رواية حبال المشنقه

الحلقه 1

#حبال_مشنقه المقدمه 1
موده:ممكن لاني خديته غصب ع اهلي ؟💔
ممكن دعوة امي لما شافتني بي الفيلو وقتلي ان شاء الله ينقطع .....كانت دعوتها مستجابه!!
تقطع الفيلو في غرفة العمليات 💔
مش اول دعوه تستجاب ليها .....لما شافتني نصور انا وعريسي ونضحك
قتلي نقصي صوتك الله ياخدك انتي وياه
ربي خداني !
اي خداني في ليلة عرسي
يااااااااه قداش كان باب العرش مفتوح يومها معقوله؟💔
معقوله كل هادي الدعوات تستجاب في يوم واحد ؟💔
شن كان رح يصير لو مسحت ع راسي ودعتلي ربي يوفقك وتعيشي متهنيه انتي وراجلك ؟💔
راهو توا مروحه لي حوشي بي الفيلو وراجلي فرحان بيا
مش راقده جثه هامده !!
كل العرايس يطلو بي الفيلو الابيض بس انا كنت غير
انا الفيلو متعي لونه احمر ومتقطع وفي رصاصه ساكنه وصت قلبي مفيش دكتور قدر يطلعها ممكن تقولو موده قتها تمت من اول حلقه !!!....بس في الحقيقه انتم متعرفو ولا شي ع قصتي قاعدين 💔

رصاصه طايشه قدرت تنهي قصة حب طويله الاهل مقدروش ينهوها !
ماتت العروسه وفي ناس فرحت بي الخبر هادا وناس تانيه تمزق قلبها وفقد طعم الحياة
زي مصار لي عريسها مثلا !
كان الكللل مصدق ومقتنع انها رصاصه طايشه لان مهما كانو الاهل معارضين الزواج هادا مستحيل ينهو زواج بنتهم بي الطريقه البشعه هادي
وغير هكي مفيش حد لي مصلحه في قتلها الا لو كانت فيه اسرار محدش يعلم بيها

_________________________________
رغد:صوت دقات قلبه في حضني كانت كافيه تفهمني قداش يحبني
مسك خدي بيده وابتسملي حلفلي مهما قسو عليا اهله مستحيل يخليني ❤️
رح يقعد معاي طول العمر انا مرته وحلاله على سنة الله ورسوله .......كل الكلام الحلو هادا مجرد دكريات 💔
لان ببساطه كلللل شئ تغير لما فقت من الغيبوبه 💔
لما خلاص لقيت خيمة العزاء متعي واتيه ويدعولي برحمه من قبل حتى ما يعطيهم الدكتور خبر وفاتي بس في النهايه صار شي وقرر ربي يعطيهم خبر ويصدمهم انه كتبلي عمر جديد ❤️

___________________________________

نسرين:شفتهم من ورا الستار مقدرتش نحكي حرف شفتهم بعيوني يبدلو في الصغار من الحضانه بحجت لو راجلها عرف ان المولود بنت يطلقها ويسود عيشتها
كم مصيبه شفتها في ثاني اسبوع من الخدمه ؟
كم عار اكتشفته يصير في المستشفيات العامه ؟
كم موقف وقفت فيه عاجزه مش قادره ندير شي؟
الدنيا لفت بيا ومعش قدرت نجبد نفسي طلعت بهدوء ودمعتي في عيني مقهوره من الضروف يلي خلتني هنايا نصارع في الحياة يلي اول مره نشوفها هكي عكس يلي كنت عايشه فيه عز وخير وراحه ورفاهيه ..........طلعت قدام باب المشفى وانا نحاول نهدي نفسي
لعند جتني فرصه خلتني نعرف كويس ان ربي يسمع في دعائي كل ليله

__________________________________

ثريه:رصاصه طايشه نهت حياة عروسه تانيه
رصاصه نهت قصه طويله تبان لي الناس انها حلوه بس كانت معبيه خوف وحجات غريبه !
وبدت قصه الكل مش فاهمها ومش عارف شنو رح تكون نهايتها !
___________________________

امينه:كل مره ذلوني فيها رح نردها بي عشره طول عمرهم رح يقعدو تحت رحمتي 👑🔥
طول عمرهم رح نعيشهم في رعب ونخليهم كل يوم يتخايلو نفسهم مشردين في الشوارع انا من اليوم صاحبة المكان والرزق هنايا انا الملكه فيهم مش بشكلي ولا بي جمال عيوني برزقي وقوة عقلي مفيش شي قادر يوقفني لا بنت لا ولد لا ضروف صاعبه ولا حتى حب ..حب؟؟؟؟؟؟؟...يتبع
اروى طاهر المسلاتي
منقوله