عشقتها حد الهوس

البارت ٦

نيران: نمت وكعدت ع صوت طلق عالي متت خوف نزلت ركض اكو ناس هاجمين علينة فلشو البيت بالطلق الجام كلة تكسر رحت ركض اخابر النسر دورت ع تلفوني مالكيتة كلبت الدنيا علية تذكرت اني مخليتة بالمطبخ والمطبخ هواي يرمون عليه لان صاير بالبداية كل واحد دخل بغرفتة وساد علية الباب وخايف اجرئت ورحت للمطبخ أخذت تلفوني بسرعة ورجعت اتصلت ع نسر ماكو ياربي وينة اتصلت ١٠ مرات وهم ماكو ضل بالي يمة ولا واحد من الولد يرد حتة اهلي متت من الخوف عليهم شوي أو خلص الطلق الكل طلع وكعدنة بالهول كعدنة كل احنة هذا اليبجي وهذا الي يدعي وفاطمة خطية ميتة خوف بس تبجي ونتبهت نور هنا موجودة رحت يمهة

نيران: هلو نور هاي شوكت اجيتي

نور: هلا بيج اجيت الصبح

نورهان: شو ما اجو وينهم

بيبي: يمة ولدي وين راحو شو محد بين من عدهم يمة احفضهم يارب

نيران: خطية بيبي كاعدة وتبجي وعمتي ام نسر تبجي وتصبر ب بيبي وهذا الي خايف ع اخو وهذا الي خايف ع ابو اني متت من البجي ع ابوي واخوي ونسر أو ولد عمي وجدو من الصبح للعصر ماكو المغرب يلا اجو هم اجو والكل هجم عليهم هذا الي يبوس وهذا الي يحضن وهذا الي يلوم

نيران: بابا وينك ليش محد يرد ع تلفونة  بيكم شي انتو زينين

بابا: يروحي بنيتي لاتبجين والله كلنة بخير

الجد: الحمد الله عدة ع سلامات

نيران: نسر وين

نسر: سلام وعليكم

نيران: هو دخل ورحت ركضت علية وحضنتة واشم وابوس بي عبالك فاقدتة صار سنين مو كم ساعة الكل انتبه لهفتي عليه

نسر: رجعت للبيت وركضت علي نيران اوووف شكد خايف عليهة حتة أكثر من امي حضنتني حيل وضلت تشم وتبوس بية اني حضنتهة لدرجة حسيتهة راح تدخل بصدري

نيران: باباتي ليش هيج سويت والله اتصلت بيك الف مرة وينك دم مابقة بجسمي فدوه لتسوي هيج مرة ثانية

نسر: يروح باباتج والله مابينة شي وجان جهازي مابي شحن فدوه العمرج هاي شصاير بيج ليش وجهج اصفر وتبجين

الجدة: ولج بيبي نيران كاعدة وتحضنين وتبوسين بالرجال كدام عمامج واخوانج مو عيب

عمو عمار: خليهة يمة خليهة حقهة والله

عمو احمد: يمة بعد خايفة ع ابوهة هو احنة شصار بينة مو نوب هية

نيران: فجئة بتعد مني نسر وضل يصيح

نسر: وحق الله ورسولة إذا ما اندمهم ما اطلع اني الشيخ نسر 😡😡

الجد: بوية أهدأ نحلهة بالهداوة

نسر: مانحلهة بالهداوة لعد يهجمون ع بيتي ومحد بي بس نسوان وحق الله ما اخلي بيهم واحد عايش