بتحكي قالت:
كنا أصحاب وأصحاب شديد كمان ما كان عندي صاحب مقرب غيرو عارفين عن بعض كل حاجة حتى تفاصيل حياتنا الصغيرة لدرجة أهلو بعرفوني واهلي بيعرفوه، هو كان سنيري في الجامعة، ومع مرور الايام هو اتخرج والجامعة من غيرو بقت لي مسيخة وما ليها طعم🥺💔 ، والمشكلة انا بحبو 🙈ايوا بحبو واكتر من نفسي كمان بس المشكلة هو ما كان حاسي بي وخايفة أعبر ليهو عن مشاعري أخسرو كصديق ، فكان صعب علي أتعامل معاهو ک صديق وانا معتبراهو كل شئ في حياتي ، المهم في يوم جيت راجعة من الجامعة تعبانة وزهجانة وقافلة معاي قفلة غريبة كدا بس الحمد لله مشيت نمت وكمان مع النومة دي صحيت زهجانة زيادة ف إتصلت عليهو وانا ببكي بقى يقول لي مالك في شنو ردي علي ما تخوفيني عليك ردي وانا بس ببكي ربع ساعة انا ببكي ليهو في المكالمة قال لي خلاص اقفلي برجع ليك اتصل علي بعد نص ساعة فجأة قال لي انا قدام بيتكم اطلعي قلت ليهو كيف يعني قال لي بس اطلعي لفحت لي اقرب توب وطلعت ليهو طوالي ركبت العربية وانا ساكتة هو كمان م اتكلم معاي ومشينا لحدي ما وصلنا شارع النيل قال لي انزلي عاينت ليهو وقلت ليهو بمنظري دا قال لي انزلي م عليك نزلنا قعدنا قدام البحر قال لي مالك تاني قعدت ابكي قال لي عليك الله ما تبكي كدي فهميني مالك وانا م قادرة اوقف بكاء فجأة قال لي *بحبك* انا من الخلعة وقفت بكاء وعيوني بقت قدر الفنجان وبس بعاين ليهو ضحك فيني وقال لي م تستغربي بحبك من اول مرة شفتك فيها وانت بتضحكي مع صحباتك في الجامعة، بحبك من لم كنت بكون متضايق بلقاك اول وحدة تواسيني وتخففي عني ، بحبك من لما الدنيا كلها عجزت عن فهمي انتِ الوحيدة الفهمتيني ووقفتي معاي ، بحبك من يوم قلتي لي طول م نحن مع بعض م نخاف من حاجة لانو اي واحد فينا بكون سند للتاني ،اثناء م هو كان بقول في الكلام دا عيونو كان فيها لمعة غريبة كدا،ما بتتخيلو كمية السعادة الانا كنت فيها يعني حبي ليهو م طلع من طرف واحد الحمد لك ي الله، اخد ليهو تنهيدة كدا وواصل كلامو قال لي انا كاتم مشاعري لي تلاتة سنة بس عشان م اخسرك وي ستي إذا كلامي ضايقك اعتبري إني م قلت حاجة وكان قايم مسكتو من يدو قلت ليهو اقسم بالله انا بحبك اكتر مما انت بتحبني طوالي قبل علي وقال لي بالجد ابتسمت ونفس الوقت دموعي تهدد بالنزول قال لي والله انا كنت مستني اليوم دا بفارق الصبر ما بتتخيلي كمية السعادة الدخلتيها في قلبي بسبب كلامك دا كم انت كريمُ ي رب اخدنا ونستنا وطلعنا ع البيت طول الطريق يتبسم ويغني ساااي وانا بس بعاين ليهو سرحانة في تفاصيلو وبسمتو، وصلتا البيت وودعتو ونزلت وانا البسمة م دايرة تفارق وشي بعد خلاص جيت دايرة انوم لقيتو مرسل لي رسالة محتواها *خلي بالك من نفسك لحدي م نتلمى في بيت الحلال واخلي انا بالي منك* عن كمية الفرح والمشاعر الانا حسيتهم اليوم ، بعد زمن طويل نمت نومة عميقة ومريحة وانا مطمنة انو زولي بقى لي م لغيري ...
*وم اجمل تلك اللحظة وذلك الشعور حين نتوج صداقتنا ثم حبنا بتاج الحلال🤤♥️🔐*
*بقلم : زولة خدورية*
