عشك شمالي غربي

البارت الاول

‎مرحبا اسمي نور من سكنة كركوك وانا الكبيره وعندي اثنين اخوان واخت وحده المهم قصتي بدت من تخرجت من السادس الاعدادي وبدا التقديم مال كليات ف قدمت ع كليات هواي لحد مطلعت المعاينات يعني المقبولين والمامقبولين ف اني مجنت اعرف شنو اسوي يعني جانت كلش دوخه سالفة التقديمات المهم رحت قدمت ع جامعة الكتاب الي بكركوك ف اول شي سويته دخلت ع كروب مال جامعه ف سولفت بي حتى اعرف القسم الي اريد اروحله لان مجنت مقرره ياقسم اروح ف جانو ينطوني كل قسم ومميزاته ف مره من المرات شفت واحد دا يسولف بالكروب و اني مجنت منتبها ع كلامه جنت كلش كلش مركزه ع صورته ههههههه جان حاط نص وجها وباينات عيونه بس كلش حلوات ف جنت تقريبا باليومين اراقبه وكل شويه داخله ع صورته ولا ارادي ابتسم  ف وره يومين نزلت المعاينات ع الكروب مال جامعه ف دورت اسمي مالكيته اني جنت مقدمه ع طب اسنان عاد من ملكيت اسمي كتبت بالكروب منو يكدر يطلع المعاينه مالتي ف ردو عليه اربع شباب واكو واحد بيهم دخلي خاص بس اني مجاوبتهم صعدت ليفوك بالمحادثه وشفت الي جنت اتمنى يكتب ههههههه لكيت ابو عيون الزرك وكاتب؛
‎مصطفى: اخوان منو  يريد يطلع معاينته خل يجي خاص
‎نور: عاد اني هنا اجتني من الله وكلت يلا خل ادخله😂عاد دخلتله وكتبت اخويه ممكن اطلعلي المعاينه بليز🥺 🥺عاد هو شافها وكال شنو اسمج الثلاثني ومعدلج وياقسم انطينياهم عاد انطيتهيا ووره شويه رجع وكال
‎مصطفى: ........ شيصير منج؟
‎نور: كتله يا.......(مااكدر اذكر الاسماء ف حطيت نقاط)
‎مصطفى:كال .............(خرسان بس بالنقاط😂)
‎نور: كتله هااا اي هذا جدي ليش؟
‎عاد كالي
‎مصطفى: مقبوله👏
‎نور: اني هنا مصدكت طرت من الفرح وكتله صدددك يعني نقبلت
‎مصطفى: اي والله
‎نور:كلش اشكرك تعبتك وياي
‎مصطفى:  لا عادي بس عود من يبدي الدوام تعزميني🌚
‎نور:  يلا ماشي اعزمك 😂
‎عاد اني هنا مدري منين اجتني جرئه وكتله انطيني الانستا مالتك علمود اسويلك تاك
‎مصطفى: اعرفه لحسابج
‎نور: من كال هيج انصدمت وضحكت كتله يابه منين تعرفه؟
‎مصطفى: انتي مخليه صورتج وعليها اليوزر مالتج وفتت وشفته مو ناشره صورتج انتي وابوك؟
‎نور:كتله اي انت شمدريك
‎مصطفى: والله كاعد اني واختي وكتلها تعاي انشوف البنات الحلوات الي بجامعتنا وانتي اول وحده طلعتي وكتلها شوفي عيونها شكد حلوه و شفت  يوزر الانستا مالج و دخلت عليه و شفت الستوري  وبس سديت الفون ورحت لبيت اجدادي ولكيتج مراسلتني علمود المعاينات عاد رجعت كتلها لأختي هاي البنيه راسلتني(نور) وهيه انصدمت
‎نور: بقيت فاكه حلكي وكلت عززه شنو هذا انوب يحجيها طك بطك ويكول عيونج حلوات عاد من كالي هيج كمت باوعت لروحي وبقيت اباع لعيوني عاد رجعت للمحادثه وكتله حتى اني انصدمت والله 😂......(اصلا الصوره جانت بس عيوني مبينه وحاطه سمايل ع باقي وجهي وهو وكع بغرام عيوني😂😂)
‎نور:فا بدينا كل يوم نتواصل و  انسولف 
نور: انت منين
‎مصطفى: من الانبار من ال.........
‎نور: لعد شلون قدمت ع الكتاب
‎مصطفى: مو اني قدمت ع النت ومو بس ع الكتاب قدمت قدمت حتى ع القلم وع التراث الي ببغداد ومن ضمنهم الكتاب وانقبلت ب ثلاثتهم ووراها انفتحت جامعة المشرق وع اساس هم اقدم بيها
‎نور: اي لعد ليش مقدمت بيها هيه بقت عليها اذا انت حتى ابغداد امقدم
‎مصطفى:اي جماعتي كلهم هنا بالقلم اذا اروح هناك طلعه وطبه وبنات
‎نور: كتله واوو صريح
‎مصطفى: ههههههه ماكلت غير الحقيقه واصلا ماكو بس تخدير مسائي وقدمت ع الكتاب ومناك اسوي استضافه للقلم وهم يمكن اروح لبغداد لان هناك كرايبنا وهو دوام يوم واحد يعني ميضر وارجع اسبوع للأنبار
‎نور: اي خوش بغداد اقرب عليكم
مصطفى : اي صحيح  بس انشوف وين ترهم
فا ثاني يوم كمت احجي بالكروب وي ولد و اسأل ويجاوبوني وعادي نضحك و نتشاقه فا ما اشوف غير اجه مصطفى و كتبلي
مصطفى : نور لا تحجين وي   هذا  .. نور لا تحجين وي هذا الثاني .. نور لا تحجين وي  هذا الثالث وبعدين تعالي انتي شنو هالسوالف والضحك والشقه عبالك تعرفيهم صار سنين لتمينين زايد خوش
نور : ليش شكو
مصطفى : الولد هذول مو زينين و مو راحه ابتعدي عنهم
نور : ليش بصفتك منو تمنعني ؟
مصطفى : بس حذرتج و اكول مو زينين ودااحجي لمصلحتج واني كتلج وخلاصج بيدج لتضيعين نفسج ويه ذوله التهي بدراستج احسنلج
نور: انت معجب بيه شي ؟
مصطفى : هم هذول الولد مو زينين و لان انتي مرحله اولى فا ايشوفون انو انتي  صيده هسه لا تحجين وياهم
نور: اي خوش لا اتغلس معجب بيه 🙂
مصطفى : ديري بالج منهم
نور : معجب بيه🙂
مصطفى : اي اي معجب بيج و احبج هم  و  اغار من اشوفج تحجين وياهم
نور : (هنا الفت فلم هندي 😂💔 اذا اكوله الكم اضحكون عليه  لان مبين جذب فا حوضحلكم بس ) كتله: بس اني مخطوبه وحجوزه ل ابن عمي
مصطفى : صدك عود
نور : اي بس حجز و بالكليه ايام الدوام يجي يخطبني حتى لا الولد ايزحفولي 🌚
مصطفى : لعد ليش ما كلتي
نور : يعني عادي مو الا اكول لان شي خاص بيه بس اني رايدتك تجي وياي للكتاب حتى اتصيراااااخ و سند الي هناك
لان ما اعرف احد و اخاف اي احد يضحك عليه
مصطفى : لا لا اني ما اتحمل هيج اني حبيتج و انتي اول حب بحياتي و دائما اكول ل جماعتي اول حب اتزوجها مال اجي وياج للكليه و انتي مخطوبه و اشوف واحد وياج لا ما اكدر
نور : ايييي انت شبسرعه حبيتني🙂 ترا ما صارلنا كم يوم نحجي ( كل الي جان بالي انو هو يحجي هيج لان يريد يضحك عليه و كالي انو هو ايريد ايروح للقلم علمود البنات )
مصطفى :  لا ما اكدر لعد باي
نور : باي
فا هنا وره هل كلام ضلينا انسولف بس مو دائما و دمرت عيشته مرا اكله معجبه بيك مره اكله انت اخويه😂😂😂😂😂 علما بالاخير ضربني بلوك🌚💔
فا وكتها ضجت كلت حرامات راح من ايدي هو جان خوش ولد بس اني زيدتها عليه و جذبتي بينت
فا  هو ضربني بلوك بيوم 1/2 فك البلوك يوم1/6 فا  اجه سلم عليه ع التلكرام
مصطفى : هلاو
نور : هلا ب اهل البلوكات 😏
مصطفى : 😅😅 اي شلونج
نور : ليش ضربتني بلوك🙂
مصطفى : لان ب هذاك اليوم اذيتني حتى كمت مااعرف روحي ومااعرف شنو اصرف وياج ع يا اساس ساعه معحبه ساعه اخويه وكل مره كايلتلي شكل  بس من ضربتج جنت دائما افوت ع ستورياتج من حساب البيست مالتي و اسكرن صورج الي تنشريها و الحسره كاتلتني 
فا اليوم صديقي خالد كال فك البلوك و احجي وياها و اني اصلا جنت ناوي افكه
نور: اها ماشي🌚
مصطفى : اتعرفين اني وين؟
نور : لا وين ؟
مصطفى : اني ب التون كوبري ( المنطقه الي بيها جامعه الكتاب)
نور : صدككككك شسوي هنا شجابك انت مو ردت اتروح للمشرق
مصطفى: اجيت  ورا ما ضربتج بلوك ب يوم و كمت امشي بالمنطقه و اباوع اشوف كل وحده ممحجبه و صاعده سياره عليه و اكله ل خالد هاي نور هاي نور ليش مدتباوع عليه  و صرت مثل الخبل و فكيت البلوك
نور : يعني اجيت علمودي
مصطفى : اي حتى اشوفج. تكدرين الباجر تجين للجامعه اكملج التسجيل مالتج و اشوفج ممكن
نور: ها شنو ايي اي راح اجي باجر
مصطفى : يا لون راح تلبسين
نور: زيتوني
مصطفى: ماشي
فا اني كعدت افكر بيها معقوله اجه من الانبار ليهنا حتى بس ايشوفني مقوله انو طلع صدك ايحبني ؟ مريد يضحك عليه  قطع مسافه  ب 300km علمود بس ايشوفني  انصدمت وكتها و ما اتوقعت هيج خطوه منه ابد
فا ثاني يوم بدلت و كشخت و رحت للكليه و لابسه ستره زيتوني و بنطرون اسود واجه هو لابس نفس الوان ملابسي بس يمةة فدووه الون ياكل ويشرب ويا هم انصدمت  طلع احلا من الصور😂
كملي التسجيل  و رجعت للبيت بس ما كدرت احجي وياه  لان السايق مالتي واكف
فا وراها  كمت احجي وياه اكثر
و هم  الاسبوع الثاني جانو  يوزعون الكروبات و ياخذون محاضرات فا هم رحت و كتله شنو راح البس
و اجه ب ثاني يوم و هم لابس نفس الوان ملابسي😂😂😂
مبينين كبلات بالكليه.........
نهاية البارت

شوفو شكد حلو هو هذا الحب الحقيقي يجي من الانبار لكركوك والاوضاع مو كلش تمام هيه هاي التضحيه وسوه كلشي علمود حبيبته وعلمود يشوفها♥️♥️
..........................
الكاتبة الصغيره (زينه🦋)