ولماذا عوض ؟

الحلقه 4

# رواية ولماذا عوض ؟
الحلقه 4
للكاتبه امل علي

منتهي :نزلت وقعدت واقفه وتشبح للفيله وعلي وجها علامات الانتصار جيتك يا عوض جيت 🔥
السائق ::نزل الشنطة من السياره وحطها جنب منتهي
منتهي :خشت للبيت وتتصرف كأنه حوشها خشت قعمزت في الصاله طلعت تلفونها وبدت تتصفح في النت
رابحه :طالعه من المطبخ في يدها كاست عصيرر انصدمت لما لقتها
رابحه : مصدومه اءءء شن اديري انت اهنا 😨
منتهي :ربعت ايديها معقوله مترحبيش بي مرت خووك
رابحه : صكري فمك انت مش مرته متنسيش وليتي طليقته رااك
منتهي :تقرب بخطوات بطيئه حنرجعله وانتم تشبحو ومتقدرو اديرو شي
فاطمه :نازله من دارهاا ونصدمة لما شافت منتهي .... منتهييي شن اديري
منتهي :اوووف خيركم انتم طبيعي مرا متزوجه جت لبيتها شن فيها
فاطمه :شبحت في رابحه بتوتر اطلعي احسن ميشوفك عوض ويرتبك فيك جريمه اطلعي اطلعي
منتهي :مش مستغربه من خوك شي وهدا حوشي وغصبن عنكم كلكم بنقعد فيه وجت بترقا لفوق
رابحه :وقفت قدامها هي هي هي انت ولي نسيتي عمايلك ولا شني بعدي
منتهي :بعدي عني بعددددي
.........................
عوض :خش بخطوات بطيئه كانت غرفه صغيره هلبا فيها صور هلبااا لي اطفال
عوض :طاح علي ريجليه حضن صوره كانت لطفال ووضح من ملامح الطفل يلي في الصوره كان من ذو الاحتيجات الخاصه 💔
عوض : انهار بي البكي كان في اللحظه هادي اضعف من كل مره كان حاضن الصوره بقوه ويردد في كلمت وانت شن ذنبك شن ذنبك
بعد لحظات من من الضعف والعذاب
عوض : ناض وطلع من الغرفه وعيونه حمر كان في باله حاجه وحده الانتقام وبس كان امقرر في اللحظه هادي انه بينتقم من كل واحد مهما كان الثمن

🔥روايات الكاتبه امل علي 🔥

هبه :واقفه علي المرايه وتعدل في حجابها ... اسمعي
شروق :عيونها في النقال ..هممممم
هبه: عارفه حاجه بنطلع ولاكن خايفه وربي
شروق :بعدم اهتمام .. ومن مني خايفه بلهي
هبه: ديري لحوله عاد خايفه من جماعتك من من يعني
شروق :وقفت وجت بتطلع شغلي هدا يلي فووق اكتافك احسن ...وطلعت
هبه : بخوف افففف ديما امدخلتني امعاها في مشاكلها .. وخدت شنطتها وفونها وطلعت
سناء :كانت امقعمزه في الصاله وتتكلم مع مجدي ... مدخلنيش بكرا انفال تكون مزروعه قدامي
مجدي :باهي خلاص غدوه انجيبها فهمنا ياسرك صكري علي الدوه هادي
سناء :اي عندك حق متنساش ان انفال مش ...وقاطعتهم هبه
هبه :ماما بنطلع بنمشي للكليه عندي محاظره
سناء :بصوت حاد متعطليش بسرعه روحي
هبه :تمام ...وطلعت ومشت علي رجليها للكليه بس في الطريق حست بحركه مش طبيعيه
هبه :تمشي وتتلفت وفجأه 😨😨😨😨
..............................
حور :بصدمه شن ادير انت اهني
عدي :واقف في مكانه بدون ولا كلمه
حور :قربتله خيرك انت لسانك كلاته القطوسه ولا شنو رد
عدي : خدي نفس عميق سامحيني بلهي ومسك حور بقوه وحط يده علي فمها وضغط عليه بقوه وسحبها لسياره
حور :كانت تبكي وتحاول اتقاوم عدي بس للاسف كان اقوه منها واغمه عليها 💔
عدي : سحب حور لسياره وركبها وطلع بيها
ساندي :كانت تشبح فيهم من الروشن وتضحك وكان في يدهاا هلبا افلوس
عدي :يسوق في السياره بسرعه لحد مطلع برا المدينه وصلو لي استراحه مقطوعه عن المدينه
عدي :طلع حور من السياره وربطلها ايديها ورجليها وفمها وحطها في غرفه وصكرها بلمفتاح .. سامحيني مجبور علي الشي هدا
........................
فارس : كان يوقع في تعهد في المركز ويغني دمعك ماجاب يا عيني دمعك ماجاب 😂😂
الشرطي :فمك فيه الملح متعرفش تسكت انت
فارس :فيه السكر خير 😂
الشرطي : هدا اخر تنبيه ليك مره تانيه متلوم الانفسك
فارس :امالاه من بنلوم ماهو واضحه
الشرطي :شبح فيه بنضره حاده خلاص هي توكل
فارس :طلع من المركز وواك جيعان الهمم وكان يسوق بسرعه وفجأه خبط في بنت
فارس :نزل بسرعه يجري كانت البنت طايحه علي الارض بس مفيها شي ....انشالله ماصرلك شي
اميره : رفعت راسها انصدمت فارررس
فارس :اميررره شن اديري اهنا بروحك وشن هدا اللبس يلي لابستيه او مره نشوفك بيه
اميره :كانت لابسه عبايه سوده قديمه واضح عليها وكانت لابسه نقاب ... انت شن دخلك في لابسي ..ناضت من علي الارض .. اشقى بروحك مره اخره وفاتت
فارس :كان يتبع فيها بعيونه وركب في السياره وفات للفيله .... اميره هادي في وراها كارثه انا متأكد ميه بلميه
🔥 روايات الكاتبه امل علي 🔥