الفصل الخامس ...
شهقت نور بفزع عندما جاء إليهما نادر فالمطعم.
نظرت إليه بخوف محاولة إقناع نفسها بأنه ليس موجودا وأنها تتهيأ فقط, ولكن خاب أملها عندما رأته يحدق بها بابتسامة غامضة لم تفهم مغزاها فوعت على نفسها وقالت بفزع:
انت!
نادر بهدوء بعدما أخفى سريعا تلك الابتسامة الغامضة:
آنسة نور انا كنت حابب اني اعتذر من حضرتك على اللي حصل.
نور وهي تضغط على يد لانا بخوف:
ماشي خلاص قبلت اعتذارَك.
لانا وهي تهمس:
نور في ايه ده مش رد.
ابتسم ثم قال:
طيب ممكن تيجي نشرب حاجة؟
همست لانا مرة اخرى في اذن نور بعفوية ومرح غير مقصود:
لا والنبي بلاش مشروبات تاني كفاية.
ابتسمت نور رغما عنها على كلام صديقتها.
نادر باعتذار:
انا كنت حابب تيجي معاية بس عشان اعبر لك فعلا عن اسفي وندمي تجاهك.
فقالت لانا مرة اخرى بصوت منخفض:
يلا يا نور مش ينفع كدة الراجل واقف مستنيكي.
نور بخوف واستنكار:
بس هو ده اللي انا حكيتلك عليه, ومع كدة عايزاني اروح معاه, ازاي يعني, لا لا مش رايحة مش رايحة.
لانا بهدوء:
انا عارفة, واكيد مش قصدي انك تتعاملي معاه عادي بعد اللي حصل, بس كمان عيب لما تسيبيه واقف كدة.
نور بتذمر طفولي:
يووه ماشي بقى.
لانا بابتسامة متوترة:
يلا انا همشي انا, وفرصة سعيدة يا استاذ نادر.
نادر بابتسامة جانبية خبيثة:
انا اسعد, بس انت ازاي عرفتي ان اسمي نادر؟
لانا بارتباك:
انا قولت نادر؟
نادر بخبث:
خلاص خلاص مافيش مشكلة تقدري تتفضلي.
ورحلت لانا سريعا وكأنها تهرب من شيء مرعب.
flashback عندما ذهب نادر وعمر من الكافيه ذهبا إلى مكان نادر المفضل وهو البحر.
قال عمر بهدوء عندما وصلا وجلسا على أحدى الصخور:
اهدى يا نادر وخلينا نتكلم بهدوء.
نادر بتشتت:
انا مش عارف اعمل ايه يا عمر.
أنت تقرأ
رحلة الهلاك )
Horrorأنا هو الساحر الأعظم, أنا هو الذي تعددت ضحاياه وكَثُرَت جرائمه, ولكنك مختلفة عن كل تلك الضحايا اللاتي سبقوكي, فأنا حقا لا أعلم إن كنتِ ستكونين ضحيتي القادمة أم أنا الذي سأكون ضحية لسحر عيناكي الفيروزية, لا أعلم إن كنت سأسحبك أنا إلى عالمي المظلم أم...
