أمنية مستحيلة

الجزء الثالث عشر

‎خليفة عصب وسحب مايد ..
‎خليفة: انت كيف تتجرأ وتشل حرمتي وتحت أنظاري بعد؟
‎مايد: مب وقتك ماتشوف البنت تعبانه ...
‎خليفة صفق بصوت عالي : لازينن والله حبيبي انت ناسي نفسك ولاكيف؟ ولاتباني اذكرك؟
‎مايد : مايحتاي اعرف زين .. امسك نفسك بس لاتموت علينا وسوله طاف وراح بالهنوف لين داخل وحطها فالصالة وطلع ... مايحس الا بوكس عويهه
‎خليفة : قسم بالله اشوفك تلمس شعره منها بس بتشوف الموت ويسحب قميصه .. ويصارخ بكل ماعنده فاااااااهم  ويفره ويدخل داخل ..
‎حمدان راح لمايد ورفعه .. حمدان: انت بخير؟
‎مايد: مشكور حبييب
‎حمدان: ترا اللي سويته غلط فالنهاية هاي خطيبته ولو انا كنت مكانه بسوي شرات ما سوى واكثر بعد
‎مايد: السموحه منك ياحمدان بس ماقدرت اشوف البنت طايحه ..
‎حمدان: ماعليه بس نحن اخوانها موجودين واكيد ماكنا بنخليها جي .. ودخل داخل
‎تسريع الاحداث
‎الهنوف لفولها ريلها ومكانها فالصالة ماتتحرك .. وسرحانه تفكر باللي صار اليوم ..
‎ومايد كان يالس تحت الشيرة والمهب يلفحه من كل صوب والدنيا ليل ..
‎مايشوف الا ظل جدامه وعرفه بدون مايرفع راسه وقال: ياي تكمل ولاكيف؟
‎خليفة: ما اعتقد انك ناسي الكلام اللي صار بينا قبل سنتين ؟
‎مايد: مانسيت لاتخاف ووقف نفض عمره وبغا يروح الا يسمع خليفة يقول:
‎اللي قلته الصبح بعيده الحين .. تقرب منها اعتبر نفسك فالهاوية
‎مايد سوا نفسه مايسمع وشد ع ايده وراح ..
‎خليفة دق عالهنوف.. الهنوف: اعوذبالله من الخبث والخبائث .. نعم ؟
‎خليفة: شو شايفة شيطان جدامج؟
‎الهنوف: لا هالمره الشيطان ما اشوفه اسمعه ..
‎خليفة ما اهتم: كيف ريلج الحين؟
‎الهنوف: يعني بالله كيف بتكون؟
‎خليفة: جاوبيني عقد سوالي ورص على كلامه
‎الهنوف: تافففت بصوت عالي .. الحمدالله احسن
‎خليفة: زيين ولاتتحركين اي شي تبينه قوليلي ولا كلمي البنات ويلا رقدي ليش واعيه للحين؟
‎الهنوف: كييفي ان شاءالله ارقد يوم تطلع الشمس شدخلك؟ وسكرت الخط

‎تسريع الاحداث .. بعد ماكملو اسبوعين في سفرتهم ويا اليوم اللي يرجعون فيه البلاد ..
‎الكل يزهب سامنهه ويرتب الشنط ,, وتوجهو للمطار .. فالطيارة
‎حصة: بناات والله عكثر ما استانسنا هني لكن والله مشتاقة للبلاد مشتاقة ليدتي ويدي ..
‎الهنوف: والله انا اكثر عنج بس انا مشتاقة لشبريتي تبين الصراحه .. البنات ضحكو عليها
‎الريم: طع هايي وين تفكر في شبريتها ..
‎الهنوف: هي ع الاقل انا في شبريتي مب بعض الناس يفكرن في خطبتهم اللي بتصير
‎الريم ضربت الهنوف : ياخي انتو محد يقولكم شي
‎وقامت راحت تبادلت مع اخوها الصغير ويلست عدال امها وهي تاشر للبنات اشوف كيف بتكملون بدوني
‎الهنوف ضحكت ومسكت كتباها وقعدت تقرا
‎تسريع للاحداث..
‎كل حد راح لبيته ورقد..
‎الصبح عالريوق ..
‎حمدان: ابوي
‎الابو: امر ياولدي
‎حمدان: بغيتك في كلمة راس
‎الابو : قول محد غريب كلهم اخوانك ..
‎الهنوف غمزت لحمدان .. وحمدان يرفسها بريوله من تحت الطاولة ..
‎وصرخت : اااااي بابا شوف حمدان يرفسني
‎حمدان: جب جب
‎نهيان: البادي اظلم
‎الهنوف : انت شو يخصك؟
‎ذياب : حمدان قول ياني فضول
‎حمدان: ابوي ابغي اخطب
‎الام: واخيراا بشوف عيال عيالي .. وصاحت
‎حمدان:شفت يا ابوي؟ ليش كنت ابا ارمسك رواحنا ؟ عشان جي !!
‎الام: من الفرحة ياولدي من متى اتريا هاليوم .. كل ام تتريا الوقت اللي تشوف ولدها معرس ..
‎الابو: زيين عيل يا ام حمدان نقيله البنت ولا انت محيد  وحده في بالك؟
‎حمدان: لا ابويه ماله داعي البنت موجودة .. ابغي الريم بنت عمي ..
‎الام: زيين ما اخترت ياولدي وبدت تزغرطط .. تسريع للاحداث ..
‎توهم وصلو حمدان وابوه واخوانه بيت عمه بوخليفة

‎الكل توجه للداخل وتعرفون الرسميات اللي تصير .. وتمت الخطبة عخير ..
‎خليفة: ها النسيب اشوفك مستانس
‎حمدان: يعني شو تتوقع مني اصيح مثلا؟ اكيد بستانس دام خذت الريييييم
‎خليفة: حوه حوه عالاقل استح ماتشوفني جدامك
‎حمدان: سيير اقول هاك قبل لكن دامها صارت لي الحين خلاص مانسويلك سالفة
‎خليفة: ريلاكس ترا الا خطبة ماملجت بعدك ..
‎حمدان: الملجة الاسبوع الياي يا حبيبي عيل انا بتريا شرواك
‎خليفة: والله لو الشور شوري باجر املج واعرس بعد لكن اختك مارحمتنا بشرطها
‎حمدان: احسن احسن تستاهل يلا يلا بسير اليوم الربع عازميني عالعشا بمناسبة اني خطبت ... اتيي وياي؟
‎خليفة: لا المره الياية الحين مشغول
‎حمدان : تعال خليفة شوي
‎خليفة قرب منه وتحاضنو
‎خليفة: لا اليوم في شي كل ها بس لانك خطبت عيل اذا عرست شو بتسوي وضحكوا واستاذن حمدان ورجع البيت عشان يتلبس..
‎لبس عالسريع يوم يا يبا يروح .. راح لامه فالحجره ودق الباب ..
‎اميي ..
‎الام: تفضل ياولدي
‎حمدان حبها عراسها وقال : امي انا اليوم احس نفسي مرتااح ومستانسس الحمدالله
‎الام: دوم ياحبيبي .. وان شاءالله ربي يقدرني واشوف عيالك..
‎حمدان: امي شو هالرمسه .. ان شاءالله بتشوفينهم .. الام دمعت عيونها : اخاف ربك ياخذني وانا ماشفتهم
‎حمدان: بسم الله عليج يعل يومي قبل يومج ان شاءالله .. يلا انا طالع ما اوصيج ع ابوي
‎الام : ان شاءالله حبيبي .. يوم راح عنها قبظها قلبها
‎دخل حجرة الهنوف وشافها تقرا كتاب .. يالله من متى صايرة مثقفه الاخت
‎الهنوف: من زمااان .. بس انتو تحبون الهياته ماتشوفون اختكم شو تسوي ولا شي
‎حمدان: الهنوف بقولج شي .. الهنوف: قول عيني جعل مايقول غيرك
‎حمدان: اقول خلي المغازل ل اهله هاج هالبوكس اباج تعطينه للريم انا مجهز هالبوكس من زمان وكنت اتريا الوقت الصح .. ولاتحاولين تفتحينه ممكن؟ ..انزين اختي حبيبتي وودري عنج الحركات هاي وبتغدين احسن وحده ..
‎الهنوف: الله الله من متى حمدان تطلع منه هالرمسه
‎حمدان: من اليوم
‎وطلع ..
‎اليوم الثاني الصبح .. الكل متجمع عالريوق ..
‎الابو: عيل وين حمدان؟ ماريته من البارحه؟
‎الام: والله مادري البارحه طلع وماشفناه من يومها .. دقيت كم مره مارد علي
‎نهيان: يمكن تلقينه راقد عند ربيعه خالد ..
‎ذياب: عكيفك خالد مساافر مب موجود فالبلاد ويا اهله
‎نهيان: خلاص انا بعدين بروح اشوفه وبدق بعد
انتهى
—————————————-
اتمنى انكم استمتعتو في هالبارت وعذرا على الاختفاءات ترا والله صدق انسى انه انا كاتبه روايه😂😭😭😭🤦🏻‍♀️
لاتنسوون الفووت و اللايك وتعليق يسعدنيي🥺🤍
قدرو تعبي وانا اكتبلكمممم
والله يوفق الجميع في امتحاناتهه