عشقتها حد الهوس

البارت ٢٢

نيران : ورة ساعة تقريباً ما سمعنة غير نسر دفر الباب علينة ودخل بسرعة صعد السارة سوة الدرج خطوتين سحلها من غرفتها ليجوة

الجد : نسر شنو هاي عوف البنية

ابو نسر : شبيك نسر كطعت شعرها عوفها

نسر : شبية موووو

سارة : مامسوية شي والله عوفني

نسر : خاف قبل خليتج هنا الخاطر ابوج لو جدي هسة لو يجي أكبر واحد ما اخليج

نيران : نسر عوف لبنية راح تموت شبيها

نسر : هاي الي ماتسوة ضفرج رادت تشوه سمعتج

نيران : شنو

سارة : جذب جذب لاتصدكونة والله ماسويت شي

نسر : اجذبيني؟

ام نسر : يمة بس احجيلنة شكو

نسر : راح احجيلكم بس نيران نطيني ماي

نيران : كعد ع القنفة كوة يتنفس تعبان جبتلة مي شرب وضل يحجي انصدمت من الي سمعتة

نسر : جنت كاعد بالمكتب اجتني صور محادثات نيران وي ولد ودازتلة صورها بملابس النوم

نيران : شبيك نسر والله ما ادري عن شي مو اني

نسر : لاتقاطعيني نيران

الجد : كمل ابني

نسر : من شفت الصور تخبلت ماصدكت بالبداية المحادثات بس  الصور ماخلن عقل براسي وبنفس الوقت مصدوم ما اكدر اصدك لأن هاي مرتي ومربيها ع ايدي وماكدر أنكر الشي الي كبالي رجعت للبيت وساعتها لو شايف نيران كبالي الله اليعلم شجان سويت بيها بس شافني قيصر وحجيتلة الموضوع كال مستحيل نيران تسوي هيج واني ادري ماتسويها بس الصور الي كدامي خبلتني اخذ قيصر الرقم الي وصللي منهن المحادثات وطلع صاحب الرقم جبنا طلع ولد صغير عمرة تقريباً ١٥ سنة وحجالنة كلشي كال اكو مرة اجتلي من وصفها إلي عرفتها سارة وطلعنة المكالمات بيناتهم كل الاتفاق موجود بي

نيران : هو يحجي واني مصدومة من الشي الي داسمعة معقولة توصل لهدرجة من الحقارة

ابو نيران : احترمناج وقدرناج الخاطر ابوج وكعدناج بيناتنة هيج تسوين ابنتي ما الج كعدة هنا بعد

نسر : ها جدي ساكت

الجد : والله يا ابني ما ادري شكول إلى تريدة سوي مراح ادخل بعد

نيران : نسر طرد سارة حتة ماوداها كرار هو الي وداها الكل متفاجئ ومصدوم من الشي الي سوتة صعدت فوك الغرفتي كعدت أرتب ملابسنة والدمعة بعيني شوي واجة نسر

نسر : نيران

نيران : هلا محتاج شي

نسر : جاي تبجين؟

نيران : لا عادي كول تريد شي

نسر : تعاي كعدي يمي

نيران : بس رحت كعدت يمة وخليت عيني بعينة بجيت هو حضني حيل ضليت اشهك بالبجي