ولماذا عوض ؟

الحلقه 8

# رواية ولماذا عوض ؟
                   الحلقه8
                           للكاتبه امل علي

انفال: واقفه علي روشن غرفتها وكانت بينها وبين نفسها خلاص امقرره الموضوع كانت تبي تنتهي من هدا العذاب وتحاول تغير حياتها حتي لو علي حساب غيرها
انفال : خدت نفس عميق ووونقزت من الروشن مع ان كانت المسافه عاليه شوي بس خاطرت ونقزت
انفال : تتنفس بقوه وتمشي بخطوات متعتره وسريعه بأتجها بيت منتهي كانت تقريبا الساعه 11:35
منتهي : كانت في لحوش هي وساندي بس بحكم انه بوهم وامهم متوفيين من فتره طويلل عندهم اخ واحد وتتعرفو عليه في الحلقات الجايه
ساندي :كانت ادير في قهوه في المطبخ وتحاول تتصل بي  حور بس كل مره تحاول تتصل تتردد وتخاف من ردت فعل عدي
منتهي : ماشيه جايه علي الباب وكانت متوتره ... اففف ياربي امتي توصل المصيبه هادي
ساندي : طلعت من المطبخ وفي يدها مق قهوه ...اف خلاص يا منتهي توا شوي وتلقيها هنيي
منتهي : انا خايفه تغير رايهاا وترفض انها تجي تعرفي لو مجتش ليوم الخطه كلاها بتخرب انا متأكده
ساندي : اء اه.... وقص عليهاا صوت الباب يدق ... طول شبحت في منتهي قتلك شوي وتجي
منتهي : والفرحه وعلامات النصر مرسومات علي وجها مشت تجري فتحت الباب
انفال : كانت مستنده علي الباب وتتنفس بقوه وكان منظرها يسخف من كتر علامات الجروح و الضرب
منتهي : خشي بسرعههه ... وطول شبحت لي ساندي
انفال :خشت وكانت كمية الخوف داخلهاا كبيره وكانت تعبانه
منتهي : مشت لصاله ومعاها انفالل وقعمزو
ساندي : نمشي نجيب شي تشربيه وهزت راسها لي منتهي بمعني تمام ودخلت للمطبخ
انفال :كانت منصدمه بجمال الحوش اول مره تشوف حوش هك
منتهي : ليوم ارتحي وبكرا نفهمك علي كل شي وشن بديري بزبط
انفال : هزت راسها بمعني تمام وهي كانو عيونهاا في لحوش
منتهي : وقفت تعالي معاي نشيلك لي غرفتك و نعطيك ملابس تغيري دبشك
انفال : وقفت ومشتت وقعدت تتبع في منتهي كان درج كبير وفخمم كانت مرات بعد درجتين او تلات تتعتر من كتر ما كانت تعبانه .... خشت لي غرفه كانت كبيرره وتهبلل كل شي فيهاا ماركه كانت الزيانه معبيهه بي هلباا حاجات او مره أنفال اتشوفهم
منتهي :فتحت الدولاب وطلعت منه بيجامه اهوو هاذي البسيه واشرتلها علي الحمام "حشاكم " باصبعها وطلعت
أنفال : في يدها البجامه كانت عاجبتها اول مره تلبس شي يكون من ماركه عالميه حطتها علي السرير وخشت لي الحمام "حشاكم " كان حمام فخم فيه جميع انواع الشامبوات و اللوشن و كريمات الجسمم
انفال :كانت منبهره لدرجه كبيره من يلي تشبح فيهه ودارت دووش بي اميه ساخنه ورخت اعصابها وبعدها طلعت من الحمام لبست البجامه وقعمزت قدام الزيانه كانت تلمس في وجها كيف كان كله كدمات واثار ضرب خدت كريم إيدين ودهنت إيديها وبخت من البرفان و قعدت تمشط في شعرها
منتهي :طق طق وخشتت وكان في يدها طاست عصير
انفال :بابتسامه ليش تعبتي نفسك
منتهي :حطت طاست العصير علي الزيانه ولووو وهي ليلتك سعيده وطلعتت وصكرت الباب وراها
انفال : ظفرت شعرهاا وشربت طاست العصيرر واول مكملتهاا حست بي راسها ثقيلل وناضت بتمشي لسرير لاكن طاحت علي الارض وفقدت الوعي
ساندي :فتحت الباب وشبحت في منتهي وحركة حواجبها وهي تضحك