عشك شمالي غربي

البارت الرابع

حبايبي لتنسون تصوتون وتعلقون♥️♥️
***********************************
عاد مرت الايام لحد مااجه رمضان وجان هذا احلى واول
رمضان النا سويه وجان هذا اول يوم النا ف هو دزلي رساله الفجر وكالي.
مصطفى :حبيبي يلا كومي داانصلي  الفجر
نور : ماشي يلا روحي
مصطفى : خوش ونقره قران هم وبعدين نسولف
نور: اوك حبيبي
فا كمنا صلينا الفجر سوه و دعينا واحد للثاني و قرينا قران وكملت قران ودزلي رساله....
مصطفى : نور
نور: ها حياتي
مصطفى: نور اريدج وياي بالجنه
نور: ان شاء الله حبيبي
مصطفى : ان شاء الله حبيبي اريدج تقرين قران وياي و تصلين حتى نضمن اخرتنا سويه اني وياج
اريدج وياي بالجنه ماريد لا حور العين و لا غيره اريدج انتي
نور : ماشي يا عمري اقره قران و اصلي و ان شاء الله رب العالمين يكتبلنا الجنه سويه
و استمرينا ع هذا الحال طول هالايام احنا ملتزمين بصلاتنا وقرأنه ف بيوم قبل الفطور كتله..
نور: حبيبي الك لل٨ اذا مااترد عليه بهالوكت منا لحد ما ينتهي رمضان اسميك اخويه بالدين خوش
مصطفى: لججج اخوج شنو ماكو مو بكيفج متكولين
نور: و الله هذا العندي اذا مجاوبتني منا ل٨ اسميك اخويه نيهاااا يعجبك لو ميعجبك
مصطفى: عمي ماشي اختي بالدين اقصد حبيبتي هسه خل افطر ووراها نتفاهم
نور: ماشي عيني عاد فطرنا وهو ممراسل وصارت ب ٨:١٩ دقيقه دز مسج
مصطفى:  ها حبيبي
نور: هلا هلا بأخويه بالدين
مصطفى:  انجبيي لج اخوج شنو
نور: والله هذا العندي وحددتلك وكت اني وشوف الوكت شكد انت متأخر
مصطفى:  انتي كتيلي ب٨ وهسه ب٨ وربع يعني اصلا مطولت
نور: هه مطولت كال كتلك قبل ٨ ادري كل هالوقت تاكل هاا
مصطفى:  اكلت شويه وصليت واجيت ماطولت شبيج
نور: صلاة مقبوله يااخي بالدين
مصطفى:  منا ومنكم اختي في الاسلام
نور: لا مااتفقنه هيج شنو اني اسميك انت مو من حقك تسميني لان اني الي اقترحت هالاسم
مصطفى:  شبيج اختي ليش ضايجه
نور: لاااااااا اني موو اختك فهمت
مصطفى:  يعني انتي تكوليلي اخويه عادي واني مااكلج اختي لا هيج ميصير اشو الا اسميج هيج
نور: ماشي يا اخويه بالاسلام  ف بأثناء هالحجي شهد(صديقتي)راسلتني خاص
شهد: نور نور نور نور
نور: ها ها ها ها ها ها
شهد: الاربعاء اريدج بالكليه
نور: ليش يعني شنو صاير شي
نور: راح اجي ادفع الاقساط وتعالي
نور: هلا هلا جايتج زين اضلين اليوم كله لو شوي واتروحين
شهد: لا اضل اليوم كله
نور: يلا خوش لعد تعالي فاطره حنى نكص بالعالم هههههههههههههههه
شهد: ههههههههه ماشي
نور: كملت حجي ويه شهد ف رحت كلت لمصطفى ع هذا الحجي
مصطفى:  ماشي روحي بس من توصلين روحي ع مكانا واتصلي عليه ماشي حتى نرجع بذكرياتنا سوه
نور:  هههههه ماشي
مصطفى:  امج تدري
نور: لا بس عود الثلاثاء اكللها
مصطفى : ماشي (ورا نص ساعه ) نور كتلها ل امج و قبلت اتروحين كلت اخاف اتكلييلها و ما  تقبل منج فا اني فاتحتها بالموضوع
نور : صدكككك فدووه حبيبي انت تسلم
مصطفى: حبيبي اني ب5 الصبح طالع وي ابويه للدائره مالته و عنده جوله فا راح اروح وياهم
نور: ماشي يا روحي ربي يحفضك الي
مصطفى :  ❤️❤️❤️ ( ال 3 قلوب معناها  باي  لان نريد انبقي محادثنا مفتوحه )
نور: ❤️❤️❤️
فا اجه يوم الاربعاء و دخلو داعش ع كركوك  هجمو ع التون كوبري و ع اساس ماكو دوام
فا ردت اخابر شهد حتى اكللها انو ما اكدر اجي و شهد ما ترد ع اتصال
فا ماما كالت
ماما: متروحين للجامعه
نور: اي ماكدر اذا اكو هجوم هناك
ماما : بس ترى مصطفى هناك
نور: عزززا شنو شيسوي؟ شجابه ل التون كوبري
ماما : ياا ليش ما كالج لعد جفصتها
نور: ماما اححي فهميني صدك هو ب التون كوبري
ماما : اي
فا بيومها راسلت البيج مال الجامعه حتى اعرف اكو دوام لو لا و طلع موجود الدوام
و بدلت و اتصل ع السايق مالتي و ما ايجاوب عليه
و كعدت بابا من النوم حتى ايوديني للجامعه
بكون انو اني ما اعرف مصطفى هناك
فا وصلت للجامعه و وكفت ب مكانا
واتصلت عليه
نور: هلو حبيبي اني هسه واكفه ب مكانا وكلت اتصل عليك
مصطفى : هلا حبيبي  صدك والله عندج نت
نور: لا خلص الاشتراك و رصيدي خلصته اتصل ع شهد و لسه ماكو
مصطفى : سدي الاتصال و هسه اني اتصل عليج عندي رصيد
نور : ماشي
نور: جنت كاعده واشوف اكو حركه وره الشجره لشويه وفزيت يمةةطلعلي مصطفى من وره الشجره وكال
مصطفى: هايي كايز وجان خالد واكف وراه و يضحك
و اني بس اضحك من الصدمه وجانت احلى صدمه بالنسبه الييي
نور: هاي شنو دا احلم مووو يعني انت صدك هنا شجابك ولك مو داعش هاجمين مخفت ع روحك
مصطفى : اجيت اشوفج حتى لو يوم واحد و اروح ولتخافين عليه
نور: والله دا احلم مو صدك شو بالله اكرصني (مديت ايدي و جر ايدي بدال ما يكرصها باسها🥺❤️) اوووووي حبيبي انت والله مدااصدك
مصطفى: تذكرين من اختفيت و كتيلي ب8 اتراسل واني طولت عليج
نور: اي
مصطفى : اي ف جنت اتفق وي شهد ع هاي الخطه و اصلا شهد مجايه ل هنا هي اصلا مجايه لان ماعدها شي
و جنت اخابر ابو البيت علمود الايجار حتى لو بس يوم واحد و اشوفج و اروح لان صدك مشتاقلج
و بيوم الي كتلج انو طالع وي ابويه
جذب جنت جاي ل كركوك علمود اشوفج
بس كلت مراح  ترهم ب سبب الهجوم الي صار و ع اساس اجيج للبيت بس رهمت و شفتج هنا
نور: و كل هذا علمودي ؟
مصطفى : اي والله  و اجرت البيت و سحبت كهرباء و نت  حتى لا اتشكين بالموضوع و خسرت ب 600 الف اني و خالد حتى بس اسويلج هاي المفاجئه
نور: ابجي اضحك هسه شسوي يعني  والله لسه دا احلم لككك اموت عليك والله احبك يااخلى شي بحياتي يمةةة اعشقكككككك
مصطفى: يابه والله كدامج اني واتؤ هم احبج والله
خالد: يمعوده ااكدلج مو حلم  الزمي هساته كدامج
مصطفى : يلا حبيبي جيبي ايدج خلي انروح للكافتريا حاره هنا
و رحنا و كعدنا بالكافتريا و اخذنه اصور اني وياه و هم ممصدكه ليهسه  اني شفته
و كعدنا انذل ب خالد ك العاده
مصطفى:  يعني اكو واحد لا احساس و لا ضمير ما يفعل يترك المرتبطين وحدهم
خالد : (يباوعله ب هاي النضره😐😐)
مصطفى: لا يفعل ايروح يدفع القسط و يرجع للبيت ايكمل الغراض و ايعوفنا ناخد راحتنا
خالد
خالد: ها
مصطفى : كوم ادفع القسط حياتي  يلا ( خالد كام طلع من الكافتريا😂 و اني دا اصور فا  هو عباله اني دا اسد التصوير )
نور: هم رجع عباله اني مدا اصور
مصطفى : يلا يلا انقهرت عليك حاره تعال اكعد شوي و كوم
خالد: ماشي
نور: سنكل بائس تافه  سفيه ( خطيه الولد شنسوي بي ميحجي)
و كعدنا ااني و مصطفى ناخذ صور سويه و نلزم ايدينا و انذل ب خالد
و هااااا تذكرون ب من زين  جان يلعب ب لحيه مصطفى
اني شسويت  صورت اني دا العب ب لحيته و دزيتها ل زين و كتبت (  نيهاااااا شوف منو يمييي)
زين اتخبل و ضل يتصل ع مصطفى بس اني ما اخليه ايجاوب
فا مشينا بالكليه اني و صوفي و دفع القسط و كعدنا انسولف و جابلي ورد من الحديقه مال الجامعه
نور: احبك
مصطفى: اني هم
نور: انت هم شنو
مصطفى: هم احبج و اموت ع ربج
نور: تعرف شنو ما اتوقعت يجي يوم و يجي شخص هييج ايحبني و ايعيشني حياه عبالك فلم من اسولفها للناس محد ايصدك ايكولون  هاي متثره بالافلام لو ماعندي الصور و الفيديوهات محد ايصدكني  يعني مثلا منو ايصدك انو ابن شيوخ يصيح كدام الكل اموت ع ربج و يطلع هيج رومانسي و يسووي كل الي انت سويته
منو الي يخسر ب 600 الف حتى بس ايشوف حبيبته يوم واحد
مصطفى: محد ايصدك و اني نفسي ما جنت متوقع مني هل شي بس الي سويته كله ل خاطر عيونج  و كل الي اني سويته الج  نسبه 0.1% من الي اني محضره الج مستقبلا
نور: شنوووو شنو محضرً
مصطفى: اتوقع منج اتحضنيني كدام الكل من الفرحه الي راح اسويها الج
نور: ديييم لعد شراح اتسوي
مصطفى : عبالج اجيب اهلي و اخطبج  مثلاا
لاااااا
نور: يعني مو خطوبه لعد شنو
مصطفى : ما اخلي خطوبتنا تمشي هيج  و الله الااخلي تصوير و انصير اترند ب كركوك و يمكن بالعراق كله  و انطش اني وياج
نور: الله يربي من صدك متحمسه واتمنى ربي يخليك الييي يااحلى شي بحياتي والله ماادري شمسويه بحياتي بحيث الله رزقني بيك
مصطفى: راح نصير احلى نور و مصطفى والله اني المحظوظ بيهيج وحده مثلج
نور : خوش ادري زين شراح تسويلي بس كول ولو تلميح او شي قريب
مصطفى: شي ح يخليج اطيرين  من الفرح  بس ما اضمنلج السنه الجايه ايجوز الي وراها
لان ينزادله جرئه و هوايه همين و ما اتوقع اكو هواي بالعراق مسوي هو شي صاير بالافلام
و راح اخلي شكو وحده من صديقاتج انتي اتحبها اتخلي بصمتها بي ب هذاك اليوم اخلي كل البنات الي ايشوفنج ايغارن منج و ايكولن انيالها
نور: ديممممم وكي اضل انتضر هذا اليوم و اشوفك شنو اتسوي بس شلون راح اكدر اصبر ماادري اوووووف

***********************************
شنو تتوقعون مصطفى راح يسوي؟؟
***********************************
الكاتبة الصغيره (زينه🦋)