بسم الله نبدأ
نهاية ٢٠١٨ ظهرت اعراض على اخوية وورم بركبتة راح اكثر من دكتور محد شخص المرض مالتة كل دكتور يحجي شكل اخر شي راح لدكتورة بباب الشرقي بغداد وعرفو شنو بي وسوولة خزعة ورة فترة طلعت النتيجة وجانت سلبية للاسف 😔 وطلع عندة سرطان بالغدة اللمفاوية وظلت حالتة متدهورة ويختنك والنفس صعب عليه لحد اربع اشهر هو ع الاوكسجين بس يوخرة يتخربط ولحد ما كالو لازم ياخذ جرعات كيمياوي بدة بااول جرعة وجان خايف منها وصعبة عليه كلش واخذ الثانية وشعرة بدة يتساقط شوية منة رجع للبيت نفسيتة صفر والمرض مالة يزيد عليه لحد الجرعة الثالثة هو كلش متعذب والدكتور كال لازم عملية نشيل الورم بس هو ميدري نخاف نحجيلة اجو الاطباء الصبح بالستة وكالو عدك خزعة بظهرك وهاي تعرفوها كل شهر لازم يسحبون ماء من ظهرة وهو دخل للصالة شاف غير شي وية ما ضربو بنج اكو واير مزلوغ ونتل رجلة وبقة بالعملية تقريبا ساعتين واكثر وطلع هو فاقد الوعي وجسمة دم وميكدر يحجي نكطع صوتة حتى ورة البنج لان العملية قريبة من الحبال الصوتية وهم رجع للاوكسجين وحالتة صارت اتعس من قبل وظل ياخذ الرابعة والخامسة وراهة راح سفرة لديالى وفتحو موضوع خطوبة كدامة وهو فرح بلحظتها وكملت وسوو حفلة وجان كلش فرحان ورة ايام رجع لبغداد وهم عندة موعد الجرعة السادسة وضربت معدتة وصار عدة تسمم وشهر هو بالمستشفى رمضان والعيد هو مطلع جان كلش متأذي وجسمة كلة تدمر بسبب الجرعات والابر والعلاجات واحترك وريد ايدة وزنة كلش نزل واكلة قليل عايش بس على الماء لحد ورة عيد الفطر طلع كم يوم وصارت الجرعة السابعة تحسن كلش عليها وشعرة ولحيتة طلعن من جديد وجان كلش فرحان واجينة اني وخواتي يما وشافنة وهو جان كلش متعلق بية اني اختة اكبر منة بسنتين وكتي كلة ويا يخابر ويسأل ويحجيلي اسرارة وظيمة وكلمن يقهرة ويضوجة يسولفلي من يطلع ويرجع يحجيلي تفاصيل يومة وفرحانة كلش ويا وجنت دائما ابجي وادعيلة واتمنى يرجع مثل قبل وجنت دائما اشجعة واكولة تخلص وتصير سوالف هو يكول ان شاء الله وصار عدنة عرس بس يوم العرس هو تخربطت حالتة من جديد ورجع وضعة يتدهور وبس نايم وكوابيس وخايف ورة ثلاث ايام جان عندة طيور وكوة صعد للسطح يشوفهن لان صار عدهن افراخ وظل يضحك ويلعب وياهن ابسط الاشياء جانت تفرحة شوية ونزل تعب بالسطح بليل ظل يشكي من اسنانة وحبوب حمراء فوك حلكة وجسمة حار نار وظل يبجي من الالام وميكدر ينام واحنة فوك راسة نبجي ونقرا قران وشرب من ماء اهل البيت وظل يدعي ويتوسل بيهم وشوية ظل كاعد ويانة يسولف ثاني يوم كعد كال حلمت اكو مرأة لابسة اسود وراهة راس مذبوح ينزل دم منة وكالتلي اني دكتورة زينب راح اخذك يمنة ورة هذا الحلم هو حالتة كلش صعبة والالم ميفاركة والليل مينامة صار موعد الجرعة الثامنة حظر ملابسة ونفسة بالليل وسبح وكعدت يم راسة وكال فركي ايدي ورجلي يوجعن وبجة من الالام وجسمة كلش حار وراسة ظليت احجي ويا وكتلة شوف شعرك طلع كال صدك ظليت ابجي اباوع ع حالتة هيج صاير بي وهو هم بس يبجي كل جسمة واسنانة تأذي وجان لابس كلادة فضة ومحابس نزعهن وظل متمدد ويسولف ويانة اني وعمي وامي ب ١٢ بليل جان ينام ويفز رفع عينة كوة باوع علية مرتين ونام بس جان كلش تعبان وكوة يجر النفس متأذي ومخنوك بحيث صدرة ينرفع وينزل من صعوبة التنفس وجان خايف هو كلش عبالك يحس بشي موزين بس محجة ب ٣ بليل كعد يريد ماء يشرب بالاربعة الفجر وكع تخربط كوة جان يمشي لان الورم جان صاير برجلة اثنينهن وخايف كلش من الجرعات تنعاد عليه لان جان عدة جرعة وحدة الاخيرة كعد الصبح ب الستة وية ابوية وكال بابا ماكدر امشي كلش تعبان جيبلي عربانة ابوية خابر عمي اجة يشيلة لحد الشارع وراحو للمستشفى امي جانت كلش خايفة واحنة الليل كلة منايمين كلة كوابيس واحلام بوفاتة ونستغفر وميفيد امي نامت شوية من راحو وفزت ظلت تبجي وتعيط تكول كومو ادعو لاخوكم وضعة موزين كلب الام يحس بس مو ببالنة راح يصير بي شي ظلينة ننشر ونتوسل بالعالم تدعيلة واحنة ندعي ونتوسل بالقران ظلينة خايفين ماعرف ليش كل مرة يروح ميصير بينة هيج ورة ساعة تقريبا اجة ابن عمي وكال اريد الجناسي والمستمسكات كلنا ليش كال رضا ميقبلون ينام مستشفى ورة شوية كلساع نخابر احد وماكو شي يكولون نايم صار ساعة عشرة ونص خابرنة ابوية وكال رضا راح من ايدنة تخبلنة منعرف شنسوي ركضت على الزجاج واضرب واعيط انهاريت فقدت ماعرف شصار بية تدمرنا نركض بالشوارع ونتخربط منعرف شنسوي وكوة يجيبونة جوة ركضنا اني وخواتي للمستشفى بعيدة هي من بيتنا نتوسل بالسيارات يخافون يصعدونة واحد صعدني ومتحملت من طلع ذبيت روحي وضربتني السيارة برجلي وايدي كلة دم وجهي ضرب بالزجاج انزف واركض ورجلي مضروبة وصلت للمستشفى سألت على. اسمة كالو بالثلاجة رأسا وكعت بعد ماكدر اكوم التمو الناس علية عرفو اخوية مات ذبو مي علية كعدت اركض وادور وصلت للثلاجات لكيت ابوية عمامي هناك يبجون عرفت صارت صدك واخوية راح بعد ميرجع ظليت اتوسل بس يفتحون الباب اشوفة للمرة الاخيرة ميقبلون اعيط واضرب كسرت كلشي يمي وفتحت الباب شفتة ع السدية مغطين راسة ميخلوني اروح يمة اعيط اصيح لازميني كوة وركضت لزمت رجلة وابوس بيها كالو يلا تكدرون تاخذو كملو شهادة الوفاة سكتة قلبية جبناه للبيت وامي برة تملخ بروحهة والناس كلها ملتمة وتبجي وشيعناه بالبيت وجبنالة طبل لان هو عريس سودة علية وطلعنة بي للنجف واحنة الطريق كلة مثل المجانين عقل ماكو براسة منعرف شنسوي وصلنة للنجف زوروه الامام علي وصلنة للمقبرة ولكينة حافرين قبر ونزلو اخوية بالقبر ظليت اضرب راسي بالحجار واعيط واتوسل ميدفنو اخوية صغير يخاف وحدة ممتعلم بالظلمة ونصيح وكملو وقرو عليه ورجعنة وتراب كبرة كلة على ملابسنة وراح اخوية وبعد ميرجع وحياتنة وكفت وراه ومبقة طعم للفرح عدنة شبعو من اخوتكم ولتكسرون كلبهم ترى فراك الاخ موت على قيد الحياة وهاي قصتي لتنسو بالدعاء (رضا جواد)
