جفاآء..♥

part:2🎻

.
من عرفتك وأنت يتزايد غلاك
‏وصـار قلبي بـالمشـاعر يحتويك.♥🎻
.

...

بداية عام 2020..
..
كان بذا اليوم القمر مكتمل وصاير بهيئة بدر منور، الأجواء شتويه ونسايم الهواء البارد تلعب بخصلات شعرها وأهي جالسه عند نافذتها وتكتب خواطرها الي بالعادة تكتبها كانت قبل سنة تقريبا بشيء مختلف تماما عن الي تكتبه الحين..
حنين..
(عندما أراك يخفق قلبي بشده ويرتعش جسدي بأكمله لا أستطيع نسيانك رغما أنني لا أراك دائما..)
..
جاها اتصال من صحبتها رغد..
حنين وأهي ترد والابتسامه بوجها..:هلا هلا..
رغد:هلا بك حبيبتي، اخبارك؟
حنين:تمام وانتي؟
رغد:بخير،بقيت اقول لك بكرة بنجمع احنا والبنات في مول عادي تجين؟
حنين:اي عادي بس بالأول بقول حق بابا وبرد لك خبر..
رغد:تمام حبي.
حنين:اووك قلبي..
سكرت منها ورتبت أغراضها الي على الطاولة ونزلت تحت..
...

بعيد كل البعد عن بيت حنين..

كان واقف بكل اناقته ووسامته عند الكاشير ينتظر قهوته تخلص، وطبعا مايخلا من عيون البنات وبرضوا الشباب الي كانت تطالعه من فوق لتحت لكن ماكان معطيهم اي اهتمام..
سمع صوت صاحبه واهو يناديه من بعيد..

ادم:باسل باسل..
التفت له باسل واهو منحرج شوي لأن الناس صارت تطالع فيه أكثر بسبب صوت صاحبه واهو يناديه..
قرب منه باسل..
باسل وشوي عصب:هاه وش أحد ينادي أحد بذا الصوت..
ادم ابتسم وقال له:هاه ستوت القهوة من مساعه انتظرك بسيارة طفشت وجيتك..
باسل:لا بروح اشوفه الحين وانت روح السيارة باخذها وبيجي..

راح باسل لعند الكاشير يأخذ قهوته الي كانت عباره عن امريكانوا وصاحبه سبانش لاتيه..
حاسبه وطلع متجه لسيارته..

باسل:تفضل هذه قهوتك..
ادم:مشكور ياعمري..
ناظره باسل بنص عين وحرك السيارة..
بدأ آدم يسولف..
ادم:اي ترى في سيارة بزراعة تنتظرك تصلحها..
باسل:من سيارته ذي بعد..
ادم:سيارة حمزه ذاك عرفته..
باسل:اي اي بس عرفته كلمني هو قبل كم يوم وقلت له جيبها وانا بصلحها ان شاءالله..
ادم:اي.
باسل وكانه تذكر شيء:ايي صحيح بكرة اخوي وزوجته بيجون من ألمانيا ولازم اروح اجيبهم من المطار..
ادم:قصدك اخوك خالد..
باسل:اي هو..
ادم:غريبه ماطولوا هناك قال بيبقى شهر هو مع عياله..
باسل:لا لأن اتصلوا عليه دوامه وقالوا له تعال وكيذا وعشان هالمرض الجديد هالي طلع ف قال بيرجع بلاده احسن له..
ادم:زين الله يعينك أجل تجيبهم..
باسل:اي الله كريم..
...
المانيا..
فاطمه:خلاص تم الحجز على بكرة حبيبي..
خالد واهو يشيل ولده ريان من الأرض الي كان نايم..
رد عليها بعد ماحطه على السرير..
خالد:اي ياعمري خلاص على بكرة وانتي بعد حامل وكل مرة تتعبين هنا على الاقل هناك قريبه من هلك لو انا مشيت الدوام..
ضاق خلقها وردت عليه:اي تذكرت دقوا عليك قبل كم يوم ع شان تجي..