جبريل

الخاتمه ...

فيلا غانم الصايغ #
اتت ايات برفقه عمار المنزل ووجدته مزين بورود الياسمين والبنفسج
ايات:مين عمل كدا
خرج جبريل وهو يرتدى حله سوداء اللون وبيده باقه ورود بنفسجيه
جبريل وهويخرج علبه قطيفه بيضاء
جبريل: تتجوزيني
ايات بدموع :انت عملت كل دا علشاني
جبريل: لا علشان عمار اصله واحشني
مالك ي بنتي مخك طخين كدا ليه تتجوزيني
عمار: وافقي بقي ي بنتي الراجل حايزهق كدا
ايات: موافقه
البسها جبريل خاتم الخطبه في يدها وسط زغاريط عمار المضحكه وعيون ايات الدامعه بالفرح
###################
في مكتب نعناعه
...................
كان مصعب يبحث بالادراج كالمجنون
مصعب:فين كتب السحر
راحت فين الكتب
دخلت سعاد الغرفه
سعاد:حرقتهم
مصعب بغضب قبض علي سعاد من ذراعيها
مصعب: حااقتلك
حااقتلك
سعاد بدموع وصراخ
سعاد:ياريت
ياريت  تقتلني وتريحني من الجحيم الي انا فيه
اقتلني 
اقتلني ي ابن بطني
سميره وهي تضرب بقبضتي يديها علي احشائها عده طرقات بعنف
سميره:ملعونه البطن الي شالتك اقتلني
اقتلني عشان كنت عايزاك في يوم من الايام واحد نضيف
اقتلني عشان كنت  ببعدك عن السكه الشمال
اقتلني ياابن بطني
اقتلني
مصعب:شمال ولا يمين ايات حاتكون بتاعتي انا ملكي انا
حتي لو اتحالفت مع ابليس ايات حاتكون ملكي انا
محدش حايقدر ياخدها مني
دفع مصعب سعاد والدته لتسقط علي الارض وخرج من الغرفه
################
في عياده الطبيب النفسي
.........................
كان عمار جالس يحكي ماحدث معه في الاونه الاخيره بكل ارتياحيه دون خوف دون حواجز
الطبيب :انت اتحسنت خالص
عمار:الفضل ليك بعد ربنا
الطبيب : الفضل لعزيمتك واصرارك انك تبقي كويس ي عمار
الحياه مش عايزه عزله وخوف
الحياه جميله عايز الي يشاركنا فيها بالابتسامه والحب
دور ع الحب ي عمار حاترتاح
صدقني
عمار: اكيد طبعا بس اخلص دراستي
بس حضرتك معزوم علي فرح اختي
الطبيب :اكيد طبعا حااجي
عمار:حاانتظر حضرتك
####################

######################
بعد مرور شهر
...............
كانت محاولات فاطمه وعائشه في استعطاف ايات تنجح
اما اروى فكانت تتقرب من ايات خطوه فخطوه
سامح جبريل والده ووالدته وعاد ليعيش معهم مجددا 
################
في فيلا ياقوت
...............
كان ياقوت وسهر علي طاوله الافطار يتناولون الطعام وسط سعاده وفرحه
الا ان اتي جبريل ليتحدث معهم
جبريل:انا عايز اتجوز
ياقوت بابتسامه :عين العقل عايز تتجوز مين
جبريل: ايات غانم الصايغ
ياقوت باابتسامه : ياابني بلاش هزار
دي مجنونه وبتتعالج ف المستشفي الجرايد بتقول كدا
جبريل،: لا ماهي خفت
ياقوت بغصب تحدث وعلامات الكره باتت واضحه
ياقوت:انت عايز تتجوز واحده مجنونه طب الناس تقول علينا ااي ي ابني انا سمعت انها قعدت خمس سنين في مصاحه نفسيه
جبريل،: يقولوا الي يقولوه انا عزمتهم عندنا قعده تعارف  وعايز نحدد معاد الجواز
سهر: طالما بتحبها احنا مش حانقف في طريق سعادتك ي ابني
جبريل:هااا ي ابو جبريل
ياقوت علي مضض
ياقوت:مجنونه مجنونه اتجوزها بس مترجعش تقولنا عايز اطلق
ابتسم جبريل لطريقه والده الطفوليه
جبريل: انا عزمتهم النهارده عندنا ونحدد الفرح كمان اسبوع
ياقوت بصدمه :اسبوع
################
في فيلا عامر زيدان
.........................
ارتدت اروى ملابسها والبست ايات الصغيره وحملتها
عامر :رايحه فين ي اروي
اروى:عند ايات
عامر:سبيها دلوقتي ي اروى
اروى:انا سيبتها زمان ومش عايزه الي جاي من عمرى ضايع
انا حاروحلها انا وايات
بيقولوا ان قلب الخاله عظيم وانا حاسه انها اول ماتشوف ايات الصغيره قلبها يحن
عامر:اجي معاكي
اروى:لا ياعامر  خليك انت
#################
في فيلا غانم الصايغ
##########
كانت ايات جالسه برفقه عمار بالصالون
ايات: جبريل عايز الفرح كمان اسبوع
عمار: هو مستعجل كدا ليه مش لما تتخطبوا الاول
ايات: مش مستعجل ولا حاجه
عمار:الحب ولع ف الدره ي سعديه
ايات: هو باين قووي اني مدلوقه عليه
عمار: جامد الصراحه
بس في طلب عايز اطلبه منك
ايات:عيوني
عمار:عايزك تسامحي طنط فاطمه واروى وعائشه
محدش بيعيش لوحده ياايات وانتي مش من الخلا لازم تسامحيهم وتفرحي بوجودهم جمبك ي ايات وانتي داخله علي حياه جديده ومهما حصل دول اهلنا وطنط فاطمه غلبانه سميره اذيتها ياما زمان
ايات: صعب
عمار: احنا مش ملايكه ي ايات وبابا الله يرحمه  وسميره  اذوا فاطمه واخواتك زمان
ايات:اخواتي
عارف اي الي قاهرني ي عمار
عمار:اي
ايات:ان وقت شدتي وقت ماكنت محتاجه ايد تطبطب عليا بالغلط ملقتش حد وانت تقول اخواتي
كانت شغاله مع عامر وبتشوفني ولا كانها تعرفني ليه مقالتليش كل حاجه
............. ..........................
كانت اروى تقف امامهم حامله ايات الصغيره
اروي:عشانك
ايات وهي تنظر لاروى نظرات شك
ايات:عشاني
ليه بقي ان شاء الله
اروى:متلعبش دور مش دورك ي ايات
انا وامي وعائشه اتظلمنا اكتر منك
ايات:انتي تعرفي عني اي عشان تتكلمي كدا
اروى:وانتي تعرفي اي عننا عشان تقولي علينا رميناكي
تعرفي اي عن بنت في ابتدائي ابوها قالها خودى بناتك واطلعي براا
انتي عارفه فراق الاب عامل ازاي
تخيلي يكون الاب هو الي رامي لحمه ومش عايزه
توجع مش كدا
اهو انا كنت عايزه اطمن عليكي ماحبتش انبش في الماضي
محبتش اجرحك
وانتي مكنتيش حاتصدقيني
بالرغم الكره الي في قلبي ليه بس وقت كتب كتابي علي عامر قلت ي بت خليه يجي
ومجاش
مات قبل مااسامحه ي اياات
انا عشت يتيمه
يتيمه من كل حاجه
وقت ماجه عامر وعطف عليا عايزاني اتيتم تاني انا كنت انانيه بس مش باايدى ي ايات والله مش باايدى
ظلت اروى تبكي الي ان جاءت ايات واحتضنتها ومن ثم سمعوا صراخ الطفله
وااء واااء ووااااء
ايات باابتسامه حملت الطفله
ايات:وانتي ي قرده بتعيطي ليه
اروى:طالعه لخالتها
ايات:سمتيها اي
اروى:آيات
ايات:يارب يكون نصيبها احلا من نصيب خالتها
###############
في مكتب جبريل
............
دخلت السيده :ابني مش قابل وجودي وبيكرهني
عايزه عمل يخليه خاتم في اصباعي
ابتسم جبريل لها
جبريل :اطلعي برا ي وليه ياخرفانه
انا بساعد الملبوسين والمسحورين مش بااذي حد
يلا ي عقربه  من هنااااااا
#####################
بعد اسبوع
##########
في فيلا غانم الصايغ
كان جبريل برفقه عائلته وعامر وهو يحتضن ابنته ايات الصغيره
وبعض الاصدقاء المقربين
جبريل لعامر
جبريل:هما اتاخروا فوق كدا ليه
عامر:عروسه بقي وبتشطب
هبطت اياات السلم وهي تتكأ علي اخاها عمار وفي الخلف كانت فاطمه واروى وعائشه يحملون ذيل الفستان
ابتسم جبريل لرؤيتها
كان الفستان عاري الصدر مزين بالورود وفي الخلف زيله الطويل مرصع بالورود البسيطه
صعق جبريل لجمالها
بعد ربع ساعه
تم عقد القران وسط البهجه
بارك الله لكما وبارك عليكما وجمع بينكما في خير
#################
في منزل مصعب
********
جالس بغرفته يحتسي الكحول كان يشرب الكحول وملابسه مهترئه ورائحته نتنه من المشروب الذي كان يقع كلما شرب
دخلت سعاد الغرفه وجدته علي تلك الحاله
يشرب دون ان يفعل اي شيء
سعاد: ي ابني ي حبيبي كفاياك شرب
مصعب :هق
كفاياني اي ي وليه ي عقربه امشي  سيبيني في حالي
حالي الي انتي باايديكي بوظتيهولي وبعدتيها عني جن جنون مصعب واخذ الزجاجه الفارغه وظل يضرب سعاد علي راسها بجنون
مصعب:موتي موتي موتي
وقعت سعاد جثه هامده علي الارض والدماء تغطي الارض
مصعب بجنون وهو ينظر اسعاد
بحث عن ملابسه كالمجنون وابدل ملابسه واخذ اغراضه من المنزل ومسح بصماته وفر هاربا
########################
في الفندق
#######
ابدلت ايات فسان الزفاف الي منامه بيضاء جميله وخرجت لجبريل
كانت جميله رقيقه كاورده الياسمين تفوح منها رائحه جميله
جبريل: انا بحبك
وقبل قمه راسها
ايات ببراءه تحدثت
ايات:هو البوس بيجيب عيال
جبريل :هه
ايات: انت لسه حاتقول هه
دفعته ليسقط علي الفراش وتحدثت
ايات:ورانا شغل كتير انا عايزه اجيب دسته
##########################
بعد اسبوع
**********
في المعادي
................
كانت تفوح رائحه نتنه من العماره  واشتكي السكان بسبب تلك الرائحه وقدموا بلاغ واتت الشرطه لترى مصدر الرائحه
اقتحمت الشرطه الشقه ووجدت سعاد بالارض جثه هامده وتم اخذ الجثه للمشرحه كي تحلل وشمعت الشقه بالشمع الاحمر
**********************************
في مكتب الشيخ جبريل
################
كان يقرا كتب نعناعه عن السحر وكيف فكه
امام الرجل الموثوق بالحبال
الرجل بصوت امرأه :مش حااطلع من جسمه
مش حااطلع
دا حبيبي وابو عيالي مش حااطلع من جسمه
حبريل وهو يتحدث كلمات مبهمه غير مفهومه
ضرب الرجل
وكان صوت صراخ المرأه يزداد
سيبه متضربهوش
سيبه متضدبهوش حااطلع من جسمه
حااطلع بس متاذيهوش
الا ان امتدت يد الرحل اليسري وفقد الرجل  الوعي
الام وهي تقبل يد جبريل
ربنااا يكرمك
ربنا يسترك
ربنا يحبر بخاطرك
جبريل: خديه بيته ولو حصل حاجه انا موجود
#########################
في فيلا ياقوت
:::::::::::::::::::
استيقظت ايات من النوم ولم تجد جبريل
اخذت الهاتف
ايات:جبوتتي
فينك
جبريل: في الشغل ماموريه كدا
وحااجي ياروحي متقلقيش
ايات:بحبك
اغلقت ايات الهاتف
####################
في المكتب
وضع جبريل كتب السحر واغلق المكان وذهب لمكتبه في مدريه الشرطه
###################
فيلا ياقوت
######
كانت ايات تسقي الزرع بالماء ولكن مصعب ظهر خلفها وكمم فمها بمنديل مخدر
وحملها وذهب لسيارته
وضعها بالسياره وذهب
##########
اعلي جبل المقطم
اخذ مصعب منديل ووضع به شيء ما  ووضعه علي فم ايات
شعرت ايات بالصداع وهي تحاول الافاقه
ايات بخوف :مصعب
مصعب:ايوا مصعب حبيبك
ايات:انت عمرك ماكنت حبيبي
انا عمرى ماحبيتك
انا بحب جبريل وبس
مصعب: لا حبيتيني وجبريل هو السبب في كرهك ليا
انا ابن نعناعه بس عمرى مادخلت عالم السحر والدجل
جبريل هو الي دخله
هو الي اتعلم فنون السحر وهو الي بعدك عني
الشيخ جبريل
ايات :كداااااب
انا جوزى ظابط
مش ساحر زيك
مصعب وهو يقود السياره
مصعب:حااوريكي مكان الشيخ جبريل الي بيروحه لما بيجيله زباين
بعد ساعه
وصل مصعب وايات لمكان المكتب
مصعب:بيروح هنا لما بيجيله زباين
ايات انا بحبك وعايزك اطلقي منه 
هبطت ايات من السياره و اخذت تاكس وعادت للمنزل
########################
في فيلا ياقوت
#########
دخلت ايات الفيلا وذهبت لغرفتها تبكي بقهر
ايات:يعني ااي
اهرب من السحر والشعوذه ومن سميره وظلمها عشان اتجوز واحد ساحر
دجال لالا اكيد في حاجه غلط
طب لو دجال انا مستحيل اعيش معاه
مستحيل
####################
في المساء ....
..........
في غرفه النوم
..................
عاد جبريل المنزل في وقت متاخر
كانت ايات بغرفتها تستطنع النوم لم تريد ان تحادثه ارادت الهروب
جلس علي الفراش الي ان اهتز هاتفه
جبريل :الو
ايوا الشيخ جبريل معاكي
طب تمام بكرا الساعه 8 في المكتب
صدمت ايات من الذي استمعت اليه ارادت البكاء والصراخ لكنها استطنعت النوم
ابدل جبريل ملابسه ونام بعمق 
############################
اليوم التالي
**********
ارتدي جبريل ملابسه واخذ هاتفه وهبط الي الاسفل
كانت ايات مستيقظه انتظرته حتي هبك لتكشفه بالجرم المشهدو
في مكتب جبريل
.................
جبريل :اتفضلي عايزه ااي
خلعت السيده ملابسها
جبريل بغضب :انتي بتعملي ااي
ذهبت السيده الي حبريل بقميصها ولكنه صفعهااا علي وجهه
دخلت ايات الغرفه
جبريل :ايااات
السيده : انتي كمان عايزه عمل
داانت زباينك جامدين ي شيخ
صفع جبريل السيده علي وجهها
جبريل:اخرصي ي زباله
كانت ستذهب السيده لكن جبريل منعها من الذهاب
جبريل:هو دخول الحمام زي خروحه
السيده:سيبتي بقولك
سيبني
ايات:سيبها ولا انت كيفك كدا مع الملبوسين
شويه ايات وغيرها
جبريل:انتي مش فاهمه حاجه دا فخ معملونا
عشان نفترق عن بعض
ايات:بطل شغل الروايات دا وحاتطلع البطل ف الاخر وتعيش بسلام والحدوته خلصت
جبريل:انتي مجنونه انا عمرى مااذيت حد
ايات:غيري
انت مااذيتش غير ايات
انت كسرتني ي جبريل
جبريل وهو يضغط بقبضته علي وجهه السيده
جبريل:انتي مين الي باعتك يابت
السيده :محدش
جبريل وهو يصفعها بقوه
جبريل:مين ي بت الكلب
السيده بخوف : مصعب
دفعها جبريل لتسقط ع الارض وفرت هاربه من المكان
جبريل لايات :اتاكدتي دلوقتي اني مش زي ماانتي فاكره
ايات : انت قلت بعضمه لسانك
انك شيخ جبريل انا سمعتك
جبريل،:انا بعالج لكن مش بااذي
ايات:معالج بالقران
جبريل :لا
ايات: اومال بتعالج ازاي بكتب السحر
جبريل :كتب نعناعه فيها طريقه فك الاسحار وانا بعالج بيها
ايات:يعني بتستعين بيهم ف العلاج
انت كدا شايف نفسك شريف
طاهر برىء معملتش حاجه
مفيش فرق بينك وبين نعناعه وابنه ي جبريل
كلكم اذيتوني ي جبريل
ايات اتعذبت علي ايديكم 
اه موجودين ي جبريل اه موجودين عندكم حق
الجن والسحر والشعوذه موجودين
بس مش دايمين
لا دي حياتهم ولا دا عالمهم ولا اجسامهم
اه ي جبريل كنت مسحوره واتعالجت
بس الاستاذ المحترم الظابط دخل لعبه السحر واستخدمهم بحجه العلاج فتحت عليك باب من ابواب جهنم
انا بعالج بس مش بالقران
هو القران عجز ي جبريل 
فرقت اي عن مصعب ونعناعه
محدش فيهم اخد جسم ايات غيرك ي جبريل
اما كلكم
كلكم دوستوا علي ايات
محدش ملاك ولا فيك صفه من صفات الملايكه
انت حتي مطلعش فيك صفه من اسمك ي جبريل
جبريل : رايحه فين
ايات: انا وانت مينفعش نتجمع تاني
انا مش عايزه اعيش من واحد استعان بالجن والسحر ف العلاج
انا مش عايزاك
جبريل :يعني اي
ايات:طلقني
جبريل:اسمعي ظروفي الاول
ايات:  عمرى ماحاارجعلك ياجبريل
انا حاسه بالقرف انك لمستني واني كنت مراتك في يوم من الايام
ليه تعمل كدا
ليه تستعين بيهم
انا اكتر انسانه اتاذت بسببهم ولا يمكن ارجعلك ارجع لواحد استعان بااجن والشيطاين في العلاج
انت مسلم وموحد بالله كدا
جبريل: انا ظروفي كانت صعبه
انتي متعرفيش حاجه
ايات:ومش عايزه اعرف
كفايه
خلصت
طلقني 
خرجت ايات من المكتب
*****************
بعد شهر
***********
تم الطلاق والتحقت ايات بالثانويه لتكمل تعليمها
عامر واروى في انتظار الطفل الثاني لهم
التحق عمار بالثانويه ويزاكر بجد
فاطمه وعائشه يقفان مع ايات ويشجعانها علي اكمال التعليم
تم القبض علي مصعب وعرضه علي فضيله المفتي
سهر وياقوت مازالوا يواظبون علي الصلاه واعمال الخير
جبريل باانتظار عوده ايات اليه حتي بعد الطلاق

############################
########################
مساء الخير
عارفه ان في ناس مش حاتحب النهايه لكن دي حاجه حقيقيه قوي
ايات مش لازم ترجع لجبريل اه كلنا بنغلط لكن في غلط يتسامح عليه وغلط مستحيل تسامح عليه وغلطه جبريل كانت صعبه
واي ست تحب تعيش مع راجل تحس بالحب في عيونه مش راجل استخدم الجن والشياطين في حياته
النهايه حقيقيه جدا
************
انا كصابرينا شايفه ان السحر موجود واليومين دول بكثره ولما كتبت عنه
السحر بيدمر الشخص وممكن يوصله لحافه الموت
واننا نصلي. وندعي ربنا يبعده عنا وعن الناس المؤذيه في حياتنا
ادعوا ربنا كتير يحفظنا ويحفظ اولادنا
بحبكم
+
في روايه جديده حااعلن عنها

بنات الصاوي .....
Sabreena