاد كتيره من الشغل الشمال
نعناعه وهو يحك بااظافره القذره لحيته
نعناعه: حايجي عليا وقت واكبر وساعتها انت حاتكون العكاز بتاعي و مش بعد دا كله الشغل يقف
مصعب بتهكم:طب اكدب عليا وقول حبيتك مثلا
نعناعه بسماجه : ليه كنت مراتي
بطل اسئله ملهاش لازمه وخد الكتاب دا والعروسه دي
عشان حااعلمك اول درس
ورقه وقلم واحفظ طلسم التعقيد
*************************
في فيلا الصايغ
..........
دخلت ايات ووجدت سميره بالصالون
ايات:مساء الخير
سميره:كنتي فين ياابت دا كله
ايات:كان عندي دروس ولما طلعت روحت عند ريهام صحبتي اذاكر
بابا رجع
سميره:من بدرى وفوق نايم بيرتاح
ايات:طاب حااطلعله
سميره بغضب قبضت علي ذراع ايات
وتحدثت بصوت عالٍ
سيمره:ماقلت نايم بيرتاح عايزه تنزلي كلامي يامقصوفه الرقبه انتي
امشي انجرى علي اوضتك والا حايكون في كلام تاني
ايات :حاضر
صعدت ايات لغرفتها واغلقت الباب بقوه
ايات:ليكي يوم ي سميره اما وريتك مابقاش انا
**************************
في فيلا ياقوت
...........
مازال الحزن يعم الارجاء لموت حبيبه
كان جبريل يهبط للاسفل لكنه جذب سمعه كلمه اثار
ظل يسير ببطء لغرفه المكتب حتي استطاع سماع والديه
سهر :حاتطلعوا الاثار امته
ياقوت:اول مانبني الدور الاول من الملجأ ونعمل السقف حانقدر نحفر براحتنا والاسم بنجهز الملجأ
سهر:وهو لازم جبريل يعني
ياقوت :اي قلب الام حايحن ياسهر
اعقلي ي ماما الفلوس حلوه
سهر:مااحنا عندنا كتير يا ياقوت كفايه علي الولد انا خايفه
ياقوت: كل مره بتقولي كدا ولما بنطلع الاثار بتنسي
سهر: المره دي بيقولك مقبره ملك وحاجه صعبه
ياقوت: نعناعه طمني
قال ان جبريل حايكون كبش التحضير وان جسمه مفتاح كويس نقدر نفتح بيه المقبره
قفلي علي الموضوع دا بقي ي سهر
سهر :حاروح اشوف الخدم حضروا العشا ولا لسه
ياقوت:روحي ياختي اهي حاجه مفيده تعمليها بدل كلامك الفاضي
ابتعد جبريل سريعا دون احداث اي صوت
وصعد للاعلي
جبريل :آثار
مفتاح
كبش فداء
انا بقيت كبش فداء
خلع جبريل سترته وذهب ليري جسده لتظهر تلك العلامات الغريبه التي تشبه Xo
وبعض العلامات المبهمه التي بالكاد تكاد غير ظاهره
ارتدى جبريل سترته واخرج هاتفه
ليتصل بصديقه علي
جبريل: باشا عامل اي
علي:حبيبي فينك
جبريل: في الدنيا اهو عايشين الحمدلله
والله وقعت تحت ايدي معلومه قلت اقولها لعلي بيه
علي :معلومه اي
جبريل: في واحد كدا بيشتغل شمال في نبش القبور وتهريب الاثار اسمه الحركي نعناعه
علي: نعناعه دا نصيبه
جبريل:انت عارفه
علي:دي ملفاته عندنا ي جبريل بس انت عرفته ازاي
جبريل: دا موضوع يطول شرحه انا حااعدي عليك بكرا عشان احكيهولك
علي:حااستناك
جبريل:مع السلامه ي باشا
اغلق جبريل الهاتف وهو يتوعد لياقوت ونعناعه
جبريل وهو يبتسم : انا مش كبش فدا لحد
*************************
في منزل فاطمه
*****
عامر:الفرح امته
اروى :ملوش لزم انا مش بحب الدوشه كفايه كتب الكتاب
عامر:لا طبعا حااعملك احلا فرح
فاطمه:عامر عنده حق
نظرت اروى نظرات عتاب لوالدتها وتحدثت
اروي: انا معنديش يحضر فرحي ي عامر
وانا مش عايزه اهلك ومعازيمك يشاوروا علي جانب العروسه ويقولوا بطولها في الفرح
انا مش عايزه فرح
عامر:الي يريحك
احنا ممكن نعمل حفل عائلي انا وانتي وحماتي وعائشه وايات ونجتمع سوا
اروى بدموع حبسيه :مفيش مشاكل
عامر: يلا بينا نروح
فاطمه:طب بكرا
عامر:عشان شغلي ومش حاينفع
اروى:انا جهزت شنطتي
عامر بابتسامه :حاستناكي تحت
عن اذنكم
هبط عامر وهو بكامل سعادته فحبيبته ستذهب معه لعش الزوجيه
بعد عده دقائق هبطت اروي بصحبها حقيبتها التي اخذها منها عامر ومن ثم انطلقوا الي القاهره
وبعده نصف ساعه من الصمت قرر عامر الحديث
عامر: هو مين الي طنط كانت مستنياه دا
تعلثمت اروى قليلا قبل ان تبدا لكن سرعان ما سب عامر علي مقود السياره
تبا لك
اروى:حصل اي
عامر: الماطور عطل
اروى:مش انت صلحتها
عامر:اه بس مش عارف حصل اي
اروى:طب حانعمل اي احنا علي الصحراوي
عامر:انا اسف والله للي حصل دا احما حانضطر نركب اي مواصله لحد القاهره
اروى:مفيش مشاكل ي حبيبي
عامر :انتي قولتي اي
اروى: لا مش ناقصه صدمه دلوقتي وشوفلينا اي مواصله الله يرضي عليك
بعد عده محاولات فاشله استطاع عامر ان يوقف سياره نقل كبيره
عامر:هو انت
السائق:, اركب ياباشا
عامر:لا مش حانركب
اروى:انت حاتتامر مش كفايه الراجل حايساعدنا
عامر:انتي مش فاهمه حاجه الراجل دا مجنون
السائق بصوت عالٍ:هي العربيه عملتها معاك تاني
اركب ياباشا متتكسفش اركب
اركبي ي مدام
اروي:يلا ي عامر
صعد عامر واروى السياره
وبعد 5 ساعات
اروي بملل :حانوصل امته ي عامر
عامر:مش عارف
اروى:هو ماشي علي قشر بيض دا ولا اي
عامر:قولتلك بلاشه
اروى:طب اساله
عامر: دا لو سالته حايقعد يحكيلي قصص حريم السلطان
اروى:عامر متهزرش اساله يلا
عامر بتأفف :حانوصل امته ي يسطاا
السائق:اهووو ادينا ماشين
واخد بالك انت ي باشا
عامر: اه واخد بالي بس
ي يسطا شد شويه العربيه ماشيه علي قشر بيض مش كدا سرع معلش
السائق:لا زبيده دي من ايام المرحوم ابويا الله يرحمه واخد بالك انت ي باشا اصله مبت
يدعامر: يااعم اقسم بالله واخد بالي وعارف بس متجوز جديد وعايز اروح مع مراتي سرع شويه
السائق:الف الف مبروك ياباشا
لو المدام تعبت من السفر خليها تنام في حضن سعديه وراا
عامر وهو ينظر لزوجته :لو ظهرك وجعك ريحي ضهرك في حضن سعديه ورا
اروى بدهشه:سعديه مين
كاد السائق ان يجيب علي سؤال اروى لكن عامر تحدث
عامر:بااااااس والله ماانت تاعي نفسك واخد بالك انت ياباشا
بصي ي اروى واخده بالك معايا
اروى:واخده
عامر:العربيه دي اسمها زبيده
واخده بالك معايا
اروى:واخده ياخويا
عامر:اصل ابوه كان عنده جاموسه اسمها زبيده وماتت
اروى:ياعم ماتغور
عامر: المهم انتي واخده بالك معايا
اروى:ياعم والله واخده انت علقت ولا اي
المهم بقي سعديه الي ورا دي الكنبه دي هو مقتبصها من ابا انا عايزه اتجوز سعديه واخده بالك معايا
اروى: مقتبصها
السائق وكاد ان يتحدث لكن قاطعه عامر
عامر:عليا الطلاق ماانت متكلم انا حافهمها خليك سايق بس
اروى: عامر هو في اي
عامر: لا دي ليله بقي عيلته بيسموا اي حاجه بااسم ستات
دا حكالي عن عنيات الكنبه بتاعتهم وزير الميه وحسنيه
لا دي ليله
السائق:اومال بقي لو حكيتلك عن عزيزه
اروى:عزيزه مين
السائق:لمؤخذه في الكلمه
عزيزه دي الجذمه بتاعتي
اروى بغضب:شوف ياجدع انت ان مابطلتش استهبال وسرعت شويه حااديك باام السعد علي دماغك
السائق:ام السعد مين
اروى:الجذمه ياخفيف
السائق وهو يميل تجاه عامر
السائق:الله يكون في عونك مراتك شرانيه واخد بالك انت ي باشا
عامر:ياعم والمصحف خدت بالي انا طفحت منك انت اي جابك الراويه دي اقفلي ياست المشهد بقي
***************************
فيلا الصايغ
............
في غرفه سميره
.........
كانت سميره جالسه امامه بخوف تخشي ان يستعاد وعيه
سميىره:انت حاتموت امته
افاق غانم من نومه بالم بصدره
غانم بتعب:يا خاينه ي بنت الكلب ي لمامه
سميره بخوف تخشي من ان يرتفع صوت ياقوت
سميره:انت ما موتش ليه
غانم :وحاسجنك يابنت الكلب حاافضحك قدام الكل
الحق عليا وظل يسعل بقوه
كح كح كح كح
كان يتحدث بالم شديد وفم ينزف الدماء
غانم: انا استاهل بعت الغالي واشتريت الرخيص
سميره بغل :الخدامه بتاعتك دي غالي وانا الي رخيصه
اه خونتك
ومش مره ولا غصب عني لا كتير
وحااخونك
وحااتمتع بفلوسك
واقولك الولاد دول مش ولادك موت بقهرتك واشبع
غانم بمرض :مش حاتلحقي تتهني بحاجه
لاني كتبت كل حاجه باسم فاطمه وبناتها وايات
كح كح كح
سميره بغل اخذت الوساده وكتمت انفاس غانم
سميره:موت موت موت موت
.......... ........ ...........
اليوم التالي
........
يالهووووووووووووي
يالهوووووووووووووووووووووووووووووي
Sabreena💔
