ساره: مينفعش انا روح
ادم: وانا بحبك
ساره: انت تعرف انا ظهرتلك ليه
ادم: ليه
ساره: انت السبب لانك كنت دايما بيعيط علي قبر والدك وانا وقتها كنت بعيط برضو
ادم: انتي ازاي بيعيطي وانتي عفريته
ساره: انا مش عفريته أنا روح
ادم: مش مهم مفيش فرق
ساره: اهو انتم كده بتوع التعليم اون لاين لا طبعا في فرق يعني جن لكن الروح دي شخص عادي عاش ومات وطلعت روحه
ادم: وانتي طبعا مطلعتش روحك عشان اتقتلتي صح
ساره بحزن: صح
ادم:انا هساعدك في القضيه
ساره:هتعمل ايه
ادم:هكلم واحد صحبي واخليه يفتح القضيه دي واقوله علي عمك
ساره:شكرا يا ادم
ادم:انا بحبك يا ساره لاحظي انك مجوبتيش علي سؤالي
ساره:مينفعش انا ميته انا شخص نسيته صحابه انت متعرفش انا كنت في الكليه الكل كان حواليا كنت عارفه كلهم بيحبوني وبيكلموني عشان الفلوس لكن انا كنت بحبهم عمري ما هنت حد ولا جرحته لكن دلوقتي مينفعش يا ادم قولتلك انا ميته
ادم:انتي بقيتي حياتي كلها متمشيش
ساره:انا همشي وفجاه اختفت
نظر ادم مكان ما اختفت واول مره دموعه تنزل من وقت وفاه والده ومشي راح عند حماده وسملوا وعدي دقايق
ادم:كان من حوالي سنه كده فتحت قضيه عن اختفاء بنت ولحد دلوقتي مش عارفين مكانها
حماده:اسمها ايه
ادم:اسمها ساره... ساره محمد
حماده فضل نص ساعه بيدور علي ملفات واخيرا جاب الملف وقال
صح كان في قضيه كده وبنفس الاسم بش القضيه اتقفلت
ادم:وانا عايزك تفتحها تاني ومعايا دليل يمكن ويوصلك ليهم
حماده:ماشي
وعدي علي الموضوع دا اربع ايام وساره لحد دلوقتي مظهرتش وإن ادم هيموت من غيرها لحد ما في مره كان قاعد في البلكونة. وفجاه ظهرت ساره قدامه
ادم:ساره
ساره:تعالي معايا
وفعلا نزلنا وقعدنا في نفس اخر مره فيها
ساره:انا جيت هنا عشان اودعك
ادم:خلاص هتمشي
ساره:اه عمي اتقبض عليه طلع فعلا انه هو القاتل وإن ناوي يقتل بابا كمان بس الحمدلله اكتشفوا مكانه وبابا عرف ان ميته ثم عيطت وكملت كان شكله صعبان عليا اوووي كان نفسي احضنه واقوله ان موجوده كان نفسي اتكلم معاه واحضنه ويكون اخر كلام لينا وماما كمان كانت هتموت من العياط ودا كله بسبب عمي بسبب جشعه وغبائه دمرنا ودمر كل حاجه ثم انفجرت في عياط وكان عياطها مرعب من الهوا الجامد ادم كان نفسه يحضنها ويطمنها بس مينفعش هي فعلا سراب روح
ادم:مكنتش اعرف ان الارواح قلبهم رهيف اوووي
ابتسمت ساره وقال ادم:ايوه كده يا شيخه اضحكي انتي هتبقي نكد زي الفنانه نيللي كريم( طبعا انا بحب نيللي كريم مع احترامي ليها)
واخيرا اتعدلت ساره ووقفوا في مواجهة بعض
ادم:هتمشي
ساره:هتلاقي واحده احسن مني
ادم:هتمشي
ساره:وهتحبها اوووي
ادم:هتمشي
ساره:هتكون حنينه وطيبه واحلي مني بكتير
ادم:هتمشي
ساره:وهي هتحبك وهتعرف تحتويك وتشاركك قهوتك وتفاهتك
ادم:هتمشي
ساره:هتحبها اكتر مني صدقني
ادم بدموع:هتقدري تنسيني
شاورت علي قلبها وقالت:دا مش هيقدر
ادم:ساره انا بحبك
رجعت لورا وقالت:لازم امشي لاني سراب وهي الاصل شوف الاصل وانت هتعرف الفرق»
صرخت وانا بشوفها بتبعد: تعالي انا مش عايز غيرك
ساره بدموع:هتوحشني
ادم:ساره، ساره ما تمشيش
ساره بتحبك يا ادم وفجاه اختفت
اخيرا قومت اتحرك بعد ما شوفت كانت الساعه 3 الفجر وإن الجو ضلمه جدا ومشيت زي ما بعمل كل ليله وبفتكر المشهد كانه امبارح مش فات عليه5 سنين في كل يوم وكل لحظه بستني الموت عشان يمكن اقدر اقابلها تاني
مشيت وانا بعدي العربيات وفجاه ظهرت عربيه قدامي ومحستش بحاجه بعدها غير ان بفتح عنيا وانا حاسس بصداع حاولت اتحرك بس كنت مش قادر الممرضه دخلت وقالت
حمد لله علي سلامتك
رديت عليها بتعب: ايه اللي حصل
انت كويس كانت خبطه بسيطه بس رجليك اتكسرت
ادم: دماغي بتوجعني اوووي
دي بس مكان ما وقعت لكن انت كويس
ادم: شكرا ثم افتكرت وقولت مين اللي جبني هنا
اللي خبطتك بالعربيه
قالت كده وخرجت حسيت بتعب كان نفسي اموت واقابلها من تاني فتحت عيني ولقيت بنت بشعر طويل تقف جنبي وهي بتعيط بس ملامحها كانت مش باينه استغربت انهارده بتعيط وقولت
مالك يا انسه وبتعيطي ليه
رفعت وشها وقالت: انا اسفه بجد مكنتش قصدي اخبطك
بصتلها وانا مصدوم دي ساره حبيبتي ساره
البنت مره اخري: يا استاذ بجد انا اسفه طيب انت مش بترد ليه انت كويس
ادم: ساره
انت تعرف اسمي منين
ادم: انتي اسمك ساره
ادم وهي يتحرك: ساره حبيتي انتي رجعتي انا مش مصدق
رجعت لورا وقالت: اكيد حضرتك بتشبه عليا انا اول مره اشوفك
ادم: انتي نستيني انا ادم حبيبك
صدقني انا اول مره اشوفك
بصتلها كويس واستغربت انها بتحاول تسندني ثانيه هي مش ساره كانت مش بتعرف تمسك حاجه يعني دي مش روح دي مش ساره كانت بريئه جدا وباين عليها انها حساسه
ادم: أنا تعبان
ساره بدموع: انا اسفه
غمضت عيني بسبب المخدر واخر حاجه شوفتها انها بتعيط وبتتاسف
وعدي اسبوع واخيرا خرجت من المستشفي وعرفت عنوانها وروحت بيتها
وفعلا خبطت وهي فتحت وقالت
انت
ادم: فكراني
ساره بدموع: انا انا اسفه انت جاي تبلغ عليا أنا اسفه بجد
ادم: اهدي اهدي متعيطيش انا مش جاي ابلغ انا جاي اتجوز
ساره باستغراب: تتجوز
ادم وهو يعدل هدومه: ايه مينفعش اكون عريس
وقعدنا وبدانا نتكلم
وقالت:انت مش حاسس انك.متسرع يعني لسه عارفني من اسبوع وجاي تتقدملي
ادم بغمزه:تسمعي عن حب من اول نظره
ابتمست بخجل وانا ضحكت وحسيت بروح ساره حواليا وهي بتقول
«مش قولتلك دور علي الاصل وانت هتعرف الفرق وهتنساني»
ابتمست وانا ببص لساره التي قالت
انا بجد مش مصدقه انك موجود
ادم:انا موجود هنا عشانك.عشانك انتي وبس
#تمت
قبل كده كانوا بيقولوا «رب صدفه من الف ميعاد»
كده الروايه خلصت مردتش اطول اكتر من كده عشان متملوش وتبدوا تزهقوا من الأحداث+ شكرا طبعا علي كلامكم وتشجعكم ليا والحمد لله بفضل ربنا الاول وبفضلكم نزلت الروايه علي جوجل وشكرا ليكم مره تانيه+اتمنوا تقولوا رايكم وحبيتوا اكتر شخصيه والنهايهوعجبتكم ولا لا رايكم يهمني
بحبكم اخوااااتي🌚💋💋💋
وان شاءالله اشوفكم في قصه جديده
دمتم سالمين🌚♥
#احببت_روح
#سلمي_سيد
أنت تقرأ
نوفيلا أحببت روح
Historia Cortaهي تلك الفتاه المدلله وهو ذاك الشاب الفقير وهو مرح ايضا وفي الاخير تحصل حادثه مجهوله وتموت لكن روحها تطارده في كل مكان فهل سيقعان في الحب وكيف يتعامل مع حبها فهي روح #أحببت روح بقلمى سلمى سيد
