شمس الصعيد
الحلقة الواحد و العشرون
🌞🌞🌞🌞🌞🌞🌞🌞
في الصعيد
🌞🌞🌞🌞
توقفنا عندما غادرت شمس و توجهت الى مكانها المفضل و جلست تنظر إلي السماء و شعرت باحد يجلس بجوارها و يضمها لحضنة فتنهدت بصوت مرتفع
حامد بحنان : مالها شمسي
شمس الصغيرة بتنهيدة : تعبااااااانة اوي
حامد : من ايه يا نور عيوني
شمس الصغيرة : من كل حاجة
حامد بحنان : شلتي كتير اوى قبل معادك موت امك و تعب اخوكي و كل حاجة مفيش حد يستحمل كل ده
شمس الصغيرة بابتسامة : و ايه هي وظيفة الشمس غير حماية الكل و فضل صلبة
حامد بحنان : خايف عليكي ليجي يوم و تبقي لوحدك
شمس الصغيرة بابتسامة : علشان كده انا خليت اخواتي الرجالة يدخلو الانتخابات علشان ميجيش اليوم اللي يقفو فيه قدامي و يقلولي انى ظلمتهم و قللت منهم علشان خلاص كل واحد فيهم كبر و تجوز وهيبقي اب مش عاوزة يوم يقفو قدامي و شوفي نظرة الكره عوزة أفضل الشمس الحامية اللي بتحمي و دفئ قلوبهم قبل جسمهم انا مش هفضل طول عمري اوجهم انا عوزة اكون المرشد اللي يستعينه بيه في اي وقت مش عوزاهم يمشو من دماغهم مش عوزة حد يملئ راسهم بافكار غلط
حامد : و في وسط كل المشاكل و الحياة هتنسي نفسك
شمس : مش فاهمة
حامد : لا انتى فاهمة هتفضلي لوحدك كده كتير آخر الليل تقفلي على نفسك الباب وحيدة ملكيش راجل يضمك لحضنة و يحسسك بانوثتك
شمس باستغراب : بابا
حامد : ايه مستغربة ليه سيبي قلبك يرشدك للراجل الصح انتي لو كنتى اي واحدة تانية كنت قولت هجوزك اي واحد و خلاص بس انتى غير الكل انتى الوحيدة اللي مقدر ازعلها أو اجبرها على حاجة حرري قلبك و سبيه يحب و يتحب انا محكمتش على الراجل و عمري مهحكم على البنت عيشي و سيبك من الكل انتي لسه قايلة الكل كبر و عقل عيشي حياتك يا بنت قلبي خليني استريح من نحيتك و امك تستريح
شمس بابتسامة : انا بحبك اوي يا احلي اب فى الدنيا صدقني لسه قلبي مدقش لحد اول مهحس بواحد و قلبي يتحرك انت اول واحد هيعرف كمان انا لسه صغيرة على الحب و الجواز
حامد : أصغر منك و تجوزه و كلها كام شهر و يشيلو عيال
شمس بابتسامة : سلمها لربنا
حامد : و نعمة بالله
شمس : هو انت ليه متتجوز تاني
حامد بفلعة : اتجوز بعد عشق عمري و حياتي اسمح لواحدة تنام على سرير نجمتي اسمح لوحدة تلمسني بعد نجمتي فى فرق كبير بين الجواز و الجواز
شمس : و ايه الفرق
حامد : الفرق كبير جدا فرق السما من الارض واحد بيجوز علشان يعمل عيلة و خلاص و واحد تاني يتجوز علشان بيعشق مراته و تغنية عن كل ستات العالم حتى لو وقفت قدامه اجمل الستات عمره ميشوف غير عشقته و حبيبته
شمس : بتحب امي
حامد : انا بقولها و مش مكسوف انا بعشق و بموت فى نجمة لانها مش بس مراتي لااااا ديه بنوتي و صحبتي و رفيقة عمري و زوجتى و حبيبتي و عشقتي مفيش ست هتقدر توصل لربع حبي لنجمة و انا اصلا مش هعرف اتعامل مع واحدة غير نجمة انا مكنتش بتكسف من نجمة كانت بتعمل معايا حاجات عقلك ميوصلهاش رغم قوتها بس أول ميتقفل علينا باب الأوضة بتبقي ست الستات
شمس : بس انا خايفة معرفش اتعامل مع زوجي
حامد بحنان : يوم ميتقفل عليكم باب و يجمعكم سرير واحد صدقيني لو هو بيعشقك بجد مش هيهمه اي حاجة و هيعرف يطلع كل الدلع و الغزل من قلبك
شمس بضحكة : يسمع منك ربنا يا حامد يا بن سناء
حامد بضحكة : هنشوف يا بت نجمة اصلك عاملة ذي امك قوية و جبروت بس من جواكي ناعمة ذي البسكوتة
شمس بضحك : لاااااا يا عم انا هقوم انام مش ناقصة جفاف عاطفي
حامد بخنقة : شكلك يا بنت نجمة هتفضلي قاعدة فى خلقتي لما تعجزي
شمس بمياصة : و تفتكر واحدة ذي شمس المنشاوي ممكن تبور يا بن سناء عيب عليك يا معلم انا شمس المنشاوي
حامد : بلا وكسة توكسك قال شمس المنشاوي و نبي لتتجوزي واحد هيصبحك بعلقة و يمسيكي بعلقة و انا هفضل اقوله كمان اصلي نسيت اربيها
شمس بسخرية : علشان و رحمة نجمة المنشاوي عندي اقتله و ولع فيه و مش هاخد ساعه سجن فيه
حامد : لله الامر من قبل و من بعد مش بقولك يا بنت نجمة هتبوري
أنت تقرأ
شمس الصعيد
Ficción Generalفتاة من أجمل ما يكون تشاهد مقتل امها امام عيونها وتتحول من سعيدة الى جبروت أصبحت فى عمر صغير سبب إزعاج لمطاريد الجبل وفى شبابها أصبحت سبب إزعاج لكبار رجال الأعمال أصبحت كبيرة عائلة كبيرة من اكبر عائلات الصعيد
