قصص متابعيني

القصه رقم _1_

قصتنه الاولى بعنوان(حب المراهقه)

بطلتنه بهاي لقصه ابنيه عمرها 14 سنه وحابه نصيحه منكم وحل

واسم الابنيه هوا ملاك

وطبعا الاسم مستعار حسب طلب صاحبه القصه ..

يلا نبدي القصه اقروها ونصحو ملاك حسب خبرتكم بلحياة..

....

شخصيه ملاك...(ابنيه تحب تكون صداقات واجتماعيه وتحب تتعرف وتكون علاقات)

الطرف الثاني بقصتنه اليوم هوا محمد عمره 16سنه

.............*نبدي لقصه ونكول
                              بسم الله الرحمن الرحيم*.......

ملاك عدها برامج تواصل اجتماعي فا تكول بيوم من الايام دخلي شخص ع خاص اسمه محمد وطلب مني انو نكون اصدقاء واني طبعا وافقت لائن احب اكون صداقات جديده

فا بدو يحجون ملاك ومحمد رسائل يوميه وطورت العلاقه بينهم

بدت ملاك تحس انو محمد خوش ولد وارتاحت بلحجي ويه وضل يحسسها انو هوا يخاف عليها ويسئل عليها بيوم من الايام فتح محمد وياها موضوع

💬محمد: ملاك اني احبج من اول يوم حجيت بي وياج

💬ملاك: اسفه ما اكدر

💬محمد: شبيج افتهمي اني احبج

💬ملاك: ما اكدر

💬محمد: ماشي راح انام

💬ملاك: نوم العواف

وره شهرين بدت ملاك تتعلق بي من خلال تواصلها وياه كدر انو يخليها تتعلق بي وميمر يوم اذا متحجي وياه واذا محجت وياه تحس ناقصهه شي وتختنك

💬محمد:تعبت اني احبج والله وعد مني الج من اطلعين من المتوسطه اجي اخطبج

فرحت ملاك وردت علي

💬ملاك: اني هم احبك❤

فا ستمرت علاقه بينهم مبيها اي مشاكل الى ان اجت لمدرسه وبدت ملاك تنشغل عن محمد بسبب لدراسه وتحجي وياه ساعات قليله مو مثل قبل واجت الامتحانات فا غابت ملاك عن محمد وقطعت التواصل وياه

السؤال هنا...

هل يا ترى بعد الحبيب وغيابه يدفع الطرف الثاني للخيانه ونسيان الشخص الي حبه ؟او يضل ينتضره وميلتفت لغيره؟

او هل حب الشخص الك ضعيف لدرجه يخلي يخونك بمجرد غيابك عنه لفتره محدده ؟؟

بعد كا خلصت امتحانات ملاك اشتاقت لحبيبهه واشتاقت انو تحجي وياه بس تفاجئت انو متغير وياها ومو نفس قبل وكل متحاجي يخلق اعذار فا بيوم مم الايامم ملاك كاعده تراسل صديقتهه واجتها رساله مم ابنيه تكول..

....مرحبا

ملاك: اهلا تفضلي

....تعرفين هاذ لولد الي اسمه محمد

ردت ملاك بثقه وكالت

...اي حبيبي

....لا هاذ حبيبي

ملاك: شنو ما اصدكج

.....اذا تردين ادزلج اثبات

ملاك: دزي

دزت صور محادثه هيه واياه وملاك شافت انو يحجي ويه هاي لبنيه مثل ما جان يحجي وياها يعني هم يوعدها بزواج ويكللها احبج

هنا كلب ملاك انكسر من شافت لشخص الي حبته والي بنت احلامها عليه يحجي ويه غيرهه وطلع يجذب عليها فا بقت اليل كله تبجي وتراسل بي وتسئله منين هاي لبنيه مجاوبهه ورد عليها وره يومين

محمد: شلون ترديني ارد عليج

ملاك: ليش خنتني شنو مقصره وياك اني حبيتك من كل كلبي

فا بده يخلي لصوج بيها حته يطلعها غلطانه

محمد: مو انني تلهيتي بدراستج وعفتيني وتلهيتي واني مالي احد

ملاك: وتروح تخوني؟💔

بقت ملاك تعتب علي وتبجي وانقهرت حيل وكام شعرها يساقط بسببه وبدت حالتهه النفسيه تتعب ومن كد ما نقهرت صار بيها فقر دم وبقت 5 ايام بلمستشفى من وراه

وهسه يريد يرجع شتنصحون ملاك ترجعله لو لا

يي ويكول درب الجلب معروف ونعرفه كنه كلوله من يجوع لا يرجعنه🙂

رجا للبعض مو للكل من تنصحون اتمنى تكون نصيحتكم خاليه من السرخيه والانتقاد وتكون تعكس شخصيتكم الحلوه

هاي جانت اول قصه انشرهه هنا وعذروني ع تأخير وان شاء الله القصص لجايه تكول اطول جاي تجيني هواي قصص دايركت الي عدها قصه تراسني هم

الكاتبه طيبه✍️