عشك شمالي غربي

البارت الثاني

نور: عاد  بيومها كعدنا بالكافيتيريا مال كليه و سولفنا تقريبا ب 5 ساعات وجانت احلى خمس ساعات بحياتي وبقينا نسولف ونضحك و اتمنيت  انو اليوم او بالاحرى هالخمس ساعات ميخلص  بس بوكتها حجيت ويا لا بتصنع و لا بثكل ولا غيرها طلعتله ع طبيعتي و اول ماشفته طكيت ايدي بأيده وكتله لك ها ضلعي😂 بحيث اشوفه هو جان مصدوم ومبتسم من هالتصرف بس اني هاي طبيعتي هههههههههه
عاد خلص هاليوم  من رجعت للبيت ضليت ا فكر ب هل يوم الحلو  و بين بعيونه شلون ايحبني عاد كعدت احجي بيني وبين نفسي وكلت هو مبين خوش ولد ليش ماانطي وانطي لروحي فرصه و اصلاً ليش اضيع هيج فرصه من ايدي فا ثاني يوم ب 7 الصبح و اني طالعه للموصل جنت رايحه لبيت جدي ف من بعد تفكير طويل قرررت انو اكتبله.......
نور : صباح الخير مصطفى
مصطفى : صباح النور يانور
نور : مصطفى انت بعدك تحبني؟ ورايدني
مصطفى : اي ليش؟؟
نور: اي واني هم كلش انعجبت بيك وبشخصيتك وتصرفاتك ف كلت انطيك فرصه واتمنى متخون هالفرصه
مصطفى : شنو ؟؟ لحظه لحظه وحده وحده خل استوعب ياربييييي مستحيللل لج فرحتي والله اوعدج مااخون هالثقه النطيتينياها واكون كدها
نور : شبيك دا اكلك اني الك😂😂 صرت مالتك
مصطفى : بس لحظه زين وخطيبج شلون بي
نور : عفته خلي يولي المهم احبك هسه احبك انت❤️🥺
مصطفى : شنووووووو هاي صدكككك (انصدم الولد😂)
يعني هسه انني تحبيني موو؟
نور : اي والله احبك  و هسه اني رايحه للموصل فا كلت اخاف اي شي ايصير بالطريق كلت خل  اجي اعترفلك احسن ما احس بالندم بعدين
مصطفى: والله ممصدك مقلب مو
نور: لا والله مو مقلب😂 صدك احبك .. و هسه اني حروح و ماعندي نت باي
مصطفى: احبج يااحلى شي بحياتي بس ليش ماعندج نت انتي عندج رصيد مو؟
نور: عندي بس 2000 اشترك بيهن يومي اخاف ماكو نت بالموصل فا ما اكدر اراسل ع sms
مصطفى : ها ماشي لعد يلا اني اروح باي👋
نور: باي
نور: جنت كاعده اكلب بالصور مالتنا والابتسامه شاكه حلكي ف روا نص ساعه من محادثتي ويه مصطفى مااشوف غير يجيني رصيد من مصطفى اني بقيت فاكه حلكي وراسا راسلته ع sms
نور:مصطفى شنو هذا الرصيد وليش دازه؟
مصطفى: ولج اشتاقيتلج والله ولسه مامصدك ف دزيتلج حتى اكعد احجي وياج واذا خلص كوليلي حتى احيبلج مره لخ علما توصلين احنا نبقه نحجي
نور: والله ماادري شنو اوصف شعور بهالحظه حتى عيوني دمعت وبقيت مبتسمه وحتى شكد كبر بعيني مو علمود جابلي رصيد لالا ابد بس انو خطه هيج خطوه بس علمود يحجي وياي وحبيته اكثر وكتله صدك تحجي وعليش دازلي عود من نوصل احاجيك
مصطفى:اي والله وهذا  لا شي يم حبي الج ولج اليوم اسعد يوم بحياتي واحلى يوم لج انتي نور الي جنت احلم بيها وهيه اول حب بحياتي اجتي واعترفتلي لج احبججججججج شكد متتخيلين
نور: اوووي والله مااعرف شحجي🥺 عاد استمرينا ع المراسله والحجي وصدك من جد جان احلى يوم بحياتي واسعد يوم يمكن هاليوم وذنيج ال5ساعات جانن احلى شي بحياتي وجنت اول مره اسوي هيج واخطي خطوه واني كلي ثقه بي وجنت واثقه انو مراح اندم لان سلمته نفسي المهم استمرت علاقتنا شهرين وجانن احلى شهرين بحياتي اني وياه يوم احلى من يوم جانن عبار عن ضحك وخبال وونسه عاد مره جنت كاعده وفكرت بيني وبين نفسي وكلت لازم اعرفه ع اهلي والمهم عرفته ع امي واخواني وكلش حبو وارتاحوله اكيد ماكو علاقه مابيها المشاكل ومن قبل صديقاتي بس كدرنا نتعداهن كلهن وهو عرف انو اني لا مخطوبه ولا محجوزه ولا اي شي هههههه عاد مرت الايام ومره صديقاتي الي من حامعة كركوك عزمونا هناك بالجامعه اني ومصطفى عاد رحنا اني وبنين صديقتي للجامعه وع اساس مصطفى وخالد يجون ورانا(خالد صديق مصطفى كلش)عاد وصلنا للجامعه وشفنا البنات هناك حنان وريام ف دندخل للجامعه اشو انسدت الجامعه بوجهنا ههههههههه رأيس الجامعه انطه خبر انو يصير اخلاء بالجامعه يعني انطردنا ياحسافه الطريق الاجينا بي🥲 عاد كلت خل اتصل ع مصطفى خطيه يقطع طريق مناك لهنا وهو اصلا كلش مشفنا عاد اتصلت عليه وكتله انسدت الجامعه
مصطفى: كل عقلج تحجين وشلون هسه اصلا احنا وصلنا
نور: ياا والله ماادري
مصطفى: شوفي البنات منو بيهن تكدر تجي لجامعة الكتاب وتعالو للكتاب لان مفتوحه
نور: ماشي حبيبي عاد سدينا الاتصال واخذت البنات وياي بس بنين وحنان ريام مكدرت تجي ورحنا لهناك وعرفتهم ع مصطفى وخالد بقينا انسولف ونضحك لشويه ونزلو الغده سوه وفريناهم بالكليه ف صعدنا للطابق الرابع مال كليه وتعبت بنين لان جانت لابسه كعب وكليتنا شلون صايره ع تله بحيث اليصعد يتدمر وانوب كعب يبوو ف كعدنا ع الدرج
مصطفى: يكرم اسم الله اني مخلي عيني ع هل كعب لازم ينكسر
بنين: عزااا فال الله ولا فالك انوب الكعب مال اختي مو مالتي لو مالتي جان بيها باب وجواب عاد انداريت ع حنان كتلها حنان جريني خل اكوم وحنان سحبتني وانكسر الكعب
مصطفى: حيلللل هو اني جنت مخلي عيني عليه وكلت لازم ينكسر
بنين: عزااا والله كله صوجك مصطفى هسه اختي تكتلني يمةة مو عين ليزر
مصطفى: اني شعليه هيه حنان سحبتج
حنان: اي اني سحبتها دااكومها شمدريني حينسكر كعبها
بنين: دسكتوا هسه شلون راح امشي بي بالله
نور: يمة غير متنا ضحك ولساتني اكتب واضحك
خالد: هاج البسي حذائي(اكرمكم الله) اني لابس جواريب سود ميبينن وهسه اخابر عثمان ايحيبلي شحاطه(عثمان شريكهم بالسكن) لو حذاء ثاني
بنين: لاعزا ماالبس حذائك خلي يجيب الشحاطه عود اني البسها
مصطفى:  هاط هذا حذائي(اكرمكم الله)البسي ومن عثمان يجيب الشحاطه اني البسها
نور: وهنا بنين عاندت وما قبلت تلبس اي حذاء وهما اثنينهم نازعين احذيتهم😂😂 عاد تعبنا وملينا مامنها فايده رحنا كعدنا ع الدرط الي كدام عمادة كلية الهندسه عاد واحنا كاعدين اجه الدكتور وشاف الاحذيه بالكاع وخالد ومصطفى باقين بالجواريب
الدكتور: انتو طلاب هنا لو شنو(وجه الكلام لمصطفى)
مصطفى:  اي دكتور
الدكتور: لعند شنو هاي ليش مالابس حذائك
مصطفى:  اي دكتور هسه راح البسه
نور: اني ميته ضحك وكاعده اصور واضحك عاد كوه قنعو بنين تلبس حذاء خالد ونزلنا جوه بالحديقه الي يم البوابه وكفنا ننتضر عثمان لشويه اجه وخالد راح جابها منه واجه انوب طلعت شحاطة مصطفى(هو نحس اكشر ميقبل احد يلبس شي يخصه)
مصطفى:  والله اني نحس ماانطي شحاطتي البسي حذاء خالد
بنين: عزااا لا شلون وخالد منضره شلو ايصير كدام الطلاب
خالد: معليج بيع اهم شي البسي الحذاء
عاد واخيرا اقتنعت ولبست حذاء خالد
نور: هاي لازم انسميها قصة سندريلا والكعب المكسور
مصطفى:  سنديرلا والقندره😂😂
نور: اي هيج راهمه اكثر
مصطفى: اتخيلو بنين وخالد يرتبطون والقندره اتضل يمها ف من تشتاقله تحضنها واتنام
نور: اي وتشم الريحه اووف اووف شلون قصه حتصير😂😂 عاد استلمناهم وكعدنا نضحك عليهم اني ومصطفى علما اجتي ماما أخذتنا للبيت
وارا اسبوع.......
********************
الكاتبه الصغيره(زينه🦋)