جفاآء..♥

part:3🎻

.
‏"أتى وكأنه شيئًا يعرفني منذ مدة، أتى وألقى في قلبي كل هذه الطمأنينة."🎻♥
..

سمعوا صوت جدهم واهو مقبل عليهم قاموا حيوا فيه وسلموا عليه لأن قبل اشوي ماامداهم يسلمون عليه بسبب عيال عمهم وعمتهم..
وكان ماسكه متعب وجاي معه..
جات عينه بعينها وفز قلبه لكن هي ماعبرته او تحرك شيء داخلها صوبه بعكس صفاء الي من جاء وسمعت حسه جاها شعور قبل لمن اعترفت له ورفضها ومازلت مصره تحبه..
قربوا من جدهم وسلموا عليه وطبعا كلهم مايتغطون بس متحجبين..
صفاء:هلا هلا والله بجدي الحين احلوت جمعتنا لمن شفناك..
ابتسم بو ابراهيم لمن شاف بنات عياله..
بوأبراهيم:هلا والله بناتي والله انتو نور هالبيت..
تكلم متعب بمزاح:افا جدي واحنا وين رحنا..
جلس بو ابراهيم على الكرسي لانه تعب وجلسوا هم حوله..
ورد على متعب:هذا انت بس مع جاسم أما الباقي مامنهم لا فايده ولا عايده..
ضحكوا عليه..

شوي وجاوا سلوى مع هيفاء..
سلموا على جدهم ودخلوا داخل جنب الحريم..
...

صحى على صوت ربعه الي جلسوا بالغرفه الي ينام فيها بالزراعه..
تافف وانقلب للجهة الثانيه لكن طار النوم من عينه وتوه اصلا من ساعتين نايم..
باسل وصوته ماليان نوم:هيي شتسون الحين وكم الساعه بعد.؟
رد عليه ادم الي جاء وجلس جنب رأسه..
ادم:ولا شيء بس جينا نجلس هنا والساعة الحين 11واربعين دقيقه كيذا يعني شوي وياذن الظهر..

تعدل باسل بجلسته وفتح جواله يشوف وش جديد لين شاف رساله من أخوه أنهم ركبوا الطيارة وعلى 9او 10 باليل بيوصلون..
خذ له خمس دقائق على الجوال وقام يغسل..
شوي وسمع صوت ابوه جاي زراعتهم مع رجال يقرب له ومن عمره بعد..
طلع من دورة المياه وسلم على أبوه والي معه..

جلسوا بالجلسات الي برى..
بو باسل:هاه يا ولد نايم هنا اليوم؟
باسل واهو باقي واقف:اي والله يالوالد نمت هنا بعد ماعلفت الغنم وشفت لي كم شغله..
بو باسل:زين زين اجل سو لنا دلت الشاي على ماتستوي الصلاة..
باسل:أن شاءالله..

دخل داخل الغرفة شغل الغلاية وجهز دلت الشاي وحطها على جنب وجلس..

إلا دخل صاحبه عصام توه جاي من دوامه الي بقى فيه تقريبا شهرين وتوه جاي..
ابتسم باسل لمن شافه ووقف سلم عليه ورحب فيه..
باسل:هلا هلا والله بالي راحوا وكدهم العمل ههههه
جلس عصام وعلى طول ماعنده وقت انسدح وحط يده على وجه..

عصام وهو مغمض عيونه:اي والله انكديت كد بس عشان أطلع شهرين حق زواجي..
جلس باسل جنبه ومسك جواله..
باسل:يلا ماعليه هذه قضت الشهرين..

شوي وشاف الغلايه طفت يعني خلاص جهز الماي..
خلص أخذ الدله ووداها لهم..
باسل وهو يحط دلة الشاي على الطاولة:تامر على شيء ثاني يبه..
بوباسل:سلامتك..
...

ببيت العائلة..
واقفين في الحديقة الخلفية عشان محد يشوفهم او ينتبه لهم..
هي جات ومو طايقة ذا الشيء بس جات لانه استداعها وترجاها تجي تسمعه لآخر مرة..